الصديقة السلبية ... مو كل صديقة تدخل حياتج لازم تبقى بيها للأبد ومو كل علاقة لازم تتمسكين بيها على حساب راحتج اذا عندج صديقة دوم تحبطج تقلل من قيمتج، تنتقدج بطريقة تجرحج أو ما تفرح لنجاحج، لازم توقفين ويا نفسج وتراجعين هالصداقة الصديقة الحقيقية هي الي تشجعج تفرح لفرحتج، وتوگف وياچ بوقت الضيق ، مو اللي تخليج تشكين بنفسج وقدراتج اذا حسيتي إن هالعلاقة صارت تستنزف طاقتج وتاخذ من راحتج اكثر مما تضيف لحياتج تعلمي تخلين حدود وتبتعدين بهدوء لا تحسين بالذنب لان اخترتي راحتج ولا تظلين بعلاقة بس لان بيناتكم ذكريات قديمة مو كل ابتعاد يعني كره، مرات الابتعاد هو احترام لنفسج وحفاظ على سلامتج التفسية قربي من الناس الي يشوفون نجاحج فرصة مو منافسة،واللي يشجعوج تصيرين احسن نسخه من نفسج وتذكري يا حلوة الصداقة المفروض تكون مصدر راحة وامان مو تعب وقلق وحزن اختاري الصديقة الي ترفعج لفوك مو اللي كلما تحاولين تتقدمين تسحبج لورا ⊰ .
Open in TelegramPosts of - شارع النِسَاء .
سمَعت شخص يگول : الشخص المُناسب ما راح يتعداني أبدًا ، ولا يصير أكَو مجال للبعُد بيناتنه ، ربي راح يدزه إلي بالوقت المُناسب ، لأن كُلشي إله وقت ومكان مَكتوب ، مُستحيل تمنعه الأسباب ولا تغيره الظروف ولا يتجاوزني ويروح لغيري ، هَو نصيبي وقدري وانا نصيبه وقدره وبالنهاية ، الشخص المُناسب راح يشبهني ⊰ .
Open in Telegram- أي والله ، مَن أريد آخذ فكرة الأرتباط والزواج ، أتمَنى من ربي يختارلي النصيب اللي أتباهى بي وبأخلاقة ، طبعه ، حَنيته ويايه .. مَا أريد أتباهى لا بفلوسه ولا بجاهه ولا بمنصبه ولا حَتى بمكانته الاجتماعية ، يكفيني يكَون صاحَب درب ، صاحَب عُمر ، يلزم أيدي ويوديني للجنة ، أتمنَى اكدر اعَوف وراي ذرية صالحَة ، هَذا كُل اللي اريده حَرفياً ⊰ .
Open in Telegramالاكتفاء بالذات ... حبيبتي تعلّمي تكونين مكتفية بنفسج مو لان ما تحتاجيت احد، بس لان تعرفين قيمتج وما تخلين سعادتج متعلقه بوجود شخص بحياتج اهتمي بنفسج،طموحج،بدراستج ومستقبلج لا تنتظرين احد حتى يحسسج انج حلوة أو انج تستاهلين الحب والاهتمام تعلمي تفرحين بنفسج وتستمعين بوقتج، وتعرفين شلون تسعدين نفسج بدون ما تنتظرين احد يسوي هالشي إلج لا تركضين ورا اهتمام احد، ولا تتنازلين عن كرامتج حتى تكسبين قلب شخص اللي يريدج بحياتج، راح يعرف قيمتج ويحترمج بدون ما تطلبين منه هالشي الاكتفاء بالذات مو معناه ما تحتاجين حب ، معناه ما تقبلين باي حب يقلل من قيمتج ، خلي عندج احلامج، اهدافج،وشخصيتج المستقله وخلي وجود أي شخص بحياتج أضافة حلوة مو مصدر سعادتج الوحيد وتذكّري يا حلوة إنتِ مو ناقصة احد حتى يكملج انتِ كاملة بذاتج، والحب الحقيقي يجي حتى يشارك حياتج مو حتى يحدد قيمتچ ⊰ .
Open in Telegram" أسوء العَلاقات .. " - مَن أسوء العّلاقات اللي مُمكن تمُر بيها ، لما تجمعك الدنيا وي إنسان من النَوع اللي وصفة نبينا مُحمد ( صَلى الله عَليه وسَلم ) : ( إذا خاصم فجر ." يعني ماعنده عزيز ، يُنكر العَشرة بسهَولة ، ينسى الكلمة الطيّبة والصحَبة والضحكة اللي ضحكتوها سوا بيوم ، ينسى جميلك، حَتى لو جان هلجميل كلمة او نصيحة طلعت مَن گلبك ، أو دعوة صادقة دعيتها بيوم وهَو جان بأشد الحَاجة إلهَا ، لمَن يخاصم ، ينسى كُل شي حَلو ، ويتحَول لوحَش ما يعرف شلون يوكف ، ولا يخَاف الله بظلمه .
Open in Telegram- لا امه السبب ، ولا ابوه السبب ، ولا ظروف شُغلة السبب ولا خوفه من رفض أهله السبب ولا كونه مُتعقد من تجربة سابقة السبب ولا عدم وجود شقة السبب ، الرجال لمًا يحَب وحده ولا كُل عوائق الدنيا راح تمنعه أنُ يبتعد عنهَا ويتركها تصير لغيره ⊰ .
Open in Telegramشفت كلام كلش عميق ومُقنع ، يگول : " آني مو ضد الحچي الحَلو أبدًا ، آني ضد التوزيع العام " بمعنى آني ضد الكلمة إللي تنگال للجميع بنفس الطريقة ، وبنفس اللهفة وبنفس المعنى ، لأن بعض الكلمات المفروض يكون إلها صاحب واحد ، وبعض المشاعر قيمتها بخصوصيتها مو بجمالها ، شـنو قيمة كلمة أحسها مُميزة إذا اعرف هيَّ إنگالت لقبلي وبعدي ولغيري بنفس الإحساس ؟ شـنو قيمة شعور أحسه خاص وهو بالحقيقة مُتاح للجميع ؟ لهذا مَا يجذبني الكلام الهواي كد مَا يجذبني الكلام الخاص ، ولهالسبب أحَب الكلمة إللي تنولد مَن موقف مو مَن عادة ، أحَب الشعور إللي احس بي إللي مو نسخة مكررة مَن شعور قدمو لغيري ⊰ .
Open in Telegram