O‘zbekiston futzali

🇺🇿 BAHODIR AHMEDOV — O‘ZBEKISTON MILLIY TERMA JAMOASI BOSH MURABBIYI! O‘zbekiston futzal federatsiyasi Ijroiya qo‘mitasi qaroriga muvofiq, Bahodir Ahmedov O‘zbekiston milliy terma jamoasi bosh murabbiyi etib tayinlandi. Ispaniyalik mutaxassis Xose Mariya Mendes salomatligi sababli lavozimidan ketganidan so‘ng, federatsiya tomonidan milliy terma jamoa bosh murabbiyligiga bir qator mahalliy va xorijlik nomzodlar ko‘rib chiqildi. Yakunda milliy futzalimizni ichidan yaxshi biladigan, uning rivojiga katta hissa qo‘shgan va xalqaro maydonlarda O‘zbekiston sharafini munosib himoya qilgan mutaxassis — Bahodir Yo‘ldoshboyevich Ahmedov nomzodi ma’qullandi. ⚽️ Bahodir Ahmedov 1976-yil 9-sentabrda Toshkent viloyatining Chirchiq shahrida tug‘ilgan. Futzalchilik faoliyatini ushbu sport turi mamlakatimizga kirib kelgan ilk yillarda Chirchiq shahrining «Splav», «Elektrokimyosanoat» va «Soliqchi» jamoalarida boshlagan. Keyinchalik «Yunusobod» DJQA, «Ardus» hamda «Stroitel Zarafshon» klublarida to‘p surgan va mamlakat chempioni bo‘lgan. Murabbiy sifatida ham Bahodir Ahmedov salmoqli natijalarga erishgan. «Maksam-Chirchiq» jamoasini chempionat sovrindorlari qatoriga olib chiqqan, «Jizzax-Kenteks» bilan esa O‘zbekiston chempionligiga sazovor bo‘lgan. Shuningdek, ko‘plab iste’dodli futzalchilarning kamol topishida muhim o‘rin tutgan. 🇺🇿 Bahodir Ahmedov milliy terma jamoa bosh murabbiyi sifatida avval ham faoliyat yuritgan. Uning boshchiligida O‘zbekiston terma jamoasi Osiyo kubogida ikki marta bronza medallarini qo‘lga kiritgan. 2021-yilgi Jahon chempionatida ishtirok etib, guruh bosqichidan muvaffaqiyatli o‘tgan va pley-offda o‘ynagan. 📌 Bahodir Ahmedov bilan O‘zbekiston milliy terma jamoasini 2028-yilgi Osiyo chempionatining yakuniga qadar boshqarishi bo‘yicha kelishuvga erishildi. O'zbekiston milliy terma jamoasining yangi bosh murabbiyini keng futzal jamoatchiligiga tanishtirish marosimi vaqti va manzili haqida qo‘shimcha ma’lumot beramiz. Bahodir Ahmedovga yangi mas’uliyatli vazifada omad va muvaffaqiyatlar tilaymiz! 🇺🇿 BMB  |   🥸 Orient Ceramic  |  7️⃣Saber 👉 📝Telegram | 🎞YouTube  | 📝Facebook  | 💻Instagram

TOHIRBEK ABDUKARIMOV TO‘PURARLAR POYGASIDA YETAKCHILIKNI SAQLAB QOLDI 🇺🇿 Futzal bo‘yicha mamlakat XXX milliy chempionati — Oliy liganing 3-turidan so‘ng to‘purarlar poygasida “Maksam-Chirchiq” hujumchisi Tohirbek Abdukarimov peshqadamlikni saqlab qoldi. Toshkent viloyati jamoasi vakili chempionatning dastlabki 9 ta uchrashuvida raqiblar darvozasiga 11 ta gol urishga muvaffaq bo‘ldi. 9 ta gol: 🇰🇬 Doniyorbek Amanbayev (BMB PFC) 🇧🇷 Feliks Melo (“Sayxun”) 8 ta gol: 🇧🇷 Sampaio (SQB PFC) 🇺🇿 Muzaffar Ahadjоnov (“Xorazm”) 🇧🇷 Juninho (SQB PFC) 7 ta gol: 🇺🇿 Ixtiyor Ropiyev (“Nasaf”) 🇺🇿 Dilmurod Shavkatov (“Lochin”) 🇺🇿 Quvonchbek Jahonov (“Nasaf”) 🇧🇷 Manuel Maturana (“Olmaliq”) 6 ta gol: 🇺🇿 Eldor Nigmatov (“Xorazm”) 🇷🇺 Daniil Ilin (“Xorazm”) 🇧🇷 Enrike Suares (“Xorazm”) 🇺🇿 Shahram Faxriddinov (BMB PFC) 🇮🇷 Mohsin Lotfi (“Nurafshon”) 🇺🇿 Akbar Usmonov (“Lochin”) 🇺🇿 Aram Markaryan (“Maksam-Chirchiq”) 🇺🇿 Doniyor Saidov (“Nurafshon”) 🇺🇿 Muzaffar Abdukarimov (“Olmaliq”) Oliy liganing birinchi davrasiga yakun yasaydigan 4-tur uchrashuvlari noyabr oyining so‘nggi o‘n kunligida Toshkent shahrida bo‘lib o‘tadi. 🇺🇿 BMB  |   🥸 Orient Ceramic  |  7️⃣Saber 👉 📝Telegram | 🎞YouTube  | 📝Facebook  | 💻Instagram

UCHINCHI TUR STATISTIKASI — MA`LUMOTLAR TO'RIDA ⭐️ BMB PFC — yuz foizlik natija 3-turda barcha uchrashuvlarida g‘alaba qozongan yagona jamoa BMB PFC bo‘ldi. Nodir Eliboyev shogirdlari uchta bahsdan 9 ochko jamg‘arishdi. ✔️ “Maksam-Chirchiq” — mag‘lubiyatsiz Toshkent viloyati vakillari uchta uchrashuvning ikkitasida g‘alaba qozonib, bir bahsda durang qayd etishdi. Natijada jamoa hisobiga 7 ochko qo‘shildi. 🔝 SQB, “Olmaliq” va “Nurafshon” — 6 ochkodan Mazkur jamoalar 3-turdagi uchta uchrashuvning ikkitasida g‘alaba qozonib, bir bor mag‘lubiyatga uchrashdi. Shu tariqa, ularning har biri 6 ochkodan jamg‘ardi. 🔽 “Samarqand” uchun omadsiz tur Oliy liganing tajribali jamoalaridan biri bo‘lgan “Samarqand” bu turda atigi bir ochko bilan kifoyalandi. Samarqandliklar ikkita uchrashuvda mag‘lubiyatga uchrab, bir bor durang qayd etishdi. 🔥 Turning eng sermahsul uchrashuvi — 12 ta gol BMB PFC va “Zarafshon” o‘rtasidagi bahs turdagi eng sermahsul uchrashuv bo‘ldi. Jamoalar jami 12 ta gol urishdi, yakunda jizzaxliklar 8:4 hisobida g‘alaba qozonishdi. 🔼Eng sermahsul jamoa — BMB PFC Jizzaxliklar 3-tur davomida raqiblari darvozasiga 15 ta gol urishdi. Bu borada keyingi o‘rin “Olmaliq” jamoasiga tegishli bo‘lib, ular hisobiga 14 ta gol yozildi. ⚡️BMB PFC — eng kam gol o‘tkazgan jamoa Amaldagi chempionning darvozasi 3-turdagi uchrashuvlarda atigi 5 marta ishg‘ol etildi. 📉 “Neftchi” — eng kam gol urgan jamoa Farg‘onaliklar 3-turda raqiblari darvozasiga atigi 5 ta gol urishdi. “Samarqand”, “Xorazm” va “Lochin” jamoalari esa 7 tadan gol kiritishdi. 💥 “Zarafshon” — eng ko‘p gol o‘tkazgan jamoa Navoiy viloyati vakillari 3-turdagi uchta uchrashuvda o‘z darvozalaridan 16 ta to‘p olib chiqishdi. 🇺🇿 BMB  |   🥸 Orient Ceramic  |  7️⃣Saber 👉 📝Telegram | 🎞YouTube  | 📝Facebook  | 💻Instagram

AMALDAGI CHEMPION TA’QIBCHILARIDAN YETTI OCHKO ILGARILAB KETDI Futzal bo‘yicha mamlakat XXX milliy chempionati — Oliy liganing 3-tur uchrashuvlari yakuniga ko‘ra, amaldagi chempion BMB PFC ta’qibchilaridan sezilarli darajada uzoqlashdi. Jizzaxliklar bu turda yuz foizlik natija qayd etgan yagona jamoa bo‘ldi. Qolaversa, Nodir Eliboyev shogirdlari asosiy raqiblaridan biri, Liga debyutanti “Xorazm” darvozasiga javobsiz uchta gol urib, chempionlik poygasida o‘z imkoniyatlarini yanada mustahkamladi. Turni mag‘lubiyatsiz o‘tkazgan jamoalardan yana biri — mamlakatimiz futzali afsonalaridan Bahodir Ahmedov boshqaruvidagi “Maksam-Chirchiq” bo‘ldi. Toshkent viloyati vakillari uchta uchrashuvning ikkitasida g‘alaba qozonib, bir bor durang qayd etishdi. Olti ochkodan jamg‘argan SQB, “Olmaliq” va “Nurafshon” ham tur davomida yaxshi natija ko‘rsatishdi. Aksincha, medallar uchun kurashayotgan “Nasaf” va “Xorazm” uchun 3-tur omadsiz yakunlandi. Aleksandr Petrov va Dilshod Rahmatov shogirdlari bu safar uch ochkodan ortiq jamg‘ara olishmadi. Liga debyutantlari “Sayxun”, “Lochin” va “Zarafshon”, shuningdek, tajribali “Neftchi” ham tur davomida uch ochkodan qo‘lga kiritishdi. Navoiyliklar va farg‘onaliklar uchun bu mavsumdagi ilk g‘alabalar bo‘lgani alohida e’tiborga loyiq. Uchinchi turda jamoalar jami 110 ta gol urishdi. Bu har bir uchrashuvga o‘rtacha 6,1 tadan gol to‘g‘ri kelishini anglatadi. Mazkur ko‘rsatkich avvalgi turlardagiga nisbatan biroz past bo‘ldi: 1-turda 114 ta, 2-turda esa 115 ta gol urilgan edi. 🇺🇿 BMB  |   🥸 Orient Ceramic  |  7️⃣Saber 👉 📝Telegram | 🎞YouTube  | 📝Facebook  | 💻Instagram

SQB — LOCHIN jamoalari uchrashuvida Ilyos Mallayev tomonidan kiritilgan gol. 🇺🇿 BMB  |   🥸 Orient Ceramic  |  7️⃣Saber 👉 📝Telegram | 🎞YouTube  | 📝Facebook  | 💻Instagram