Бугунги классикодан айрим хулосалар: “Барселона” ПСЖга қарши ўйиндан кейин ўзига кела олмаган, ёки, жамоада айни дамда пасайиш бор Ламин ўзига қарши ўйнаганларни аксар вазиятлар доғда қолдириб кетарди. Фақатгина бу ишни Нуну Мендешга қарши эплай олмаганди. Бугун унга қарши бошқаларга муваффақиятли ўйнай олиши мумкинлигини Кукурелья кўрсатиб берди. Нунучалик бўлмаса ҳам Ламиннинг одатдагидек эркин ўйнашига тўсқинлик қила олди. Шоҳ сохта эмас, лекин унинг ҳам маҳоратини чекласа бўларкан. Муориньо Мадридга қайтарилганида жуда кўплаб қарама-қарши фикрлар бор эди. Кўпчилик ҳамкасбларимда “услуби анча эскирган мураббий” қабилидаги фикрларни эшитгандим. Бироқ шу билан бирга бебошликлар кўпайиб бораётган жамоа ичида тартиб ўрнатиш учун яхши вариант сифатида қаралгандим. Ўзим ҳам шу фикрда эдим. Услуби чинданам эскирганми, йўқми, билмайман. Нима бўлганда ҳам Переснинг қарори тўғри бўлиб чиқди. Ҳар ҳолда айни дамда шундай таассурот юзага келяпти. Бугун “Реал” қатъий белгиланган режа асосида қатъий тартиб билан ўйнаб натижага эришиб кетди. 2019 йилдан бери классикода дуранг натижа кўрмаяпмиз. Бугун ҳам кўрмадик.
Open in TelegramPosts of Dilshodbek To‘xtabekov
Вальверде майдондан чиқиб кетишда сардорлик боғичини Лунинга ташлаб кетибди. Лунинни боғич билан биринчи марта кўришим. Олдин кўрган бўлсам ҳам эслай олмадим. У асосий таркиб футболчиси эмаслигини ҳаммамиз яхши биламиз. Шу боис у ҳақлими деган савол юзага келяпти. Аммо 2018 йилдан бери, жамоада 8 йилдан бери бор бўлган жамоа ҳақли бўладиям-да. Сардорларга ўхшаб ҳаракатланиб корнердан кейин голданам сақлаб қолди (ўзи менга ўхшаб ўша пайтда боғич Луниндалигини кўрди шекилли ҳамма)
Open in TelegramҚизиқ ҳолат: статистика бўйича “Барселона”да 9та зарба, 4таси аниқ. “Реал”да эса 4та зарбадан 2таси аниқ чиқди. Аммо аслида “Реал” голларга яқинроқ келди ва биринчи бўлимда биттадан кўпроқ бўлишиям мумкин эди голлари. Масалан Гулернинг пасидан кейин берилган Мбаппенинг зарбаси, ёки, тайм охиридаги Диоманденинг зарбаси ноаниқ чиққан бўлса ҳам ўта ҳавфли вазиятлар эди. xGда ҳам таҳминан қирқ дақиқача “Барселона” кўрсаткичлари яхшироқ эди. Лекин охирида “Реал” ўтиб кетди. 0.65га, 0.85 Агар “Барселона” “Реал”нинг кенг майдон бўйлаб ҳаракатланиб қанотлардан фойдаланиш имконини пасайтиришни режа қилган бўлса, бу режа ҳозирча иш бермади. Меҳмонлар қанотларда катта бўшлиқларга эга бўлишяпти. Айниқса чап қанотда. Флик танаффусда шунга аҳамият берса керак.
Open in TelegramБир қарашда "Барселона" ҳимояда тўпни тепиб юборишда омадсиз ҳаракатлангандек. Аммо "Реал"нинг ҳужумдаги меҳнатини ҳам инобатга олиш керак. "Реал"нинг голи тасодиф эмасди. Позицион ҳужум ва Мбаппенинг онгли равишда прессингга бориши натижаси бўлди.
Open in TelegramБугун "Барселона"дан зарба бериш масъулиятини фақат Гордон ўз зиммасига олган шекилли
Open in TelegramИккаласиям жуда кучли. Иккаласиям ҳужумда ўта мафтункор. Лекин умумий кўринишда айни дамда ПСЖ яхшироқ экан. Боиси, "Барселона"нинг ҳимоясида камчиликлари борлиги сезилди. Ўзи аслида аввалги баҳслардаям кўринганди. "Барселона" яққол фаворит бўлиб йирик ҳисобларда ғалаба қозонган пайтларида ҳам дарвозасидан барибир тўп ўтказиб юбораётганди. ПСЖ эса ўтказиб юборилган голларни кўпроқ голлар билан компенсация қилишга имкон берадиган жамоа эмас. Тўртинчи голда Фабиан Руис Конселунинг шундоққина ортида чиқиб келди. Бундан ташқари охирги лаҳзаларда ҳимоя яна битта "совға" бериб қўйишига оз қолди. ПСЖга эса икки йилдан бери рақиб ким бўлишининг умуман фарқи қолмади. "Интер"га 5та, "Бавария"га 5та, "Манчестер Сити"га 4та. Бугун энди "Барселона"га ҳам 4та гол урди.
Open in TelegramҚисқа вақт ичида 3:2 бироз олдин ўтган мавсумдаги ПСЖ - "Бавария"ни эслагандим. Бу ердаям бошланиб кетди ура-ур, сола-сол.
Open in TelegramҚойил Ламиннинг голига. Биринчи бўлимда энг паст баҳо олганлардан бири эди. Лекин у алмаштирилмади. Флик алмаштирмасдиям. Чунки у бурилиш қила оладиган футболчи. Дарвоза устуни билан Сафоновнинг орасида кичкина туйнук топа олди.
Open in TelegramПСЖ гол уриши учун озгина пауза олиши керак бўлган экан. Хвича билан Маркиньос майдонни тарк этганидан кейин руҳан ҳам қийин аҳволга тушганини таҳмин қилиш қийин эмас. Бундан ташқари Флик ҳам ўзгаришлар қилиб янги қон киритгандек кўринди. Луис Энрике мажбуран футболчиларини алмаштирган бўлса, Флик кучга тўла, тетик футболчиларни майдонга туширди. бу жараёнга таъсир ўтказмай қолмади. "Барселона" фаоллашди, ПСЖда эса пассивлик сезилди. Аммо шу лаҳзадаги Эрнандеснинг голи мезбонлар учун айни муддао бўлди.
Open in TelegramДембеленинг ортидан Хвича билан Маркиньос ўйинни давом эттира олмайдиган бўлишди. Айнан шу жароҳатлар ўйинни ўзгартириб юбориши мумкин.
Open in TelegramЛамин эмас, Рафинья эмас Фермин ёки Педри эмас Эспарт гол уриб кетди. Кутганмидингиз. менимча йўқ.
Open in TelegramГарсия яна битта юз фоизлик вазиятда жамоасини қутқарди. Агар дарвозабонларнинг муваффақиятли ўйини бўлмаганида ўтган мавсум ярим финалидаги ПСЖ - "Бавария" учрашувини эслаган бўлардик.
Open in TelegramРостанам дарвозабонлар куни шекилли. Сафонов бирга-бир ҳолатда тўп ўтказмади. Унинг ортидан Гарсия Хвичанинг зарбасини бартараф этди.
Open in Telegram1:1 бўлиши керакмиди? Мантиқан ҳа!!! Лекин ҳисоб ўзгармади. Эссиз Педрининг суперпаси увол кетди. Фермин Сафоновнинг устидан эплаб тўпни ўтказа олмади. Бугун дарвозабонлар куни бўлармикан?
Open in TelegramПСЖ барибир ҳисобни очди. Шунча чиройли комбинациялар гол олиб келмагач Дуэ узоқдан тепишга қарор қилди ҳамда қарори тўғри бўлиб чиқди.
Open in TelegramПСЖ-"Барселона". Ферран бу Ферран. Майдонга тушганидан кейин кўп ўтмай имкониятга эришди. Лекин уролмади. Дембеле бўлганида урармиди?
Open in TelegramСўнгги йилларда футболга қизиқишни бошлаганлар Харри Линекернинг кимлигини билишмасаям керак. Лекин унинг "футбол шундай ўйинки, унда 22 футболчи майдонда ҳаракат қилади-ю, якунда немислар ғалаба қозонишади" деб айтилган машҳур гапи немислар эмас, балки, "Реал"га тегишли деб ўйлашади.
Open in TelegramПСЖ бу сафар бешта урмасаям тўрттани уддалади. Битта савол: Париж жамоаси куз билар баҳорни адаштириб қўймадимикан? Агар шундай бўлса, бундан баҳорда афсусланиши мумкин.
Open in Telegram