Post by TIKVAH-SPORT, Sep 27, 2026

No text

የማንችስተር ዩናይትድ አሰልጣኝ ሁኔታ ? ማንችስተር ዩናይትድ የተለያዩ አሰልጣኞችን ማነጋገር መጀመሩ ቢዘገብም ዜናው ሀሰት መሆኑ ተገልጿል። ቀያዮቹ ሰይጣኖች በአሁኑ ሰዓት የትኛውንም አሰልጣኝ ቀርበው አለማነጋገራቸው ተዘግቧል። አሰልጣኝ ማይክል ካሪክ አሁንም በክለቡ የበላይ ሀላፊዎች እንደሚደገፉ ፋብሪዝዮ ሮማኖ ዘግቧል። በተጨማሪም የክለቡ ተጨዋቾች በአሰልጣኝ ማይክል ካሪክ እምነት እንዳላቸው ተነግሯል። @tikvahethsport     @kidusyoftahe

የኢትዮጵያ እና ሴኔጋል ጨዋታን የመግቢያ ትኬት እንዴት ማግኘት ይቻላል ? ዋልያዎች ከአመታት ቆይታ በኃላ በደጋፊዎቻቸው ፊት በባህርዳር ስታዲየም ከ ሴኔጋል አቻቸው ጋር ጨዋታቸውን ለማድረግ ማክሰኞን እየተጠባበቁ ይገኛል። ጨዋታውን በግዙፉ የባህር ዳር ስታዲየም ለመታደም የስታዲየም መግቢያ ትኬት በበይነ መረብ እና በአካል እየተሸጠ ይገኛል። የስታዲየም መግቢያ ትኬቱን የኢትዮጵያ እግርኳስ ፌዴሬሽን ባዘጋጀው ዌብሳይት በመግባት መቁረጥ ይቻላል። ተመልካቾች በተከታዩ ሊንክ " http://eff-tickets.com " በመግባት ትኬቱን መቁረጥ እንደሚችሉ ተገልጿል። በተጨማሪም በአካል ትኬት መቁረጥ ለሚፈልጉ ደጋፊዎች የመሸጫ ቦታዎች በነገው ዕለት ይገለጻል ተብሏል። የትኬት ዋጋ ምን ይመስላል ? ➡️  የመጀመሪያ ደረጃ :- 500 ብር ➡️ ደረጃ ሁለት :- 200 ብር ➡️ ሶስተኛ ደረጃ :- 100 ብር መሆኑ ተገልጿል። @tikvahethsport     @kidusyoftahe

ዋልያዎቹ ልምምዳቸውን ሰርተዋል ! ከፊቱ ወሳኝ የአፍሪካ ዋንጫ ማጣሪያ ጨዋታ ያለበት የኢትዮጵያ ብሔራዊ ቡድን ልምምዱን እየሰራ ይገኛል። ዋልያዎቹ በባሕር ዳር ስታዲየም ከቀኑ 10:00 ሰዓት ጀምሮ ልምምዳቸውን በመስራት ላይ ይገኛሉ። በልምምድ ወቅት ብሔራዊ ቡድኑ በጥሩ ተነሳሽነት እና በጥሩ መንፈስ ላይ እንደሚገኝ ለመመልከት ተችሏል። ጨዋታውን የሚያስተናግደው የባሕር ዳር ስታዲየም የካፍን መስፈርት አሟልቶ እና ደረጃውን ጠብቆ ባመረ መልኩ ዝግጁ ሆኖ ይገኛል። ኢትዮጵያ የአፍሪካ ዋንጫ ማጣሪያ ሁለተኛ ጨዋታዋን ከሴኔጋል ጋር ማክሰኞ ከቀኑ 10:00 ላይ ታደርጋለች። @tikvahethsport @kidusyoftahe

የቴራንጋ አንበሶቹ ባሕር ዳር ገብተዋል ! የሴኔጋል ብሔራዊ ቡድን የአፍሪካ ዋንጫ ማጣሪያ ጨዋታውን ለማድረግ ባህር ዳር ገብቷል። የቴራንጋ አንበሶቹ ዛሬ ምሽት 3:20 ጨዋታው የሚደረግበት ባሕር ዳር አየር ማረፊያ ደርሰዋል። የሴኔጋል ብሔራዊ ቡድን በባሕር ዳር ከተማ ቆይታው ማረፊያውን በናይል ቪው ሆቴል የሚያደርግ ይሆናል። ቡድኑ በደጃዝማች በላይ ዘለቀ አለም አቀፍ አየር ማረፊያ ሲደርስ የኢትዮጵያ ባህላዊ አቀባበል ተደርጎለታል። ቡድኑ ነገ 10:00 ሰዓት ጨዋታው በሚደረግበት ባሕር ዳር ስታዲየም ልምምዱን ይሰራል ተብሎ ይጠበቃል። @tikvahethsport     @kidusyoftahe