ကျောက်တော်မြို့ကို စစ်တပ်က လေယာဉ်ဖြင့် ဗုံးကျဲမှုအတွင်း အရပ်သားပြည်သူ ၃၀ ထက်မနည်းသေဆုံး ရန်ကုန်၊ စက်တင်ဘာ ၂၈ ရခိုင်ပြည်နယ်ရှိ ကျောက်တော်မြို့ကို ယနေ့ စက်တင်ဘာ ၂၈ ရက်နေ့ စစ်တပ်က လေကြောင်းတိုက်ခိုက်မှုများ ပြုလုပ်ခဲ့ရာ အရပ်သားပြည်သူ ၃၀ ထက်မနည်း သေဆုံးကြောင်း ရခိုင်ဒေသသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ ယနေ့ နေ့လယ် ၁၂ နာရီ ၁၀ မိနစ်နှင့် ၁၂ နာရီ ၁၄ မိနစ်ခန့်တွင် စစ်တပ်၏ ဂျက်တိုက်လေယာဉ် ၁ စီးက ကျောက်တော်မြို့၊ ကစ္ဆပနဒီတံတားအနီးဝန်းကျင်နှင့် အိန္ဒိယဈေးဝန်းကျင်တို့ကို လေကြောင်းမှ ဗုံးကြဲတိုက်ခိုက်ခဲ့ကြောင်း၊ အဆိုပါ လေကြောင်းတိုက်ခိုက်မှုကြောင့် အဆိုပါနေရာများအနီးရှိ အရပ်သားပြည်သူများ၊ လမ်းသွားလမ်းလာများနှင့် ဈေးရောင်းဈေးဝယ်ပြည်သူအချို့ ထိခိုက်ဒဏ်ရာရရှိသူများနှင့် သေဆုံးသူများ ရှိခဲ့ကြောင်း၊ လတ်တ လော ကနဦးသတင်းများအရ သေဆုံးသူ ၃၀ ဦးကျော်ရှိကြောင်း သိရှိရသည်။ စစ်တပ်၏ လေယာဉ်ဗုံးများက ကျောက်တော်မြို့ရှိ ပိုက်သည်ရပ်ကွက်နှင့် အိန္ဒိယဈေးအနီးဝန်းကျင်သို့ ဗုံးများ ကျရောက်ခဲ့ပြီး မီးလောင်ကျွမ်းမှုများဖြစ်ပွားခဲ့ကြောင်း၊ လေကြောင်းတိုက်ခိုက်မှုများ ဆက်လက်ဖြစ်ပွားနေသဖြင့် ကျောက်တော်မြို့ပေါ်နှင့် မြို့အနီးဝန်းကျင်ရှိ ဒေသခံများမှာ နေအိမ်များမှ အပြင်မထွက်ရဲဘဲ ဘေးလွတ်ရာများတွင် ပုန်းခိုနေကြရကြောင်း၊ ထို့အပြင် ကျောက်တော်မြို့အပေါ်တွင် စစ်တပ်၏ လေယာဉ်များ ဆက်လက်ပျံဝဲနေကြောင်း ဒေသခံများက ပြောသည်။ "အခုသိရသလောက်ကတော့ သေဆုံးတာက အရပ်သား ၃၀ ကျော်နေပြီ။ အလောင်းတွေ ကောက်တော့ ကောက်တယ်။ လေယာဉ်တွေက ထပ်ဝဲနေတုန်းပဲ။ သေဆုံးတာက အရပ်သားပြည်သူတွေပါ။ သွားလာနေရင်း သေဆုံးကြတာ။ သေဆုံးတာတွေ ထပ်များနိုင်ပါတယ်။ ဒဏ်ရာရတာတွေလည်း များတယ်။ စာရင်းအတိအကျရဖို့ စောင့်ရမယ်" ဟု ရခိုင်ဒေသသတင်းရင်းမြစ်က ရှင်းပြသည်။ အလားတူ ယနေ့ မွန်းလွဲ ၁၂ နာရီ ၃၅ မိနစ်ခန့်တွင် သံတွဲမြို့နယ်၊ ငပလီကမ်းခြေနှင့် အနီးဝန်းကျင်ကို စစ်တပ်၏ ဂျက်တိုက်လေယာဉ် ၁ စီးက ဗုံး ၂ လုံး ကြဲချတိုက်ခိုက်ခဲ့ကြောင်း၊ ငပလီကမ်းခြေရှိ လူနေရပ်ကွက်များကို ယနေ့ နေ့လယ် ၁၂ နာရီကျော်မှ မွန်းလွဲ ၁ နာရီနီးပါးအထိ ဂျက်တိုက်လေယာဉ်တစ်စီးက လှည့်ပတ်ပျံသန်း၍ ဗုံးကြဲတိုက်ခိုက်ခဲ့ကြောင်း ဒေသခံများက ပြောသည်။ ထို့ပြင် ယနေ့ နံနက်ပိုင်းတွင် မင်းပြားမြို့နယ်၊ စွန်ရဲကျေးရွာအပါအဝင် ကျေးရွာများနှင့် နေရာအချို့ကိုလည်း စစ်တပ်က လေကြောင်းမှ ဗုံးကြဲတိုက်ခိုက်ခဲ့ပြီး အရပ်သားပြည်သူများ ထိခိုက်ဒဏ်ရာရရှိခဲ့ကြောင်း ဒေသခံများထံမှ သိရသည်။ အလားတူ ပုဏ္ဏားကျွန်းမြို့နယ်အတွင်းရှိ နေရာအချို့ကိုလည်း ယနေ့ နံနက်ပိုင်းတွင် လေကြောင်းတိုက်ခိုက်မှုများ ပြုလုပ်ခဲ့ကြောင်း သိရပြီး ထိခိုက်သေဆုံးမှုနှင့် ဒဏ်ရာရရှိမှု အခြေအနေများကို ဆက်လက်စုံစမ်းနေဆဲဖြစ်သည်။ ဓာတ်ပုံ- One Nation News နှင့် ရခိုင်သတင်းဌာနများ။
Открыть в Telegram
ကျောက်တော်မြို့ကို စစ်တပ်က လေယာဉ်ဖြင့် ဗုံးကျဲမှုအတွင်း အရပ်သားပြည်သူ ၃၀ ထက်မနည်းသေဆုံး
Просмотры11 216+8%к среднему
Пересылки5
Реакции30
Комментарии—
Рост просмотров
Часов после публикации
Показать таблицей
| Часов после публикации | Просмотры |
|---|---|
| 0 ч | 1 097 |
| 6 ч | 8 348 |
| 16 ч | 9 731 |
| 27 ч | 11 216 |
- Через 1 час1 097
- Через 6 часов8 348
- Через 24 часа11 216
- Всего сейчас11 216
Реакции
- 😢21
- 🤬4
- 👏2
- ❤1
- 👎1
- 💔1
Ещё посты канала Khit Thit Media
- 01Просмотры15,6 тыс.Пересылки1Реакции21Комментарии—
- 02Просмотры15,4 тыс.Пересылки1Реакции—Комментарии0
- 03Просмотры14,7 тыс.Пересылки3Реакции3Комментарии0
- 04Просмотры14,6 тыс.Пересылки7Реакции5Комментарии0
- 05Просмотры14,5 тыс.Пересылки3Реакции—Комментарии—