В тренде, Мьянма: Новости и СМИ

ရန်ကုန်တိုင်းအတွင်းရှိ ရပ်ကွက်တစ်ခုလျှင် စစ်မှုထမ်းလူငယ် ၈ ဦး ပေးရန် ခရိုင်စစ်မှုထမ်းဆင့်ခေါ်ရေးအဖွဲ့များက ညွှန်ကြားပြန်၊ ယခင် ရပ်ကွက်တစ်ခုလျှင် လူငယ် ၂ ဦးသာ ခေါ်ယူခဲ့ရာမှ ယခုလာမည့်အောက်တိုဘာလမှစတင်၍ တိုးမြှင့်ခေါ်ယူ ရန်ကုန်၊ စက်တင်ဘာ ၂၇ ရန်ကုန်တိုင်းအတွင်းရှိ မြို့နယ်များမှ ရပ်ကွက်တစ်ခုလျှင် စစ်မှုထမ်းလူငယ် ၈ ဦး ပေးရန် ခရိုင်စစ်မှုထမ်းဆင့်ခေါ်ရေးအဖွဲ့များက ညွှန်ကြားချက်များ ထုတ်ပြန်လာကြောင်း မြို့နယ်စစ်မှုထမ်းဆင့်ခေါ်ရေးအဖွဲ့ သတင်းရင်းမြစ်က ပြောဆိုသည်။ စစ်မှုထမ်းအပတ်စဉ် ၁ မှ အပတ်စဉ် ၂၈ အထိ ရပ်ကွက်တစ်ခုလျှင် စစ်မှုထမ်းအတွက် လူငယ် ၂ ဦးသာ ပေးရန် သတ်မှတ်ခဲ့သော်လည်း အောက်တိုဘာလအတွင်း ဖွင့်လှစ်မည့် စစ်မှုထမ်းအပတ်စဉ် ၂၉ အတွက် ရပ်ကွက်တစ်ခုလျှင် စစ်မှုထမ်းလူငယ် ၈ ဦးပေးပို့ရန် ညွှန်ကြားလာခြင်းဖြစ်ကြောင်း သိရှိရသည်။ "အင်အားမပြည့်လို့ဆိုပြီး ရပ်ကွက်တစ်ခုကို လူငယ် ၈ ဦး တိုးတောင်းပါတယ်။ အရင်တုန်းက တစ်ရပ်ကွက်ကို လူငယ် ၂ ဦးပဲ ပေးရတာပါ။ လူလိုရင်တောင် ၁ ဦး ၂ ဦး ပိုတောင်းတာရှိတယ်။ ဒါပေမယ့် အဲဒါက ပုံမှန်မဟုတ်ဘူး။ ရံဖန်ရံခါမှ လူတိုးတောင်းတာ။ အခု အောက်တိုဘာလကစပြီး တစ်ရပ်ကွက်ကို လူငယ် ၈ ဦးပေးရမယ်ဆိုပြီး ညွန်ကြားတယ်" ဟု မြို့နယ်စစ်မှုထမ်းဆင့်ခေါ်ရေး သတင်းရင်းမြစ်က ပြောဆိုသည်။ သက်ဆိုင်ရာ ရပ်ကွက်များအနေဖြင့် တစ်ရပ်ကွက် တစ်လ လူငယ် ၈ ဦး စစ်မှုထမ်းအတွက်ပေးပို့ရန် ညွှန်ကြားရာတွင် မိမိတို့ရပ်ကွက်အလိုက် လူငယ် စာရင်းများကို အနည်းဆုံးအပတ်စဉ် ၃ ခုစာ ကြိုတင်ပြင်ဆင်ထားရန်ပါ ညွှန်ကြားလာကြောင်း သိရှိရသည်။ ယင်းအပြင် စစ်မှုထမ်းကြေးကောက်ခံမှုများနှင့်ပတ်သက်၍ အမှန်တကယ် စစ်မှုထမ်းရသည့် နေအိမ်များမှ မိသားစုများထံသို့ ငွေကြေး မပေးဘဲ ရပ်ကွက်အုပ်ချုပ်ရေးအဖွဲ့များက ငွေကြေးကောက်ခံကာ အလွဲသုံးစား လုပ်နေမှုများကိုလည်း ထိရောက်စွာ အရေးယူသွားမည်ဟု ညွန်ကြားထားကြောင်း သိရှိရသည်။