အုတ်ဖိုမြို့နယ်၊ ဂုံညင်းတန်း လမ်းဆုံဂိတ်စခန်းကို PDF တပ် ဝင်ရောက်တိုက်ခိုက်မှု စစ်သား ၅…

Без текста

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၇ ဦးသေဆုံး ရန်ကုန်၊ စက်တင်ဘာ ၂၄ မြန်မာနိုင်ငံတစ်ဝန်း စက်တင်ဘာလ ၂၄ ရက်နေ့ ရရှိထားသော အချက် အလက်များအရ စစ်ကောင်စီ တပ်ဖွဲ့ဝင် ၇ ဦးသေဆုံးခဲ့ကြောင်း ပြည်သူ့ကာ ကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆိုချက်များအရ သိရှိရသည်။ ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

Без текста

နွားထိုးကြီးတွင် ပျူစောထီးများ ပစ်ခတ်ခံရပြီး ၁ ဦးသေဆုံးကာ လက်လုပ်ပစ္စတို ၁ လက် သိမ်းဆည်းရရှိ၊ ကနီတွင်လည်း စစ်သား ၃ ဦးအလင်းဝင် ရန်ကုန်၊ စက်တင်ဘာ ၂၅ မန္တလေးတိုင်း၊ နွားထိုးကြီးမြို့နယ်တွင် ပျူစောထီးများကို ပစ်ခတ် တိုက်ခိုက်ရာ ၁ ဦး သေဆုံးပြီး လက်လုပ်ပစ္စတို ၁ လက် သိမ်းဆည်းရရှိခဲ့ကြောင်း Myingyan Black Tiger -MBT တပ်ဖွဲ့ခေါင်းဆောင် ဗိုလ်မိုက်ခဲက ရန်ကုန်ခေတ်သစ်သတင်း ဌာနထံသို့ ပြောကြားသည်။ စက်တင်ဘာလ ၂၀ ရက် ညနေ ၄ နာရီ ၃၀ မိနစ်က နွားထိုးကြီးမြို့နယ် အတွင်းရှိ Myingyan Black Tiger (MBT) မြင်းခြံခရိုင်အမှတ် ၉ တပ်ရင်း၏ စစ်ရေးလှုပ်ရှားရာနယ်မြေအတွင်းသို့ ကျူးကျော်ဝင် ရောက်လာသော သီတာယုမွန်၏ လက်အောက်ခံ ပျူစောထီး ၃ ဦးကို ပစ်ခတ်တားဆီးပြီး လက်နက်ချ အဖမ်းခံရန်အကြိမ်ကြိမ်တားဆီးခဲ့ကြောင်း သိရသည်။ ထိုသို့ တားဆီးသော်လည်း လက်နက်ချအညံ့ခံခြင်းမရှိပဲ ထွက်ပြေးသွားသောကြောင့် ပစ်ခတ်ဖမ်းဆီးရာ မြင်းခြံမြို့ပျူစောထီး ခေါင်းဆောင် သီတာယုမွန်၏ တပည့် ဝဏ္ဏစိုးကို လက်လုပ်ပစ္စတိုတစ်လက်နှင့် အတူ ဒဏ်ရာများဖြင့် ဖမ်းဆီးခဲ့ပြီး ကျန်နှစ်ဦးမှာ ထွက်ပြေးလွတ်မြောက်သွားကြောင်း သိရသည်။ “ဘာကိစ္စထွက်လာတယ်ဆိုတာတော့ မသိဘူး။ သူတို့ထွက်လာတာကို ကျနော်တို့ရဲဘော်တွေနဲ့ တည့် တွေ့တာ၊ လက်နက်ချခိုင်းတာ မချဘူး။ နှစ်ယောက်က လွတ်သွားတာ၊ အဲဒီတစ်ယောက်ပဲ ဒဏ်ရာနဲ့ ဖမ်းမိခဲ့တာ၊ ဆေးတော့ကုပေးသေးတယ်။ သွေးထွက်လွန်နေတော့ သေသွားတာ။” ဟု Myingyan Black Tiger -MBT တပ်ဖွဲ့ခေါင်းဆောင် ဗိုလ်မိုက်ခဲက ရန်ကုန်ခေတ်သစ်သတင်း ဌာနထံသို့ ပြောကြားသည်။ ယခုအချိန်တွင် အကြမ်းဖက်စစ်ကောင်စီတပ်က လူငယ်များကို မတရား ပေါ်တာဆွဲ ဖမ်းဆီးကာ ရှေ့ တန်း စစ်မျက်နှာပြင်သို့ ပို့ဆောင်ပြီး အသေခံခိုင်းနေပြီဖြစ်သောကြောင့် မြိုပြနေလူငယ်များအနေဖြင့် ရုန်းထွက်ပြီး တော်လှန်ရေးဘက်တော်သားများနှင့် ပူးပေါင်းကာ စစ်အာဏာရှင်စနစ်အမြစ်ဖြတ်ရေးတွင် ပူးပေါင်းပါဝင်ကြပါရန် အထူး မေတ္တာရပ်ခံတိုက်တွန်းထားသည်။ “ဒီအချိန်မှာ ကြားနေဆိုတာ မရှိတော့ပါဘူး။ မြို့ပေါ်မှာပဲနေနေ ကျေးရွာမှာပဲနေနေ ၊ စကစအနေနဲ့ အ ပျော်အပါးတွေကို အယောင်ပြလုပ်ပြီးတော့ ပေါ်တာဆွဲနေတာ၊တစ်တိုင်းပြည်လုံးအသိပဲ။ အဲဒါကြောင့် စကစပေါ်တာဆွဲခံပြီးတော့ ကိုယ့်ဘဝကို အဆုံးသတ်မလား၊ ရှေ့တန်းစစ်မျက်နှာပြင်မှာ အသေခံမလား။ ဒါမှမဟုတ်ရင် စကစကို အန်တုပြီးတော့ တော်လှန်ရေးတပ်ဖွဲ့တွေနဲ့ အတူပူးပေါင်းပြီး အာဏာရှင်စနစ် ကို အမြစ်ဖြတ်မလား ၊ မြို့ပြရှိနေတဲ့ လူငယ်တွေရော၊ မိဘတွေရော ဒီအချိန်မှာ စဉ်းစားရမယ့် အချိန်ကို ရောက်ပါပြီ။ နိုင်ငံ့အရေးနဲ့ ဘာမှမဆိုင်ဘူးလို့နေတဲ့သူတွေ ကိုယ့်ရှေ့တံခါးကိုရောက်လာပြီဖြစ်တဲ့အ တွက် ရဲရဲကြီးရင်ဆိုင်ရမယ့်အချိန်ရောက်လာပြီလို့ ပြောချင်ပါတယ်။” ဟု MBT တပ်ဖွဲ့ခေါင်းဆောင် ဗိုလ်မိုက်ခဲက ပြောဆိုသည်။ ထို့ပြင် စစ်ကိုင်းတိုင်း၊ ကနီမြို့နယ်တွင်လည်း စစ်သား ၃ ဦး လက်နက်များယူဆောင်လာပြီး အလင်းဝင်ရောက်ခဲ့ကြောင်း ဒေသသတင်းရင်းမြစ်များထံမှ သိရသည်။ စက်တင်ဘာလ ၂၂ ရက်နေ့တွင် ကနီမြို့ပေါ်တွင် တပ်စွဲထားသော အကြမ်းဖက် စစ်တပ်မှ စစ်သား ၃ ဦးသည် လက်နက်များယူဆောင်ကာ ထွက်ပြေးလာပြီး တော်လှန်ရေးတပ်ဖွဲ့ထံ အလင်းဝင်ရောက်ခဲ့ခြင်းဖြစ်ကြောင်း သိရသည်။ ထိုသို့ အလင်းဝင်ရောက်လာသူများကို ကောင်းမွန်စွာ စောင့်ရှောက်ထားပြီး စစ်ဆေးမှုများ ဆက်လက်လုပ်ဆောင်ကာ ၎င်းတို့ ဆန္ဒအတိုင်း သွားလိုသည့် နေရာများကို ပို့ဆောင်ပေးသွားမည်ဖြစ်ကြောင်း သိရှိရသည်။

Без текста