Նախկին ՔՊ-ական պատգամավորը Հանրային հեռուստաընկերության եթերում պնդում է, որ Ալիևը Հայաստանի Սահմանադրության փոփոխության պահանջ է առաջ քաշել՝ նպատակ ունենալով հենց Հայաստանի ձեռքով տապալել Վաշինգտոնում ձեռք բերված պայմանավորվածությունները։ Այս հարցի վերաբերյալ նախկին պատգամավորի պնդումը կիսաճշմարտություն է։ Ալիևի վարած խաղի վտանգի մասին առաջիններից մեկը հենց մենք ենք խոսել։ Արձանագրելով իրողությունը, նախկին պատգամավորը, իմ գնահատմամբ, սխալ եզրահանգման է գալիս և իր պնդումը դարձնում կիսաճշմարտություն։ Նրա խոսքից կարելի է հետևություն անել, որ գործընթացի տապալումից խուսափելու համար Հայաստանը պետք է կատարի Ալիևի պահանջը։ Այստեղ կա մի կարևոր հանգամանք, որը նախկին ՔՊ-ականն ու նրա նախկին քաղաքական առաջնորդ Նիկոլ Փաշինյանը կարծես համառորեն չեն ցանկանում հասկանալ։ Ալիևի՝ պայմանավորվածությունները տապալելու հնարավոր ցանկությունը քմահաճույք չէ, այլ կարող է լինել սառը աշխարհաքաղաքական հաշվարկ։ Իմ գնահատմամբ՝ Ալիևը փորձում է Հայաստանի հետ հակամարտությունը պահպանել որպես պահուստային գործիք։ Դա նրան կարող է անհրաժեշտ լինել այն պահին, երբ տարածաշրջանային զարգացումների արդյունքում Ադրբեջանը կանգնի Ռուսաստանի կամ Իրանի հետ վտանգավոր առճակատման մեջ ներգրավվելու ճնշման առաջ։ Նման իրավիճակում Հայաստանի հետ սահմանափակ ռազմական բախումը Բաքվի համար կարող է դիտարկվել որպես առավել կառավարելի այլընտրանք՝ հնարավորություն տալով խուսափել շատ ավելի հզոր պետությունների հետ ուղղակի հակամարտությունից։ Ի տարբերություն Ռուսաստանի կամ Իրանի հետ առճակատման՝ Փաշինյանի ղեկավարած Հայաստանի դեմ ռազմական գործողությունն Ալիևը կարող է համարել ավելի կանխատեսելի և իր համար ցանկալի արդյունքով ավարտվող։ Այս տեսանկյունից իրավիճակին նայելիս պարզ է դառնում նաև մեկ այլ բան. նախկին ՔՊ-ականն ու Նիկոլ Փաշինյանը կարող են Ալիևի պահանջով Սահմանադրություն փոխել, բեղ պահել կամ նույնիսկ շպագատ իջնել։ Միևնույն է, դա չի երաշխավորելու ադրբեջանական պահանջների ավարտը։ Որովհետև, եթե խնդիրը ոչ թե Սահմանադրությունն է, այլ Հայաստանի հետ հակամարտության հնարավորությունը պահպանելու ռազմավարական հաշվարկը, ապա սահմանադրական փոփոխությունն այդ հաշվարկը չի վերացնելու։ Ալիևը Հայաստանի նկատմամբ ուժի կիրառման իր հնարավոր ծրագրերից կհրաժարվի այն դեպքում, երբ համոզվի, որ նման քայլի գինն իր համար անընդունելիորեն բարձր է լինելու։ Ընդ որում՝ այնքան բարձր, որ Հայաստանի դեմ ռազմական արկածախնդրությունը նրան այլևս չթվա ավելի անվտանգ տարբերակ, քան Իրանի կամ Ռուսաստանի հետ առճակատումը։ Ի վերջո, իրական խաղաղության հիմքը ոչ թե հակառակորդի բոլոր պահանջները կատարելն է, այլ այնպիսի իրավիճակ ստեղծելը, երբ պատերազմ սկսելը նրա համար դառնում է ավելի վտանգավոր, քան խաղաղությունը պահպանելը։
Open in TelegramPosts of Boris Murazi🇦🇲
Նիկոլ Փաշինյանին ժամանակ է պետք։ Ալիևը մեծացնում է ճնշումը, իսկ Փաշինյանը գնալով կորցնում է մանևրելու հնարավորությունը։ Այս իրավիճակում նրա համար ժամանակ շահելու տարբերակներից մեկը ներքաղաքական անկայունություն հրահրելն է։ Հենց այս տրամաբանությամբ էլ Փաշինյանը վերջին շրջանում ամեն ինչ անում է ընդդիմությանը փողոց դուրս բերելու համար։ Մնում է՝ շպագատ իջնի, միայն թե ընդդիմությունը զանգվածային պայքար սկսի։ Նրա հաշվարկը պարզ է. Ալիևին ցույց տալ, որ Հայաստանում իր իշխանության դեմ լուրջ պայքար է ընթանում, և եթե Ադրբեջանը շարունակի ճնշումը, իրավիճակը կարող է դուրս գալ վերահսկողությունից, իսկ իշխանության կարող են գալ, իրենց բնորոշմամբ, «ռևանշիստները»։ Այլ կերպ ասած՝ Փաշինյանը փորձում է Ալիևին համոզել, որ իրեն չափազանց ուժեղ ճնշելը կարող է հանգեցնել Ադրբեջանի համար անցանկալի իշխանափոխության։ Բայց սա չի նշանակում, թե Փաշինյանը պատրաստ է զիջել իշխանությունը։ Ընդհակառակը, նա փորձելու է ընդդիմության պայքարը պահել իր համար կառավարելի սահմաններում՝ մի կողմից այն օգտագործելով Ալիևից ժամանակ շահելու, մյուս կողմից՝ ընդդիմադիր ու
Open in TelegramՀատկապես Նիկոլենք էին սիրում պնդել, թե Վազգեն Սարգսյանը սպшնվել է Մեղրիով անցնելիք ճանապարհի պատճառով։ Ու հենց Վազգենի սպшնության օրը Նիկոլենք Մեղրիով անցնող ճանապարհի նախագիծը կտանեն ԱԺ։ Սպшնության նախագիծը տանում են սպшնության վայր։ https://politik.am/am/tripp-nakhagitsy-hoktemberi-27-in-knerkayacvi-azh-liagumar-nistum
Open in TelegramՍա Միքայել Մինասյանի ինտելեկտուալ թիմակիցներից մեկն է՝ ՀՀԿ-ական նախկին պատգամավոր։ Սա է իր մակարդակը։ Վստահ եմ՝ հասկանում եք, որ կարող եմ շատ ծանր հայհոյանքներ ուղղել Մինասյանին, բայց ինձ սովորեցրել են հրապարակային չհայհոյել: Վստահ եմ Մինասյանը գիտի, թե իր մասին ինչ եմ մտածում։ Կարող եք ծանոթանալ հոդվածին և կտեսնեք, որ դրանում, բացի բաց աղբյուրներին արված հղումներից, այլ բան չկա։ Միքայել Մինասյանի աշխարհում լրագրողական նյութը, փաստորեն, բո*զություն է համարվում։ Հետաքրքիր է, թե ինչ է համարվում Մինասյանի արածը, երբ նա ֆինանսավորում էր Նիկոլի նման զրպարտիչ-ստախոսին։
Open in TelegramԸնդամենը հինգ տարում Փաշինյանի տերերը կարողացան Արցախի հարցը հայ-ադրբեջանական հակամարտությունից վերածել ներհայկական հակամարտության։ Ահա այսպես է աշխատում քաղաքական տեխնոլոգիան։ Հ. Գ. Նիկոլ, թեկուզ հազար տարի անցնի, Արցախի հետ արածիդ համար ներում չի լինելու։ Հիմա իշխանության ես, գուցե ևս տասը տարի իշխանության մնաս, բայց պատմության դատաստանը շատ դաժան է լինելու։ Ձեռքերդ մինչև արմունկներդ թաթախված են հայ տղաների արյան մեջ։ 90-ականներին զոհվածների արյան պատասխանատվությունն էլ ես կրում, որովհետև նրանց կյանքի գնով ձեռք բերվածը հանձնեցիր այնպես, ինչպես մանուկ ժամանակ Ենոքավանում գտածդ կես կիլոգրամ պղինձը կհանձնեիր։
Open in Telegram