Sababa Beelaaf Ambaashaa Cabsee Waan Nyaateef Umrii Waggaa 14tti Haati Isaa "Nan Ajjeesa Manatti Hin Galin" Jettee Daandii Irratti Kan Darbatte 'Addaanyi', Waggoota Dheeraa Booda Osoo Haati Isaa Dhiifama Hin Gaafatin Dhiifama Gochuufiin Araarame — Seenaa Isaa Irraa Maal Baranna? Duuba araara dargaggoo ispoortii Addaanyi jedhamuu fi haadha isaa har'a onnee namoota hedduu tuquun boochisaa jiru kanaa, seenaa ijoollummaa baay'ee suukanneessaa fi barnoota jireenyaa guddaa dabarsutu jira. Ijoollummaa isaatiin abbaa fi haadha irraa adda ba'uun harka akaakayyuu fi akkoo isaatti kan guddate Addaanyi, jaalala haadhaa argachuuf yaalii guddaa taasisus wanti inni mana haadha isaatti arge garuu faallaa inni eegaa turee ta'e. Mana haadha isaa keessatti jaalalaa fi kunuunsa dhabuu qofa osoo hin taane, nyaata illee dhowwatamuun dararaa beelaa hamaa keessa darbe. Gaaf tokko beelli humnaa ol itti cimee obsuu dadhabnaan, lubbuu isaa tursiisuuf jecha ambaashaa mana keessa ture irraa cabsee nyaate. Addaanyi beela keessaa ba'uuf ambaashaa cabsee nyaachuu isaa qofaaf haati isaa aariidhaan boba'uun, namoota ollaatti "mucaa kana nan ajjeesa, akka inni mana kootti hin galle!" jechuun dhaamsa ulfaataa itti ergite. Kana qofa osoo hin taane, akka nama ormaatti ilaaluun mana ishee keessa ishee waliin jiraachuuf maallaqa akka kaffalu gaafatte. Mucaan umrii waggaa 14 nyaata dhowwatamee, ambaashaa cabsee nyaannaan "nan ajjeesa" jedhamee manaa ari'amee fi haadha ofii waliin jiraachuuf kaffaltii gaafatame kun, filannoo biraa dhabuun onnee cabaa fi imimmaan waliin manaa ba'ee jireenya daandii irraa eegaluuf dirqame. Haa ta'u malee, hadhaa jireenya daandii irraa keessaa ka'uun addunyaa ispoortii keessatti maqaa isaa waamsisuuf tattaaffii cimaa taasisaa kan jiru Addaanyi, waggoota dheeraa booda madaa fi mufannaa kaleessaa of keessaa baasuun gara magaalaa Halaabaa Quliitootti imalee haadha isaa waliin araarameera. Wanti seenaa kana adda taasisu, haati isaa dogoggoraa fi dararaa kaleessaa sanaaf dhiifama tokkollee isa gaafachuu baattus, inni garuu bilchinaan hubachuun "haadha koo komachuu hin filadhu" jechuun fedhii fi kaka'umsa mataa isaatiin dhiifama gochuufii isaati. Wayita wal-argan imimmaan gammachuutiin kan wal-simatan yoo ta'u, haati isaa ilmi ishee injifannoodhaan akka deebi'u yoo eebbistu, Addaanyis haadha isaa waliin araaramuun isaa milkaa'ina kamiyyuu caalaa boqonnaa sammuu guddaa akka kenneef dubbateera. Gocha Addaanyi kana irraa barnoonni guddaan hawaasni fi dargaggoonni barachuu qaban, dhiifama gochuun nama nu miidhe sanaaf qofa osoo hin taane, fayyaa fi boqonnaa sammuu ofiitiif qoricha guddaa ta'uu isaati. Namoonni hedduun madaa ijoollummaa fi komii maatii irraa qaban garaatti baatanii jiraachuun humnaa fi xiyyeeffannoo egeree isaanii wayita dhaban mul'ata; Addaanyi garuu doorsisa du'aa fi dararaa beelaa irra ga'e hunda irraanfatee "hanga dhiifama na gaafattutti" osoo hin jedhin dhiifama dursuun, ba'aa ulfaataa waggoota dheeraaf baatee ture ofirraa buuseera. Injifannoon dhugaan dirree ispoortii keessatti mo'achuu qofa osoo hin taane, haaloo fi madaa kaleessaa dhiifamaan injifatanii waancaa nagaa sammuu gonfachuu akka ta'e seenaan dargaggoo kanaa barnoota guddaa nuuf laata. Addaanyi ETFC 3tti Joonii waliin morkatuuf kan injifate yoo ta'u, Taphi isaafi Joonii akkaan eegamaa jira. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA
Открыть в TelegramДинамика просмотровСкрыть динамику
Рост просмотров
Часов после публикации
Показать таблицей
| Часов после публикации | Просмотры |
|---|---|
| 0 ч | 0 |
| 3 ч | 14 016 |
| 17 ч | 30 621 |
- Через 24 часа30 621
- Всего сейчас30 621