4-3-3 Tech

ኤአይ ኤአይን የሚገነባበት ዘመን እየመጣ ነው አንድ ቀን አንድ ኤአይ ሞዴል የራሱን ተተኪ ቢሠራስ? ይህ ከሳይንሳዊ ልብ ወለድ የወጣ ሀሳብ ሳይሆን፤ የዘርፉ ባለሙያዎች አሁን በቁም ነገር የሚወያዩበት ጉዳይ ሆኗል። Claudeን ያበለጸገው አንትሮፒክ 2026 ላይ When AI Builds Itself በሚል ርዕስ ባወጣው ማብራሪያ ይህንኑ አመልክቷል። እንደ ኩባንያው ገለጻ የኤአይ ሞዴሎች ኮድ መጻፍ ብቻ አይደለም የሚችሉት። አዳዲ ነገሮችን ይሞክራሉ፣ ምርምርን ያፋጥናሉ፣ ውስብስብ የልማት ችግሮችንም ይፈታሉ። ራሱን የሚያሻሽል ኤአይ ምን ማለት ነው? በቴክኖሎጂው ዓለም ይህ ሂደት Recursive Self-Improvement ይባላል። ዘዴው አንድ ተማሪ ከስህተቱ እንደሚማር ነው። ኤአይ የራሱን አፈጻጸም ይመረምራል፣ ድክመቱን ይለያል፣ የተሻለ መንገድም ይቀይሳል። ይህ ዑደት ደጋግሞ ሲሠራ አቅሙ እየጨመረ ይሄዳል። ሂደቱ ሙሉ በሙሉ በራስ የሚመራ ከሆነ አንድ ሞዴል ቀጣዩን፤ የበለጠ አቅም ያለውን ሞዴል ለመፍጠር የሚያስፈልገውን ብዙ የምርምርና ልማት ሥራ ራሱ ሊሠራ ይችላል። ውጤቱም እጅግ የፈጠነ ይሆናል። ጊዜው መቼ ነው? አንትሮፒክ እንደሚገምተው እ.አ.አ በ2027 መጀመሪያ አካባቢ አንዳንድ የኤአይ ሥርዓቶች ትላልቅ የምርምር ቡድኖች የሚሠሯቸውን ሥራዎች በራሳቸው ማከናወን ወይም በእጅጉ ማፋጠን ይችሉ ይሆናል። https://t.me/+-odCEJs1e505ODZi

የአሜሪካን እንቅልፍ የነሳችው ሰሜን ኪሪያ «በሰው ልጅ ታሪክ እጅግ አደገኛው ሃከር!» — የኤፍቢአይ (FBI) ብርቱ አደን የተከፈተበት የሰሜን ኮሪያው የሳይበር ሊቅ የዓለም ታዋቂ የፊልም ኩባንያዎችን ያስደነገጠ፣ የግዙፍ የፋይናንስ ተቋማትን ካዝና ያስዳበሰ እና የመላው ዓለም የህክምና ተቋማትን የሳይበር ጥቃት ሰለባ በማድረግ ስራ ያቆመ አስደናቂ ሴራ በዓለም አቀፍ ደረጃ ከፍተኛ መነጋገርያ ሆኗል። የአሜሪካው የፌዴራል የምርመራ ቢሮ (FBI) በዓለም አቀፍ ደረጃ ከፍተኛ ፍለጋ እያካሄደበት የሚገኘው ይህ ግለሰብ፣ በሰሜን ኮሪያ የሚደገፈው የሳይበር አጥቂዎች ስብስብ አባል የሆነው ፓክ ጂን-ሃይክ የተሰኘው ኮምፒዩተር ፕሮግራመር ነው። ዩናይትድ ስቴትስ የሕግ ማስከበር አካላት ፓክ ጂን-ሃይክን በዘመናዊው የሳይበር ታሪክ ውስጥ እጅግ አስፊ ከሆኑት ጥቃቶች ጋር በቀጥታ ያያዙት ሲሆን፣ ከእነዚህም መካከል በ2014 ዓ.ም. የሶኒ ፒክቸርስ ኩባንያን ሚስጥራዊ መረጃዎች ይፋ ያደረገው ግዙፍ ጥቃት፣ በ2016 ዓ.ም ከባንግላዴሽ ማዕከላዊ ባንክ 81 ሚሊዮን ዶላር የተዘረፈበት ሴራ እና በ2017 ዓ.ም. ከ150 በላይ አገራት በሚገኙ 300 ሺህ ኮምፒዩተሮች ላይ ተሰራጭቶ የእንግሊዝን ብሔራዊ የጤና አገልግሎት ያስተጎጎለው የ«ዋናክራይ» (WannaCry) ጥቃት ይጠቀሳሉ። በተጨማሪም የአሜሪካ የፍትህ ሚኒስቴር ፓክ ጂን-ሃይክን ጨምሮ ሦስት የሰሜን ኮሪያ ሃከሮች ከ1.3 ቢሊዮን ዶላር በላይ የገንዘብ ዘረፋና ማታለል ለመፈጸም በተደራጀ ስብስብ ውስጥ ተሳትፈዋል በሚል በይፋ ከሷቸዋል። የአሜሪካ ባለስልጣናት እንደሚያስረዱት፣ ሰሜን ኮሪያ እነዚህን የላቁ የሳይበር ጥቃቶች የምታካሂደው ለሀገሪቱ የኒውክሌር እና የባሊስቲክ ሚሳይል ፕሮግራሞች ማበልጸጊያ የሚሆን ከፍተኛ ገንዘብ ለማከማቸት ነው። ምንም እንኳን አሜሪካ በዚህ ግለሰብ ላይ የዓለም አቀፍ የእስር ትዕዛዝ ብታወጣም፣ የመጨረሻ መገኛነቱ በምትገኘውና ከዩናይትድ ስቴትስ ጋር የወንጀለኛ አሳልፎ መስጠት ስምምነት በሌላት ሰሜን ኮሪያ ውስጥ በመሆኑ፣ በበርካታ አህጉራት ላይ የሳይበር ውድመት ያደረሰው ይህ ተጠራጣሪ እስካሁን ድረስ ከኤፍቢአይ እጅ ውጭ ሆኖ ይገኛል።(መናኸሪያ ሬዲዮ) https://t.me/+-odCEJs1e505ODZi

ዲፕሲክ አንትሮፒክን ለመገዳደር አዲስ የሶፍትዌር ልማት ኤጀንት ይፋ አደረገ የቻይናው የሰው ሰራሽ አስተውሎት ኩባንያ ዲፕሲክ ከሰው ልጅ ጥያቄ ሳይጠበቅ በራሱ የኮዲንግ ችግሮችን መለየት የሚያስችል አዲስ ኤጀንት (Super-Agent) ይፋ ማድረጉን ብሉምበርግ ዘግቧል። ይህ ኤጀንት በሶፍትዌር አልሚዎች የውይይት መድረኮች እና በ GitHub ላይ የሚደረጉ ውይይቶችን በመከታተል ኮዶችን በራሱ የሚያርም እና የሚያሻሽል ነው፡፡ እንደ ዲፕሲክ ገለጻ የፈጠራው ዋና ዓላማ ድካም መቀነስ እና የኮዲንግ ምርታማነትን ወደ ላቀ ደረጃ ማሸጋገር ነው። https://t.me/+-odCEJs1e505ODZi

The most profitable trader in the history of cryptos.😁😁 Kim 😜😜 https://t.me/+-odCEJs1e505ODZi

ስሜን ኮሪያ ባይናንስን ሀክ አደረገች.... ለ6 ቢሊዮን ዶላር የባይናንስ ጠለፋ ተጠያቂዋ ሰሜን ኮሪያ ናት ሲል CNN ዘግቧል። https://t.me/+-odCEJs1e505ODZi

No text

የባይናንስ መስራች የሆነው CZ ባይናንስ "የተጠለፈ" ይመስላል ሲል ገልፆዋል። https://t.me/+-odCEJs1e505ODZi

የጉግል አዲሱ "ጄሚናይ 4 ካርቦን" እና የኢሎን መስክ አድናቆት ጉግል አዲሱን የኤአይ ሞዴሉን "ጄሚናይ 4 ካርቦን" ይፋ ያደረገ ሲሆን፤ ሞዴሉ በተለይ የሳይበር ደኅንነትን ለማጠናከርና ውስብስብ የሶፍትዌር ልማት ሥራዎችን ለማቅለል የተዘጋጀ ነው ተብሏል። ብዙዎችን ያስገረመው ግን ከተፎካካሪ ጎራ የመጣው ምላሽ ነው። ኢሎን መስክ አስደናቂ ሲሉ ማሞካሸታቸው፡፡ ሞዴሉ በሶፍትዌሮች ውስጥ የተደበቁ የደኅንነት ክፍተቶችን ጥቃት ከመድረሱ በፊት ለመለየት ይረዳል። የፕሮግራሚንግ ስህተቶችን በፍጥነት በመፈለግ ጥራትና ደኅንነት ያለው ኮድ እንዲጻፍ ያግዛል። ረጅም ጊዜ የሚወስዱ ውስብስብ የዲጂታል ሥርዓት ልማት ሥራዎችንም በፍጥነትና በጥራት ለማከናወን ያስችላል። ለድርጅቶችና ለቴክኖሎጂ ተቋማት እንዲህ ያሉ ሞዴሎች ሥራን ከማፋጠን ባለፈ የዲጂታል ደኅንነት አደጋዎችን በመቀነስ ረገድ ትልቅ ሚና አላቸው። https://t.me/+-odCEJs1e505ODZi

ከጌጣጌጥ ወደ ቺፕ በቤተ ሙከራ አልማዞችን የሚያመርቱ የቻይና ኩባንያዎች የጌጣጌጥ ገበያው አዋጭነት እየቀዘቀዘ በመምጣቱ አዲስ መላ እየፈለጉ ነው። መልሱን ያገኙት በአርቲፊሻል ኢንተለጀንስ እና በሴሚኮንዳክተር ዘርፍ ውስጥ ነው። አልማዝ ሙቀትን ከሌላ ማንኛውም ቁሳቁስ በተሻለ የመቋቋም ችሎታ አለው። ይህን በመጠቀም ኩባንያዎቹ ከቺፖች የሚወጣውን ሙቀት ለማቀዝቀዝ እና ለኳንተም ቴክኖሎጂዎች የሚሆኑ ቁሳቁሶችን ከአልማዝ እያዘጋጁ ነው። ኤአይ እየተስፋፋ ሲሄድ ቺፖችን በብቃት ማቀዝቀዝ ቁልፍ በመሆኑ አልማዝ በባህሪው ቺፖች ውስጥ ዛሬ የሚሠራባቸውን ቁሳቁሶች ሊተካ ይችላል። ይህ እንቅስቃሴ ቤጂንግ የወጪ ንግድ ገደቦች እየበረቱ ባሉበት ወቅት በቴክኖሎጂ ራስን ለመቻል ከምታደርገው ጥረት ጋር ይስማማል። እንደ ሮይተርስ ዘገባ መንገዱ ቀላል አይደለም። ምርቱ ውድ ነው፤ ወደ ነባሩ የቺፕ አመራረት ሂደት ለማስገባትም ተጨማሪ ምርምርና ልማት ያስፈልጋል። ተንታኞች ቴክኖሎጂው ከፍተኛ ዋጋ ሊያስገኝ የሚችል ስትራቴጂካዊ ጥቅም እንዳለው ቢስማሙም ምን ያህል በስፋት ማምረት እንደሚቻልና ወደ ገበያ የሚገባበት ትክክለኛ ጊዜ ላይ እርግጠኛ አይደሉም። https://t.me/+-odCEJs1e505ODZi

ስፔስኤክስ ኤአይ ዋነኛ የገቢ ምንጩ ሆኗል በ2026 ሦስተኛው ሩብ ዓመት ስፔስኤክስ 14.6 ቢሊዮን ዶላር ገቢ አስመዝግቧል፤ ከዚህ ውስጥ 7.5 ቢሊዮን ዶላር ወይም 52 በመቶው የመጣው ከኤአይ ነው። ይህ ዘርፍ የግሮክ (Grok) ረዳትን፣ የከርሰር (Cursor) የኮድ መሣሪያን እና የዳታ ማዕከላትን ያካትታል። በተጨማሪም 431 ሚሊዮን ዶላር ትርፍ አግኝቷል። ስፔስኤክስ በሩብ ዓመቱ የካፒታል ወጪው 19.6 ቢሊዮን ዶላር የደረሰ ሲሆን፤ ኩባንያው በዓመቱ የመጨረሻ ሩብ ከ35 እስከ 40 ቢሊዮን ዶላር በኤአይ ላይ ለማፍሰስ አቅዷል። በሌላ በኩል፣ የስታርሊንክ ተጠቃሚዎች ቁጥር 13.6 ሚሊዮን ደርሷል። የኩባንያው ባለቤት ኤለን መስክ የኤአይ ወኪሎች መስፋፋት የኢንተርኔት ፍላጎትን የበለጠ እንደሚያሳድገው ይጠብቃሉ። https://t.me/+-odCEJs1e505ODZi