FDRE Defense Force - የኢፌዴሪ መከላከያ ሠራዊት

በሰሜን ሸዋ ዞን መንዝ ማማ ወረዳ በሰላምና ፀጥታ ዙሪያ ህዝባዊ ውይይት ተካሄደ። የኢፌዴሪ መከላከያ ሠራዊት ጥቅምት 22 ቀን 2019 ዓ.ም በሰሜን ሸዋ ዞን መንዝ ማማ ወረዳ "ሰላም የሁሉ ነገር መሰረት ፤  አንድነት ደግሞ የሰላም ምንጭ ነው" በሚል መሪቃል በተካሄደው ህዝባዊ ውይይት የሠራዊቱ አመራርና አባላቶች ፣የፀጥታ ዘርፍ ሀላፊዎችና የአካባቢው ማህበረሰብ ተሳትፈዋል። በውይይቱ ላይ የተገኙት በ6ኛ ዕዝ የኮር ምክትል አዛዥ ኮሎኔል ፀጋየ በርሄ የአካባቢውን ሰላምና ፀጥታ  በዘላቂነት ለማፅናት ሰራዊቱ እያደረገ ያለው ቁርጠኝነት ተጠናክሮ እንደሚቀጥል ጠቅሰው በህብረተሰቡ ውስጥ ተሸሽገው የጥፋት ተልዕኳቸውን የሚፈፅሙ ግለሰቦችን ማህበረሰቡ አሳልፎ በመስጠት ህግና ስርዓት እንዲይዙ ማድረግ የሚጠበቅበት ተግባር ነው ብለዋል። አመለካከቶችንና ልዩነቶችን በማክበር ችግሮችን በውይይት መፍታት ለሰላም መፍትሔ መሆኑን የጠቆሙት ከፍተኛ መኮንኑ ህዝብን በመዝረፍና በማሰቃየት የተሰማሩ የፅንፈኛው ቡድኖችን ወደ ሰላም እንዲመለሱና ህዝባቸውን እንዲክሱ የሀገር ሽማግሌዎችና ህብረተሰቡም ሀላፊነታቸውን እንዲወጡ ጠይቀዋል። የሰሜን ሽዋ ዞን የመንዝ ማማ ወረዳ ምክትል አስተዳዳሪ አቶ ማሙሸት የሺጥላ በወረዳው ብቻ ሳይሆን በቀጠናው እየተሻሻለ ለመጣው ሰላም የሰራዊቱ ቁርጠኝነትና ህዝባዊነት የማይተካ ሚና ከፍተኛ መሆኑን ገልፀው የቀጠናውን ሰላም በማፅናት  ለሃገራዊ አንድነታችን ለህዝባችን ሰላም ከሰራዊቱ ጎን በመሰለፍ የሚጠበቅብንን ሁሉ ለመወጣት ማህበረሰቡም ሆነ የፀጥታ አካላት ዝግጁ ነን ብለዋል። ዘጋቢ ውበቴ አማረ ነው ፎቶግራፍ ይመር ጌትነት የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

ዋና ዳይሬክቶሬቱ ከአለም አቀፉ ቀይ መስቀል ኮሚቴ ጋር በጋራ ሲሰጥ የቆየው ሰልጠና ተጠናቀቀ። የኢፌዴሪ መከላከያ ሠራዊት ጥቅምት 21 ቀን 2019 ዓ.ም ስልጠናው የተሰጠው ለኢትዮጵያ መከላከያ ዪኒቨርሲቲ የህግ ተማሪዎችና መምህራን ሲሆን ሰብዓዊ መብት አጠባበቅ ፣ ምርኮኛ አያያዝ ፣ ለሲቪሊያን ከለላ መስጠትና በውጊያ ወቅት ዓለም አቀፍ ህግን ማክበር ደግሞ ስልጠናው ትኩረት ያደገባቸው ዋና ዋና ጉዳዮች ናቸው ። በዚህ የስልጠና መጠቃለያ መርሃ ግብር ላይ የተገኙት የመከላከያ ፍትህ ዋና ዳይሬክቶሬት ዳይሬክተር ብርጋዲየር ጀነራል አሰፋ ደበሌ ኢትዮጵያ በየትኛውም የግጭት ወቅት የፈረመቻቸውን አለም አቀፍ ህጎች አክብራ እንደምትሰራ ተናግረዋል። የመከላከያ ሠራዊታችን በዲሲፕሊን የታነፀ ህዝባዊ ባህሪን ጠብቆ ተልዕኮውን የሚወጣ ነው ያሉት ብርጋዲየር ጀነራል አሰፋ ደበሌ ሰብዓዊነትን አስቀድሞ የሚሰራ ስለመሆኑ ደግሞ የዘመተባቸው ሀገሮች  ጭምር ምስክር ናቸው ብለዋል። በመከላከያ ፍትህ ዋና ዳይሬክቶሬት የወንጀል መከላከልና ስልጠና ዳይሬክተር ኮሎኔል ሰለሞን ግርማ በበኩላቸው የመከላከያ ፍትህ ዋና ዳይሬክቶሬት በተለያዩ ጊዚያት ከዓለም አቀፉ የቀይ መስቀል ኮሚቴ ጋር አብረው እንደሚሰሩ ገልፀው አሁን የተሰጠው ስልጠናም በኬዞች የተደገፈ በመሆኑ ለህግ ተማሪዎች በሳይንሳዊ የተማሩትን እውቀት በተግባር እንዲያዳብሩ ያስችላቸዋል ሲሉ ተናግረዋል። ከዚህ በተጨማሪም ሠራዊቱ በሚታወቅበት የምርኮኛ አያያዝና ለሲቨሊያን ከለላ የመስጠት አቅሙን ይበልጥ እንደሚያሳድገውም አብራርተዋል። የህግ ተማሪዎቹ  በበኩላቸው በስልጠናው በቂ ግንዛቤ እንዳገኙ ገልፀው ትምህርታቸውን ጨርሰው ወደ ስራ ሲሰማሩም ፍትህና ሰብዓዊነትን ዋና መርሀቸው እንደሚያደርጉ ተናግረዋል። ዘጋቢ ማሩ ግርማይ ፎቶ ግራፍ ተሰማ ኡርጌሳ የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

Без текста

Без текста

Без текста