የንባብ ዓለም /Philosophy/

#አለቀለት_ያሉት ከጅረት አጠገብ፣ ቆሞ የኖረ ዛፍ፣ መብረቅ ገነደሰው! አሁን ድልድይ ሁኖ፥ ያሸጋግራል 'ሰው። “አለቀለት” ያሉት፤ ተልኮው መች አልቆ፣ ቆሞ የጠቀመ፥ ዘዴ አያጣም ወድቆ! በእውቀቱ ስዩም! ብንወድቅም እናድጋለን! ከራስ ወደ ራስ! (መልካም ቀን) 📚 📚 ሁሌም ማንበብ! 📚📚 Share and like @yenbabalem1 @yenbabalem1

#መልሶች! 1. ከጭንቀትህ የተነሣ በምሽት ለመተኛት ትቸገራለህ? (እንግዳውስ ራሳቸውን የሚያሳርፉበት ቀርቶ የሚያስጠጉበት እንኳን የሌላቸውን አስብ፡፡) 2. በሥራህ ደስ የማይል ቀን ያጋጥምሃል? (ስለዚህ ላለፉት ዘመናት ዛሬንም ጨምሮ እንኳን ሥራ አጥቶ የተቀመጠውን ሰው አስብ፡፡) 3. ወዳጅነትህ ወደ ከፋ ጎዳና እያመራ ተስፋ ቆርጠሃል? (እኔ ምልህ ማፍቀርና በምላሹ ደግሞ መፈቀር ምን ዓይነት እንደሆነ ጭራሹኑ የማያውቁትን ሰዎች አስብ፡፡) እኔን ነው🤗🫣! 4. የምትወደውን አንድ ሰው በሞት ስላጣህ ቀኑ ጨልሞብሃል? (አሁንም እንደገና ሙሉ ቤተሰቡን አንድ ቀን የቀበረውን ብቸኝነት እንደ ሳማ ቅጠል የሚለበልበውን እርሱን አስብ፡፡) 5. በሕይወትህ ባጋጠሙህ ጭንቀቶችና በገጠምካቸው ፈተናዎች ተማረኻል? (ሁሉም የሆነው ስለኖርክ ነው፡፡ በመቃብር ሥፍራ ካሉት አንዱ እንኳን እንደ አንተ ደስታና ሐዘንን፣ ከፍታና ውድቀትን የማየትም ሆነ የማስተዋል አቅሙም አጋጣሚውም የለውምና ይህንኑም አስብ፡፡) ስለዚህ በምትኖርበት ጊዜ ሁሉ ላለፈው ለሚመጣውና እየሆነ ላለ መጨነቅን አቁም! ቀኑን በማመስገን ጀምር፣ ቀኑን በማመስገን ጨርስ🙏 ከራስ ወደ ራስ! (መልካም ቀን) 📚 📚 ሁሌም ማንበብ! 📚📚 Share and like @yenbabalem1 @yenbabalem1

#ቀጠሮ! እንገናኝ' ስልሽ “ደስ ይለኛል” ያልሽው፣ “የት ይሻላል?' ስልሽ ቦታ ያልመረጥሽው፣ ፒያሳም ይርቃል ቦሌም አልተመቸኝ፣ ጎተራና ሳሪስ ቄራም ደስ አላለኝ፣ ሜክሲኮ ፍልውሃ ካዛንቺስ አልመጣም፣ አንቺን ለማዝናናት ከተማዋ አትበቃም! ነፍሴ ተጨነቀች ቦታ አላውቅም ውዴ፣ አልጋዬ ሰፊ ነው ይመችሻል እንዴ? ሊበላ🤪🤣 ከራስ ወደ ራስ! (መልካም ቀን) 📚 📚 ሁሌም ማንበብ! 📚📚 Share and like @yenbabalem1 @yenbabalem1

#ግራ 'ወፈፌ ቀን አልፎ እብድ ቀን ሲመጣ፣ ሰይጣን ፀበል ገብቶ ሰው ከሰይጣን ወጣ!' 'ሶስና ባዬ' ከራስ ወደ ራስ! (መልካም ቀን) 📚 📚 ሁሌም ማንበብ! 📚📚 Share and like @yenbabalem1 @yenbabalem1

ምክሩ (በእውቀቱ ስዪም) የሆነ ጊዜ ላይ ምኡዝ  ሰፈሩ  በሚገኘው  ካፌ በረንዳ ላይ ቁጭ ብሎ በማኪያቶ ነፍሱን በማስደሰት ላይ  ነበር፤ ካጠገቡ  ሶስት ወጠምሻዎች አንዱን ጠረጴዛ ከበው ሻይ ቡና ይባባላሉ ፤ አንደኛው ሰውየ  የባጥ የፎቁን ያወራል፤ አፉን በከፈተ ቁጥር  ከውስጡ ከፍተኛ ጠረን እየተመዘዘ ይወጣና የእናት አገራችንን ንጹህ አየር ይበክለዋል፤   ምኡዝ  የሰውየው ጉዋደኞቹ በጠረኑ ተመርዘው አለመሞታቸው አስደነቀው፤  ማሽተት የተሳናቸው ሰዎች  መኖራቸውን አወቀ ፤ የኒህ ሰዎች አፍንጫ ዋና ጥቅም ፊታቸውን ለሁለት መግመስ እንደሆነ ገባው፤   ከራሱ ጋራ ትንሽ ሲሙዋገት ከቆየ በሁዋላ “ወንድሜ አንዴ ብቻህን  ላናግርህ “አለውና ወደ ጉዋሮ  ወሰደው፤ - “ይህንን ጉዳይ በጉዋደኞችህ ፊት  ልመክርህ  አልፈለግሁም፤ አፍህ መልካም ቃል እንጂ መልካም መአዛ ስለማያመነጭ መፍትሄ ፈልግለት ፤” አለው “ ምን ማለት ነው ? “ አለ ሰውየው በንዴት፤ “ያፍህ ሽታ ልክ አይደለም፤ ከላይ ከላይ ከሆነ ቦርሸው፣ ከውስጥ  ከሆነ ታከመው” “ሰውየ ታውቀኛለህ? ምናባህ  ነው የምትቀባጥረው?” አለ ሰውየው መዳፉ  ላይ ሀይል እያሰባሰበ፤ ምኡዝ በለዘበ ቃል ለማስረዳት ያደረገው ሙከራ ከንቱ አንደሆነ ሲሰማው ይለይለት ብሎ አንዲህ አለ፤ “ ያፍህ ጠረን በድንበር አካባቢ ቢነሰነሰ የውጭ ወራሪ አይደፍረንም ነበር” ሰውየው እጁን ሰነዘረና ቢልቦርድ የሚያህል  አይበሉባውን ምኡዝ ፊት ላይ አሳረፈው፤  ከምኡዝ አፍንጫ  ደም ቡልቅ አለ ፤ “የሚገርመው መመታቴን ብዙ አልጠላሁትም፤   ሲነስረኝ አፍንጫየ ለጊዜው  ማሽተት አቆመ” ብሎ ትረካውን ደመደመ፤ ይህንን ሲነግረኝ ሆዴን እስኪያመኝ ሳቅሁና፤ ” እዛው በጉዋደኖቹ ፊት ብትነግረው ይሻል   ነበር፤ ቢያንስ ገላጋይ አታጣም ነበር “ አልሁት፤ “ዝም በል ባክህ ! “  አለ ምኡዝ “ ሁሉም  ቡጢና አርግጫ ሊያዋጡ  ምን ይውጠኝ   ነበር! እንኩዋን በዚህ አለፈልኝ ከራስ ወደ ራስ! (መልካም ቀን) 📚 📚 ሁሌም ማንበብ! 📚📚 Share and like @yenbabalem1 @yenbabalem1

" እኔ ምልህ መሳይ?!" ወዬ! "ቅር ካላለህ አንድ ጥያቄ ልጠይቅህ?" ምንድነው ጠይቂኝ(ሰፍፍፍ ብዬ) "ከዚች ከነጭዋ ሱሪ ውጭ ሌላ ሱሪ የለህም እንዴ? ሁሌም ይቺን ብቻ ነው እጠቢልኝ እያልክ ምታመጣት" ምን ማለት ሽ ነው? "ከክፋት አትይብኝ እውነት ስላሳዘንከኝ ነው:: ሚገርምህ እስኪደርቅ ምትለብሰው አጥተህ እንዳትቸገር እያልኩ ወረፋ ቢኖር ራሱ በቻልኩት መጠን ያንተን ለማስቀደም እሞክራለሁ ሁሌም" ".....ካልሆነ ከተጣለ ሁለት ወር የሆነው ልብስ አለ ባለቤቱ ሚወስደው አይመስለኝም እሱን ልስጥህ እንዴ?" አረ አንች ተይኝ በናትሽ😡 .....በመጀመሪያ አንድ ሱሪ ብቻ ስላለኝ ሳይሆን ሁለት ተመሳሳይ ነጭ ሱሪ ስላለኝ ነው:: ሲቀጥል ነጭ ስለሆነ ቶሎ ቶሎ መታጠብ ስላለበት ነው.....አሁን ገባሽ? "አይመስለኝም መሳይዬ! ምክንይቱም ሁለቱም ሱሪ ኪሶቹ ቀዳዳ ሊሆኑ አይችሉም ኣ! አረ ቆይ....ደሞ በኪስህ ጩቤ ነው እንዴ ምትይዝበት?...እንዳለ ሶስቱም ኪስ ቀዳዳ ነውኮ" "....ደሞ እዛው ቤትህ በማስታጠቢያ ነገር ለቅለቅ ብታረገው ችግር የለውም እኮ እዚህ ድረስ በ እንጀራ ፌስታል አንድ ሱሪ ዥውዥው እያደረክ ከምትመጣ:: ማለቴ ቤት ካለህ" "ቅር አለህ እንዴ መሳይዬ አይንህ እንባ ቅርር አለውሳ?!" Henok ከራስ ወደ ራስ! (መልካም ቀን) 📚 📚 ሁሌም ማንበብ! 📚📚 Share and like @yenbabalem1 @yenbabalem1

•ጥያቄ፡- ዶሮዋ ለምን መንገዱን አቋረጠች? -ዴካርት፦ “ወደ ሌላኛው የመንገዱ ጫፍ ለመድረስ።” -ፕላቶ፡- “ለእሷ እውነቱ በሌላኛው በኩል ነው።” -አርስቶትል፦ “የዶሮ ተፈጥሮ ነው።” -ካርል ማርክስ፦ “ቦታዎችን መቀየር አለብን ለውጥ የታሪክ ህግ ነው።” ካርል ጁንግ፡- “ዶሮዋ ገና ያልሄደችበትን ለመሄድ” -ማርቲን ሉተር ኪንግ፦ “ዶሮዋ ለድርጊቷ ምክንያት የላት ይሆናል። መንገዱን የማቋረጥ ህልም ግን ነበራት።” ሲዮራን፦ “ዶሮዋ መንገዱን አላቋረጠችም፤ እደግመዋለሁ ዶሮዋ መንገዱን አላቋረጥችም” -ሶቅራጠስ፦ “ዋናው ነገር ዶሮዋ መንገዱን ማቋረጧ ነው። እና ለምን እንደሆነ ማወቅ አስፈላጊ አይደለም።” -ቡድሃ፦ “ይህንን ጥያቄ መጠየቅ የዶሮዎችን ተፈጥሮ መካድ ነው።” -ዲዮጋን፦ “ሰፈሯ ጠፍቷት” -አንስታይን፡- “መንገዱን ያቋረጠችው ዶሮዋ ትሆን ይሆናል። ወይም ከዶሮዋ እግር ስር መንገዱ ተንቀሳቅሶ ይሆናል። ይህ ከነገሮች አንጻራዊነት ጋር የተያያዘ ነው። -በርናንድ ሾው፦ “እየሸሸች ይመስለኛል ላለመታረድ” ጥያቄው ለምን ዶሮዋ መንገዱን አቋረጠች?😌 ከራስ ወደ ራስ! (መልካም ቀን) 📚 📚 ሁሌም ማንበብ! 📚📚 Share and like @yenbabalem1 @yenbabalem1

Без текста

Без текста

Без текста