FC PAKHTAKOR

"Пахтакор" ФК раҳбарияти "Навбаҳор"га қарши учрашувдан кейин бош ҳакам Ильгиз Танташевнинг қарорлари юзасидан даъво аризаси киритди. Клуб бир қатор баҳсли эпизодлар, жумладан, Ваня Иличнинг қўпол ҳаракатлари, пенальти қарори ва ВАР иши юзасидан жиддий эътирозлар билдирмоқда. Шунингдек, ҳакамларга нисбатан интизомий чоралар қўллашдаги тафовутлар ҳам саволлар туғдирмоқда. Ушбу ҳолатлар батафсил видео таҳлилда тақдим этилади. ОАВ вакилларидан мазкур вазиятни кенг ёритишда амалий ёрдам сўраймиз. "Пахтакор"нинг талаби — имтиёз эмас, адолатли ҳакамлик!

«Пахтакор» ФК раҳбарияти Ильгиз Танташев бўйича расмий эътироз билдирди «Пахтакор» ФК раҳбарияти «Навбаҳор»га қарши учрашувдан сўнг бош ҳакам Ильгиз Танташевнинг қарорлари юзасидан даъво аризаси киритди. Энди ушбу вазиятларни батафсил таҳлил қилувчи видеони эътиборингизга ҳавола этамиз. ОАВ вакилларидан мазкур ҳолатни кенгроқ ёритишда амалий ёрдам сўраймиз. Зеро, бугунги «Пахтакор» футболда адолатли ҳакамлик ва ўйинларни холис бошқариш тарафдори. Учрашув бошиданоқ икки хил ёндашув Ильгиз Танташев учрашувнинг дастлабки дақиқалариданоқ «Навбаҳор» футболчиларига қўпол ўйин учун етарлича чора кўрмади. Натижада Георгий Жгереная (34), Муҳаммадқодир Ҳамралиев (55) ва Ваня Илич (23) томонидан қўпол ҳаракатлар давом этди. Аслида, учрашувнинг 8-дақиқасидаёқ Ваня Илич кетма-кет содир этган икки қўпол ҳаракати учун иккинчи сариқ карточка билан майдондан четлатилиши керак эди. Бироқ у биринчи огоҳлантиришни фақат 58-дақиқада олди. Футболда «сариқ карточкага ўтказиш» деган ибора бор. Бу ҳолатни ўйиндаги қарорлар ортида қандай жараёнлар кечишини яхши биладиганлар англайди. 31- ва 35-дақиқаларда эса «Навбаҳор» футболчиларининг ҳаракатларига нисбатан енгилроқ бўлган қоидабузарликлар учун «Пахтакор» футболчилари Дилшод Саитов ва Сардор Собирхўжаев огоҳлантирилди. «Нефтчи»га қарши ўйин олдидан бу ҳолат биз учун жиддий сигнал бўлди. Пенальти ва эътиборсиз қолдирилган қоидабузарликлар Учрашувда IFAB қоидаларига мувофиқлиги шубҳа остида бўлган пенальти дарвозамиз томон белгиланди. Айни пайтда, IFABнинг 12-қоидаси доирасида баҳоланиши лозим бўлган Собирхўжаев ва Фламарионга нисбатан жарима майдончаси ичида содир этилган деб ҳисоблаётган қўпол ҳаракатлар ҳакам томонидан эътиборсиз қолдирилди. Пенальти эпизоди бўйича ВАР ҳаками Фирдавс Норсафаровнинг тавсияси ва мулоҳазаларига қарамай, Танташев ўз қарорини ўзгартирмади. Бизда ушбу қарор «Пахтакор» манфаатларига зид бўлгани ҳақида жиддий саволлар бор. Бу биринчи ҳолат эмас 18 сентябрь куни бўлиб ўтган «Навбаҳор» — «Динамо» учрашувидан кейин ҳам Ильгиз Танташевнинг ҳакамлигига оид шунга ўхшаш видеолар тарқалган эди. Ўша учрашувда у ВАР ҳаками сифатида фаолият олиб борган ва эътирозларга сабаб бўлган қизил карточка эпизоди бўйича тегишли чора кўрилмагани ҳақида саволлар туғилганди. Шунга қарамай, Ўзбекистон футбол ҳакамлари маркази томонидан унга нисбатан қандай чора кўрилгани ҳақида очиқ маълумот берилмади. Сўнгги пайтларда Танташев ҳакамлигига нисбатан эътирозлар кўпайиб бораётгани ҳам мазкур масалага янада жиддий ёндашиш зарурлигини кўрсатади. Ҳеч бир ҳакамнинг обрўси ёки аввалги хизматлари уни танқид ва жавобгарликдан ҳимоя қилмаслиги керак. Ҳакамларга нисбатан чоралар нега турлича? Тошкентда бўлиб ўтган «Пахтакор» — «Навбаҳор» учрашувида ҳам ҳакамлик қарорлари юзасидан жиддий саволлар пайдо бўлганди. Эркиновнинг голи олдидан офсайд чизиғи ВАР томонидан қандай мезонлар асосида чизилгани алоҳида ўрганилиши керак. Ўша учрашувда офсайдни қайд этган Санжар Шоюсупов кейинчалик «Сурхон» иштирокидаги ўйинда АВАР сифатида фаолият олиб борди. Бироқ унинг фаолиятига нисбатан қандай интизомий чора кўрилгани очиқланмади. Аслида у ҳам Абдувоҳидов каби мавсум сўнггига қадар четлатилган. Равшан Абдувоҳидов эса ўша учрашувдан кейин майдонда ҳакамлик қилмади. Шоюсупов эса кейинги учта учрашувда лайнсмен сифатида ишлади. Нега Абдувоҳидов майдонга қайтмади, Шоюсупов эса фаолиятини давом эттирди? Агар мавсум давомидаги ҳакамлар статистикаси, уларнинг учрашувларга тайинланиши ва баҳсли эпизодлардан кейин қабул қилинган қарорлар чуқур таҳлил қилинса, ўзбек футболида ҳакамлик тизимига оид кўплаб саволларга жавоб топиш мумкин. Биз ҳеч кимни асоссиз айблаш тарафдори эмасмиз. Бироқ баҳсли қарорлар, эҳтимолий хатолар ва ҳакамларга нисбатан чоралардаги тафовутлар очиқ текширилиши шарт. Футболда адолат ва шаффофлик таъминланиши учун ҳар бир ҳолатга бир хил мезонлар асосида баҳо берилиши лозим. Ҳакамлик ортидан жамоа бош ҳомийсидан айрилгани каммиди? Шунга қарамай метин ирода туфайли Элит ОЧЛда сўнгги икки мавсумида муносиб иштирок этаётган жамоа "Пахтакор" эканлигини ёдингизига солиб ўтсак.

«Пахтакор» дарвозасига нотўғри пенальти қўйилган, Ваня Илич 2-бўлимда четлатилиши керак эди Айнан шундай қарорга келган ЎзФҲМ вакиллари, ПФЛ ва «Пахтакор» ўртасида бугун «Zoom» платформасида учрашув бўлиб ўтди. Расмий каналларимизда кўрсатган аксар видеоларимиз Фарҳод Абдуллаев томонидан маъқулланди. Энг аввало, ўйиннинг бошидаёқ Ваня Илич томонидан Достон Ҳамдамовга ишлатилган қўполлик учун Танташев сариқ карточка кўрсатиши керак бўлган. Натижада, ўйиннинг 58-дақиқасидаги иккинчи сариқ карточка билан у майдондан четлатилиши керак бўлган. Бу пайтда натижа 0:1 ҳисоби жамоамиз фойдасига бўлиб турган эди. Муҳаммадқодир Ҳамралиевнинг иккинчи бўлимда Абдурауф Бўриевга нисбатан тирсаги билан ишлатган қўполлиги ҳам қизилга тортмаса-да, аниқ сариқ карточка эканлиги тан олинди. Энг муҳим вазият. «Пахтакор» дарвозасига қўйилган 11 метрлик жарима зарбасини ВАР ҳаками Фирдавс Норсафаров бу пенальти эмаслигини айтса-да, ФИФА ҳаками бўлган Ильгиз Танташев монитордаги вазиятни кўра туриб ҳам пенальти белгилагани унинг профессионал ҳакамга мос ҳаракат қилмаганидан далолат эканлигини кўрсатиб турибди. Унга қандай чора кўрилади, деган саволга ЎзФҲМ вакиллари «Яқин орада уни майдонда кўрмайсизлар», деган жавобни берди.

Намангандаги беллашувдан кейин жамоамиз бош мураббийи матбуот анжуманида қатнашди. Тожиев: - Қизиқарли ўйин бўлди ва оғир баҳс бўлишини кутгандик. Мавсум давомида ҳакамлар ҳақида гапирмадим, аммо бугун уларнинг икки қарори ҳақида айтишим лозим. Бизнинг дарвозага қўйилган пенальти ва рақиб жарима майдонида охирги дақиқаларда Фламарион билан боғлиқ ҳолат. "Пахтакор" зарарига ҳакамлар истаганча нотўғри қарорлар чиқаришмоқда. Бугун ютишимизга беришмади. Ҳакам Насруллаевга рақиб ёнида хавфли югурдинг деб қарорини изоҳлабди. Нима дейишгаям ҳайронман.

No text