Axmadjanov.uz

⚡️Talabalarning ijara to‘lovi qisman qoplab berilishi tartibi Vazirlar Mahkamasining 2021-yil 24-sentyabrdagi 605-son qaroriga muvofiq, davlat oliy ta’lim tashkilotlarining kunduzgi ta’lim shaklida tahsil olayotgan, turar joy bilan qamrab olinmagan talabalarga oylik ijara to‘lovining bir qismi Davlat byudjeti hisobidan qoplanadi. Kompensatsiya miqdori (oyiga): 🔹 Toshkent shahrida — BHMning 1 baravari (440 ming so‘m); 🔹 boshqa hududlarda — BHMning yarim baravari (220 ming so‘m). Ariza har oyning 7-sanasiga qadar kontrakt.edu.uz axborot tizimi yoki Yagona interaktiv davlat xizmatlari portali orqali «Ijara to‘lovlari» bo‘limida topshiriladi. Ijara shartnomasi ijara.soliq.uz saytida hisobga qo‘yilgan bo‘lishi shart; birinchi kurs talabalari uchun bu talab noyabrdan amal qiladi. 👉 @Axmadjanovuz

❗️IIV Akademiyasiga kirish haqida 6 ta muhim ma’lumot 1️⃣ Qabul qachon boshlanadi? Amaldagi tartib bo‘yicha, 2027-yilgi qabul uchun arizalar 2026-yil 15-noyabrdan 2027-yil 15-fevralgacha qabul qilinadi. ( 2️⃣ Hujjatlar qayerga topshiriladi? Doimiy yashash joyingizdagi hududiy ichki ishlar organiga murojaat qilasiz. IIO xodimlari va harbiy xizmatchilar hujjatlarini xizmat joyi orqali rasmiylashtiradi. 3️⃣ Kimlar hujjat topshirishi mumkin? Umumiy o‘rta, o‘rta maxsus yoki professional ma’lumotga ega, 17 yoshdan 25 yoshgacha bo‘lgan O‘zbekiston fuqarolari. Qabul yilida 17 yoshga to‘ladiganlar va 25 yoshdagilar ham qatnashishi mumkin. 4️⃣ Saralash qanday o‘tadi? Uch bosqichda: dastlabki tanlov, maxsus kasbiy tanlov va yakuniy suhbat. Hujjatlar hamda sog‘liq holati tekshiriladi. Maxsus tanlov va suhbat Akademiyada iyun–iyul oylarida o‘tkaziladi. 5️⃣ Qaysi fanlardan imtihon bo‘ladi? Umumiy yo‘nalishda bayon yoki insho, jismoniy tayyorgarlik va chet tili sinovi bor. Ekspert-kriminalistika yo‘nalishida jismoniy sinov, matematikadan test, kimyo va fizikadan og‘zaki imtihon; raqamli texnologiyalar yo‘nalishida matematikadan test, informatika va axborot texnologiyalaridan nazariy-amaliy sinov o‘tkaziladi. 6️⃣ Yakuniy suhbat qaysi fanlardan? Huquqshunoslik, O‘zbekiston tarixi va tarbiya fanlaridan 3 ta savolga og‘zaki javob beriladi. Maxsus kasbiy tanlovdagi maksimal ballning 50 foizidan ko‘pini to‘plaganlar suhbatga qo‘yiladi. Oʻzbekiston Respublikasi Prezidentining Qarori, 15.04.2021 yildagi PQ-5076-son 👉 @Axmadjanovuz

❗️Mobil radarlar haqida endi oldindan ogohlantirish shart emas Hukumatning 2025-yil 15-maydagi qaroriga ko‘ra, har qanday statsionar va mobil radar joylashgan hududda hamda undan kamida 250 metr va ko‘pi bilan 500 metr oldin «Radar» yo‘l belgisini o‘rnatish majburiy edi. Hukumatning 2026-yil 29-oktabrdagi qarori bilan bu talab endi faqat statsionar radarlarga qo‘llaniladi. Mobil radarlar borligi haqida majburiy ogohlantirish talabi olib tashlandi. 👉 @Axmadjanovuz

❗️Isitish mavsumida gazning bazaviy me’yori 5 baravarga oshiriladi O‘zbekistonda kuz-qish mavsumida tabiiy gaz iste’moli uchun bazaviy me’yor oshiriladi. 📌 Belgilangan tartibga ko‘ra: ➖ noyabr — fevral: har oy 500 kub metrgacha; ➖ mart — oktabr: har oy 100 kub metrgacha. ❄️ Qoraqalpog‘iston Respublikasi va Xorazm viloyatida sovuq mavsum uzoqroq davom etishi inobatga olinib, oktabr — fevral oylarida bazaviy me’yor 500 kub metr etib belgilangan. 👉 @Axmadjanovuz

❗️ Suvdan qarzi borlar elektr uchun to'lov qila olmaydi 2027-yil 1-yanvardan boshlab ichimlik va oqova suv xizmatlaridan qarzdor bo'lganlarga elektr energiyasi uchun to'lov qilish cheklanadi. Bu tartib ijtimoiy reestrga kiritilgan oilalarga nisbatan qo'llanilmaydi. Bu haqda "O'zsuvta'minot" AJ raisining birinchi o'rinbosari Islom Abdullayev 30-oktabr kuni o'tkazilgan matbuot anjumanida ma'lum qildi. 👉 @Axmadjanovuz

❗️Isitish mavsumida ehtiyojmand oilalarga 1 million so‘mdan moddiy yordam beriladi Prezidentning 28-oktabrdagi PF–236-son Farmoniga ko‘ra, 2026-yil noyabr oyida quyidagilarga bir martalik 1 mln so‘m ajratiladi: 🔹 Ijtimoiy reyestrga kiritilgan oilalar; 🔹 Reyestrga kiritilmagan, lekin "mahalla yettiligi" xulosasiga ko‘ra mezonlarga mos keladigan, jon boshiga daromadi minimal iste’mol xarajatlarining 2 baravaridan oshmaydigan oilalar; 🔹 Markaziy isitishga ulangan ko‘p qavatli uylarda yashovchi oilalar (jon boshiga daromad viloyatlarda minimal iste’mol xarajatlarining 2 baravaridan, Toshkentda 3 baravaridan oshmasa); 🔹 Yolg‘iz keksalar va nogironligi bor shaxslar reyestridagi fuqarolar, yetim va ota-ona qaramog‘idan mahrum bolalar yashaydigan oilalar. 📌 Shuningdek, elektr, gaz kompensatsiyasi va ko‘mir uchun yordam tayinlashda daromad mezoni minimal iste’mol xarajatlarining 2 baravarigacha oshiriladi. Elektr va gaz bo‘yicha kompensatsiya 2028-yil 1-aprelgacha, ko‘mir uchun yordam 2029-yil 1-yanvargacha uzaytiriladi. 👉 @Axmadjanovuz

🎁 Kitoblar ham o‘z egalariga yuborildi! 📚 Endi keyingi konkurs haqida o‘ylash vaqti keldi. Sizningcha, keyingi konkursda nechta kitob sovg‘a qilaylik? G‘oliblarni aniqlash va konkurs shartlari bo‘yicha ham takliflaringizni izohlarda yozib qoldiring. 👇 👉 @Axmadjanovuz

❗️Ayrim xizmatlarda hujjatlarning elektron shakli qabul qilinadi Adliya vazirligi tomonidan 2026-yil 20-oktabrda 3958 va 3959 raqamlar bilan ro‘yxatdan o‘tkazilgan hujjatlar asosida 33 ta idoraviy hujjatga o‘zgartirish kiritildi. Unga ko‘ra, ayrim xizmatlarda qog‘oz hujjat o‘rniga uning elektron shakli taqdim etilishi mumkin. Elektron shaklda taqdim etiladigan hujjatlar: — biometrik pasport va ID-karta; — tug‘ilish va nikoh guvohnomasi; — pensiya, nogironlik va urush qatnashchisi guvohnomasi; — talabalik guvohnomasi. Hujjatlar my.gov.uz portali yoki "Ijtimoiy karta" ilovasi orqali ko‘rsatiladi. Qo‘llaniladigan holatlar: — bankda shaxsni tasdiqlashda; — notarial harakatlarda; — ichki aviareyslarga ro‘yxatdan o‘tishda; — aloqa xizmatlari shartnomasini tuzishda; — lombard xizmatlarida; — donorlikda; — harbiy hisobga olishda; — urush qatnashchilariga kompensatsiya to‘lashda. Xizmat ko‘rsatishdan bosh tortilgan taqdirda, 20.10.2026 dagi 3958 va 3959 raqamli o‘zgartirishlarga havola qilish mumkin. 👉 @Axmadjanovuz

❗️1-noyabrdan tadbirkorlar o‘rnatgan radarlar xavfsizlik kamarini taqmaganlarni ham qayd etadi Vazirlar Mahkamasining 2026-yil 29-oktabrdagi 596-son qaroriga ko‘ra, 2026-yil 1-noyabrdan tadbirkorlar o‘rnatgan maxsus foto va video qayd etish vositalari haydovchilarning xavfsizlik kamaridan foydalanmaslik holatlarini ham qayd etadi. 📌 Talablar: 🔹 qoidabuzarlik sanasi, vaqti va aniq joyi "Ma’muriy amaliyot" moduliga avtomatik uzatiladi; 🔹 suratlarda haydovchining yuzi va kamar taqqan-taqmagani yuqori sifatda aks etishi shart; 🔹 qurilma elektr uzilganda kamida 8 soat ishlaydigan zaxira manbaga ega bo‘lishi kerak. 👉 @Axmadjanovuz

Qanday foydali kitoblar tavsiya qilasiz? Hozircha Telegram Premium va ⭐️ Stars sovg‘alari egalariga topshirildi. Kitoblar esa qoldi — ularni ertaga yuborishimiz kerak. G‘oliblarga manfaatli, o‘qishga arziydigan kitoblar tavsiya qilinglar! 👇 👉 @Axmadjanovuz