Посты канала 4-3-3 World News

ኢሰመኮ በኦሮምያ ክልል ደቡብ ምሥራቅ ዞን አርሲ ሲርካ ወረዳ ስለተፈጸመው ግድያ ያወጣው መግለጫ በኦሮሚያ ክልል የቀድሞ አርሲ ዞን በአዲሱ አደረጃጀት ደቡብ ምሥራቅ ኦሮሚያ ዞን ሲርካ ወረዳ ቢርቦና ጮሌ ቀበሌ ጥቅምት 14 ቀን 2019 ዓ.ም ኦነግ ሸኔ እና በአካባቢው የታጠቁ ኢመደበኛ ግለሰቦች ፈፀሙት በተባለ ጥቃት፣ የቀበሌ የፀጥታ አካላትን፣ ሚሊሺያዎችን እና ሰላማዊ ሰዎች ጨምሮ 48 ሰዎች መገደላቸውን የኢትዮጵያ ሰብአዊ መብቶች ኮሚሽን ይፋ አደርጓል። ኮሚሽኑ በአከባቢው ታጥቆ የሚቀሳቀሰው እራሱን የኦሮሞ ነጻነት ሠራዊት ብሎ የሚጠራ ያለው ኦነግ ሸኔ ወደ ቀበሌው በአራት አቅጣጫ በመግባት በፈጸመው ጥቃት 23 በቀበሌ ደረጃ የተደራጁ ጸጥታ አካላት፥ 5 የሚሊሻ አባላት  እንዲሁም 13 ሰላማዊ ሰዎች መገደላቸውን ዘርዝሯል። በተመሳሳይ በአካባቢው የታጠቁና ኢ-መደበኛ ባላቸው ግለሰቦች ሰባት ሲቪል ሰዎች የተገደሉ መሆኑን የጠቀሰው ኢሰመኮ በዕለቱ በጠቅላላው 48 ሰዎች መገደላቸውን አመልክቷል። በዚሁ በኦነግ ሸኔ ፈጸመው በተባለው ጥቃት ከደረሰው ሞት በተጨማሪ "በ20 ሰዎች ላይ የአካል ጉዳት፤ 21 መኖሪያ ቤቶች መቃጠል፣ 247 ቤተሰቦች ከአካባቢው መፈናቀል፣ ለጊዜው ቁጥራቸው በውል ያልተለየ የቀንድና የጋማ ከብቶች ተዘርፈዋል። የኢትዮጵያ ሰብአዊ መብቶች ኮሚሽን መንግሥት ጉዳቱ ተደጋግሞ የደረሰበት አካባቢ ያለውን የጸጥታ አካላት አደረጃጀት እንዲገመግምና እንዲያስተካክል፣ ጥቃቶች ዳግም እንዳይከሰቱ ዘላቂ የመከላከል ርምጃዎችን እንዲወስድ፣ የቅድመ ማስጠንቀቂያ ሥርዓትም እንዲዘረጋ እና ዜጎችን የመጠበቅ ግዴታውን እንዲወጣ ጠይቋል። [DW Amharic] @Ethionews433 @Ethionews433

በመስቀለኛ መንገዶችና በትራፊክ መብራቶች አካባቢ የሚካሄድ ልመናን ለመቆጣጠር እርምጃ እየተወሰደ መሆኑ ተገለጸ። በአዲስ አበባ ከተማ በመስቀለኛ መንገዶችና በትራፊክ መብራቶች አካባቢ የሚካሄደውን ልመና ተከትሎ የትራፊክ መጨናነቅን፣ የመንገድ አደጋንና ሌሎች የደኅንነት ችግሮችን ለመከላከል ቁጥጥርና እርምጃ እየተወሰደ መሆኑ ተገለጸ። የአዲስ አበባ ትራፊክ ቁጥጥር መምሪያ ዋና ኃላፊ ኢንስፔክተር ሰለሞን አዳነ ለጣቢያችን ኢትዮ ኤፍ ኤም 107.8 እንደገለጹት፣ በትራፊክ መብራቶችና በመስቀለኛ መንገዶች ላይ ልመናን ጨምሮ የሚካሄዱ ተግባራት ለመንገድ ደኅንነት ስጋት እየሆኑ በመምጣታቸው፣ ተገቢው የቁጥጥር ሥራ እየተከናወነ ነው። በተጨማሪም በእነዚህ ቦታዎች ለሚለምኑ ሰዎች ገንዘብ መስጠትም ሆነ ሌሎች ግብይቶችን መፈጸም በሕግ የተከለከለ ሲሆን፣ ጥሰቱን በሚፈጽሙ አሽከርካሪዎች ላይ እስከ 500 ብር የሚደርስ ቅጣት እንደሚጣል አስታውቀዋል። በተለይም ሕፃናትን በመያዝ ልመና ማካሄድና ሕፃናትን ከትምህርት ገበታቸው በማራቅ ለጎዳና ልመና ማሰማራት፣ የሕፃናትን መብትና የወደፊት ዕድል የሚጎዳ ከባድ ማኅበራዊ ችግር መሆኑን ኃላፊው አመልክተዋል። በመሆኑም አሽከርካሪዎችና ሕብረተሰቡ በመንገድ ላይ ገንዘብ ከመስጠት እንዲቆጠቡና ድጋፍ የሚያስፈልጋቸውን ወገኖች በተቋቋሙ ማኅበራዊና ሕጋዊ ተቋማት በኩል እንዲረዱ አሳስበዋል። የሰውን ሕይወት መርዳት ታላቅ ሰብዓዊ እሴት ቢሆንም፣ እርዳታው የሰዎችን ደኅንነት በማይጎዳና የሕፃናትን መብት በሚጠብቅ መንገድ መፈጸም አለበት ሲሉ መልዕክት አስተላልፈዋል። ሊዲያ ደሳለኝ @Ethionews433 @Ethionews433

Без текста

በአሜሪካ የአጋማሽ ዘመን ምርጫ ዴሞክራቶች ማሸነፋቸው ተገለጸ በአሜሪካ አጋማሽ ዘመን (midterm) ምርጫ ዲሞክራቶች የሴኔቱን እና የተወካዮች ምክር ቤቱን በበላይነት በማሸነፍ በቀሪው የዶናልድ ትራምፕ የፕሬዝዳንትነት ዘመን የኮንግረሱን ቁጥጥር ተቆጣጥረዋል። ፕሬዝዳንት ትራምፕ በበኩላቸው ዲሞክራቶች "ጥሩ ስራ ሰርተዋል" ብለዋል፤ እንዲሁም የኢራን ጦርነት እና ከፍተኛ የነዳጅ ዋጋ መጨመር ለፓርቲያቸው ሽንፈት የራሳቸውን አስተዋጽኦ አድርገዋል ሲሉ አምነዋል። በሴኔት ውድድር ዲሞክራቶች የሪፐብሊካን ጠንካራ ምሽቶች በሆኑት እንደ ቴክሳስ፣ ኦሃዮ እና ካንሳስ ባሉ ግዛቶች ድሎችን አስመዝግበዋል፤ ከእነዚህም መካከል ካንሳስ ዲሞክራት የመረጠችው ከ100 ዓመታት በፊት ገደማ ነበር። በኮንግረሱ ላይ ባገኙት በዚህ ቁጥጥር አማካኝነት ዲሞክራቶች በሚቀጥሉት ሁለት ዓመታት የፕሬዝዳንት ትራምፕን ዕቅዶች ማደናቀፍ የሚችሉ ሲሆን፣ አልፎ ተርፎም ለሦስተኛ ጊዜ በክስ ለማስወገድ ሙከራ ሊያደርጉ ይችላሉ። ለዓለም አሰፋ @Ethionews433 @Ethionews433

በስፔን 69 ሰዎችን ለሞት ከዳረገው የባቡር አደጋ  በኋላ የትራንስፖርት ሚኒስትሩ ሥልጣን ለቀቁ የስፔን የትራንስፖርት ሚኒስትር ኦስካር ፑዌንቴ፤ በቶሌዶ ከተማ ባለፈው ሳምንት በደረሰ የፈጣን ባቡር አደጋ 69 ሰዎች ሲሞቱ፣ ወደ 200 የሚጠጉ ሰዎች ከተጎዱ በኋላ ከሥልጣናቸው መልቀቃቸውን የኤል ፓይስ ጋዜጣ ዘግቧል። ሚኒስትሩ ማክሰኞ በፓርላማው ቋሚ ኮሚቴ ፊት ቀርበው በሰጡት መግለጫ፥በአንድ ዓመት ውስጥ ሁለት የባቡር አደጋዎች ከደረሱ በኋላ በስፔን ያለ የትራንስፖርት ሚኒስትር በሥልጣኑ መቀጠል እንደሌለበት ገልጸዋል። “እንደ ስፔን ባለ ሀገር የትራንስፖርት ሚኒስትር በአንድ ዓመት ውስጥ ሁለት አደጋዎች ከደረሱ በኋላ በሥልጣኑ መቀጠል የለበትም፤ ይህ የክብር ጉዳይ ነው” ሲሉም ተናግረዋል። ውሳኔያቸውም ከፖለቲካዊ ክብርና ከሥነ ምግባር አንጻር መታየት እንዳለበት አክለዋል። ፑዌንቴ የአደጋው ምክንያት በሚመለከት የምርመራውን የመጀመሪያ ውጤት ከጠበቁ በኋላ ከሥልጣናቸው ለመልቀቅ መጀመሪያ ወስነው እንደነበር ገልጸዋል። በተጨማሪም በመጪው ኅዳር 29 በሚካሄደው ምርጫ በቫያዶሊድ ከተማ የስፔን ሶሻሊስት የሠራተኞች ፓርቲን በመወከል በዋና እጩነት እንደማይቀርቡ አረጋግጠዋል። ሀና ሰይፉ @Ethionews433 @Ethionews433

አውሮፓን እያተራመሰ የሚገኘው የሳይበር ጥቃት😱😱 ​በአውሮፓ የሚገኙ ዘመናዊ ፍሪጆች በሀከሮች ጥቃት እንደደረሰባቸው ተገለጸ። ጠላፊዎቹ የማቀዝቀዣዎቹን ስርዓት በመጥለፍ ሙቀቱን እስከ 50 ዲግሪ ሴንቲግሬድ በማስጨመር በውስጣቸው የሚገኙ ምግቦችና መጠጦች እንዲበላሹና ፍሪጆቹ ከአገልግሎት ውጭ እንዲሆኑ እያደረጉ ይገኛሉ። ​ጥቃቱ የደረሰባቸው አገራት፡ ጀርመን፣ ፈረንሳይ፣ ቤልጅየም፣ ኔዘርላንድ፣ ሉክሰምበርግ፣ ፖላንድ፣ አይርላንድ፣ ፊንላንድ እና ኢስቶኒያ ናቸው። https://t.me/+-odCEJs1e505ODZi

Без текста

Без текста

Без текста

Без текста

በአዲስ አበባ በመኖሪያ ቤቱ  አደንዛዥ ዕፅ ሲያሳድግ የነበረ ተጠርጣሪ በቁጥጥር ስር ዋለ የወንጀል ድርጊቱ የተፈፀመው በአቃቂ ቃሊቲ ክ/ከተማ ወረዳ 5 ልዩ ቦታው 5ሺህ ቤቶች ተብሎ ከሚጠራው አካባቢ ነው፡፡ ናሆም አይናለም የተባለው ግለሰብ በመኖሪያ ቤቱ ውስጥ አደንዛዥ ዕፅ እንደሚያሳድግ ከህብረተሰቡ ጥቆማ መምጣቱን በአቃቂ ቃሊቲ ክ/ከተማ ፖሊስ ዋና መምሪያ የልዩ ልዩ ወንጀሎች ምርመራ መምሪያ ኃላፊ የሆኑት ም/ኮማንደር መርዕድ ደበሌ ተናግረዋል፡፡ ፖሊስ የደረሰውን ጥቆማ መነሻ በማድረግ ባደረገው ፍተሻ የጓሮ አትክልት መስሎ በ16 ማዳሪያ ውስጥ የተቀመጠ ካናቢስ የተባለ አደንዛዥ ዕፅ በቁጥጥር ስር ማዋሉን በመግለፅ ተጠርጣሪውን በቁጥር ስር በማዋል  ወደ ማረፊያ ቤት ለማስገባት በተደረገበት የአካል ፍተሻም በካልሲው ውስጥ ደብቆ ሊገባ መሞከሩን ፖሊስ አስታውቋል፡፡ ህብረተሰቡ በየአካባቢው መሰል የወንጀል ድርጊት ውስጥ በሚገቡ ግለሰቦች ላይ ተገቢውን ጥቆማና መረጃ የመስጠት ባህሉን ሊያጠናክር እንደሚገባም የአዲስ አበባ ፖሊስ ዋና ጠቅላይ መምሪያ አስታውቋል፡፡ @Ethionews433 @Ethionews433

የአሜሪካን እንቅልፍ የነሳችው ሰሜን ኪሪያ «በሰው ልጅ ታሪክ እጅግ አደገኛው ሃከር!» — የኤፍቢአይ (FBI) ብርቱ አደን የተከፈተበት የሰሜን ኮሪያው የሳይበር ሊቅ የዓለም ታዋቂ የፊልም ኩባንያዎችን ያስደነገጠ፣ የግዙፍ የፋይናንስ ተቋማትን ካዝና ያስዳበሰ እና የመላው ዓለም የህክምና ተቋማትን የሳይበር ጥቃት ሰለባ በማድረግ ስራ ያቆመ አስደናቂ ሴራ በዓለም አቀፍ ደረጃ ከፍተኛ መነጋገርያ ሆኗል። የአሜሪካው የፌዴራል የምርመራ ቢሮ (FBI) በዓለም አቀፍ ደረጃ ከፍተኛ ፍለጋ እያካሄደበት የሚገኘው ይህ ግለሰብ፣ በሰሜን ኮሪያ የሚደገፈው የሳይበር አጥቂዎች ስብስብ አባል የሆነው ፓክ ጂን-ሃይክ የተሰኘው ኮምፒዩተር ፕሮግራመር ነው። ዩናይትድ ስቴትስ የሕግ ማስከበር አካላት ፓክ ጂን-ሃይክን በዘመናዊው የሳይበር ታሪክ ውስጥ እጅግ አስፊ ከሆኑት ጥቃቶች ጋር በቀጥታ ያያዙት ሲሆን፣ ከእነዚህም መካከል በ2014 ዓ.ም. የሶኒ ፒክቸርስ ኩባንያን ሚስጥራዊ መረጃዎች ይፋ ያደረገው ግዙፍ ጥቃት፣ በ2016 ዓ.ም ከባንግላዴሽ ማዕከላዊ ባንክ 81 ሚሊዮን ዶላር የተዘረፈበት ሴራ እና በ2017 ዓ.ም. ከ150 በላይ አገራት በሚገኙ 300 ሺህ ኮምፒዩተሮች ላይ ተሰራጭቶ የእንግሊዝን ብሔራዊ የጤና አገልግሎት ያስተጎጎለው የ«ዋናክራይ» (WannaCry) ጥቃት ይጠቀሳሉ። በተጨማሪም የአሜሪካ የፍትህ ሚኒስቴር ፓክ ጂን-ሃይክን ጨምሮ ሦስት የሰሜን ኮሪያ ሃከሮች ከ1.3 ቢሊዮን ዶላር በላይ የገንዘብ ዘረፋና ማታለል ለመፈጸም በተደራጀ ስብስብ ውስጥ ተሳትፈዋል በሚል በይፋ ከሷቸዋል። የአሜሪካ ባለስልጣናት እንደሚያስረዱት፣ ሰሜን ኮሪያ እነዚህን የላቁ የሳይበር ጥቃቶች የምታካሂደው ለሀገሪቱ የኒውክሌር እና የባሊስቲክ ሚሳይል ፕሮግራሞች ማበልጸጊያ የሚሆን ከፍተኛ ገንዘብ ለማከማቸት ነው። ምንም እንኳን አሜሪካ በዚህ ግለሰብ ላይ የዓለም አቀፍ የእስር ትዕዛዝ ብታወጣም፣ የመጨረሻ መገኛነቱ በምትገኘውና ከዩናይትድ ስቴትስ ጋር የወንጀለኛ አሳልፎ መስጠት ስምምነት በሌላት ሰሜን ኮሪያ ውስጥ በመሆኑ፣ በበርካታ አህጉራት ላይ የሳይበር ውድመት ያደረሰው ይህ ተጠራጣሪ እስካሁን ድረስ ከኤፍቢአይ እጅ ውጭ ሆኖ ይገኛል።(መናኸሪያ ሬዲዮ) https://t.me/+-odCEJs1e505ODZi

በአፍ በረዶ በማመላለስ የጊነስ የዓለም ክብረ ወሰን ተሰበረ ከ200 በላይ የጊነስ ክብረ ወሰኖች ባለቤት የሆነው አሜሪካዊው ዴቪድ ራሽ ፤ በ30 ሰከንድ ውስጥ 991 ግራም  የሚመዝን በረዶ በአፉ ከአንድ ትሪ ወደ ሌላ በማጓጓዝ አዲስ ክብረ ወሰን አስመዝግቧል። የውድድሩ ደንብ እያንዳንዱ በረዶ ከ25 ግራም እንዳይበልጥ የሚገድብ በመሆኑ ራሽ ትክክለኛውን ክብደት ለማግኘት ውሃውን በጥንቃቄ ለክቶ ለማዘጋጀት ተገዷል። ለስኬቱ ዋነኛው ፈተና የበረዶው የቅዝቃዜ መጠን እንደነበር የገለጸው ራሽ ፤ በረዶው ከመጠን በላይ ከቀዘቀዘ ከከንፈሩ ጋር እንደሚጣበቅ፣ ሙቀቱ ከጨመረ ደግሞ ቀልጦ ውኃ በመሆን ክብደቱ እንደሚቀንስ አስረድቷል። በዚህም ምክንያት በረዶው ሳይቀልጥ እና ከከንፈሩ ጋር ሳይጣበቅ በፍጥነት ማንሳት የሚያስችለውን ትክክለኛ ቅጽበት መምረጥ ወሳኝ እንደነበር ገልጿል። ሰኔ 12 በተካሄደው ይፋዊ ሙከራም ራሽ ባስመዘገበው የ991 ግራም ውጤት ክብረ ወሰኑን በበላይነት መቆጣጠሩን ዮፒአይ ዘግቧል ።   ሐመረ ፍሬው @Ethionews433 @Ethionews433

የአሜሪካ ጦር በኢራኗ ቃሽም ደሴት ላይ ‹‹የመከላከል››ጥቃት ማድረሱ ተዘገበ የአሜሪካ ጦር በኢራኗ ቃሽም ደሴት ላይ ‹‹የመከላከል››ጥቃት ማድረሱን የሀገሪቱን ባለሥልጣን ጠቅሰው የአካባቢው መገናኛ ብዙኃን ዘግበዋል። ባለሥልጣኑ ተናገሩ ተብሎ እንደተጠቀሰው፤ ‹‹ይህ እርምጃ ኢራናውያን በአሜሪካ የጦር ሀብቶች ላይ ከመሬት ወደ አየር የሚተኮሱ ሚሳዔሎችን በመጠቀማቸው የተወሰደ የመከላከል እርምጃ ነው››ብለዋል። መጀመሪያ በ ዘ ዎል ስትሪት ጆርናል የተዘገበው ይህ ጥቃት የተፈጸመው፥ፕሬዝዳንት ዶናልድ ትራምፕ ከዛሬዉ የፓርላማ አጋማሽ ምርጫ በኋላ ከኢራን ጋር አዲስ ከፍተኛ የጦርነት ግጭት ሊፈጠር ይችላል የሚለውን ስጋት ለማቃለል ባሰቡበት ወቅት ነው። ትራምፕ ለጋዜጠኞች እንደተናገሩት፥ከኢራን ጋር ጦርነት ነበረን፤ አሸንፈናል። ላለፉት ወራት ምንም አይነት ውጊያ ሳናደርግ ስለቆየን እንደ ጦርነት እንኳ ትቆጥሩታላችሁ ብዬ አላስብም ብለዋል። ነገር ግን የአሜሪካ ባለሥልጣናት እንደተናገሩት፣ የአሜሪካ ኃይሎች በኢራን ኢላማዎች ላይ ለአያሌ ሳምንታት አነስተኛ መጠን ያላቸውን ጥቃቶች ሲፈጽሙ ቆይተዋል። እንደ ዘገባው ከሆነ፣ አንዳንዶች የአሜሪካ ባለሥልጣናት እነዚህ ክዋኔዎች ኢራን ስትራቴጂካዊ በሆነው የሆርሙዝ ወሽመጥ በሚያልፉ የንግድ መርከቦች ላይ ስጋት የመፍጠር ወይም ጥቃት የማድረስ አቅም እንዳታገኝ ለመከላከል ታስበው የተደረጉ ናቸው ብለዋል። እስከዳር ግርማ @Ethionews433 @Ethionews433

የሪፖርተር ጋዜጣ የምዝገባ ምስክር ወረቀት አገደ‼ የኢትዮጵያ መገናኛ ብዙኃን ባለስልጣን በሚዲያ እና ኮሙኒኬሽን ሴንተር ኃ.የተ.የግል ማህበር ሥር የሚታተሙትን ሪፖርተር (አማርኛ)፣ ዘ ሪፖርተር (እንግሊዝኛ) ጋዜጦች እና የኢትዮጵያን ሪፖርተር ዲጂታል ፕላትፎርም የምዝገባ ምስክር ወረቀት ከዛሬ ጀምሮ ላልተወሰነ ጊዜ ከህትመትና ከስርጭት ሙሉ በሙሉ ማገዱን አስታወቀ። ባለስልጣኑ በአዋጅ ቁጥር 1238/2013 በተሰጠው ስልጣንና ኃላፊነት መሰረት ላለፈው አንድ ዓመት ባደረገው የይዘት ክትትል፣ በሚዲያ ተቋሙ ተደጋጋሚ የህግ እና የሙያ ስነ-ምግባር ጥሰቶች መፈጸማቸውን ባደረገው ማረጋገጫ ውሳኔው መተላለፉን ገልጿል። እንደ ባለስልጣኑ መግለጫ፣ በጥሰት ከተለዩት ዋና ዋና ነጥቦች መካከል ከኢትዮጵያ ብሔራዊ ጥቅም ጋር የሚጻረሩ ይዘቶችን በተደጋጋሚ ማሰራጨት እንደሚገኝበት ገልጿል። ባለስልጣኑ እንዳመለከተው፣ ላለፈው አንድ ዓመት ከተቋሙ ባለቤትና ዋና አዘጋጆች ጋር ተደጋጋሚ ውይይቶችን በማድረግና የመጨረሻ ማስጠንቀቂያ በመስጠት ለማረም ቢሞከርም ምንም ዓይነት መሻሻል አልታየም። በዚሁ መሰረት፣ ተቋሙ ህጋዊና ሙያዊ ግዴታዎቹን አሟልቶ እስኪያቀርብ ድረስ የምዝገባ ምስክር ወረቀቱ ታግዶ እንደሚቆይና ውሳኔው ከጥቅምት 23 ቀን 2017 ዓ.ም ጀምሮ በጥብቅ ተግባራዊ እንደሚደረግ ተገልጿል። @Ethionews433 @Ethionews433

ነገ ከሚካሄደው የአሜሪካ የአጋማሽ ዘመን ምርጫ አስቀድሞ በተደረጉ ሀገር አቀፍ የሕዝብ አስተያየቶች ዴሞክራቶች ከሪፐብሊካኖች በልጠው እየመሩ ይገኛሉ። ኢኮኖሚ እና የኑሮ ውድነት የመራጮች ስጋት መሆናቸዉ የተገለጸ ሲሆን፣ የጤና ክብካቤ እና ከኢራን ጋር ያለው ጦርነት ደግሞ በመቀጠል የተጠቀሱ ናቸዉ፡፡ አዳዲስ ጥናቶች እንደሚያሳዩት፤መራጮች ፕሬዝዳንት ዶናልድ ትራምፕ ኢኮኖሚውን የያዙበት መንገድ ላይ ያላቸውን ደስተኛ አለመሆን ቢገልጹም፤ፓርቲው በጥብቅ በሚፎካከሩባቸው በርካታ የሴኔት ውድድሮች ላይ ግን የበላይነት እያገኘ መጥቷል። ሁሉም 4መቶ35 የሕዝብ ተወካዮች ምክር ቤት ወንበሮች እና 35 የሴኔት ወንበሮች ለምርጫ የቀረቡ ሲሆን፣የምርጫው ውጤት የቀሩትን የትራምፕ ሁለት የስልጣን ዓመታት ኮንግረሱን ማን እንደሚቆጣጠር የሚወስን ይሆናል። እስከ ፈረንጆቹ ጥቅምት 30 በተካሄዱ ጥናቶች ላይ የተመሠረተው የ‹‹RealClearPolling›› አማካይ ውጤት እንደሚያሳየው ዴሞክራቶች በጠቅላላ የኮንግረስ ድምፅ መስጫ 52 በመቶ ለ 43.1 በመቶ በሆነ ውጤት ሪፐብሊካኖችን እየመሩ ሲሆን፤ይህም የ 8.9 ነጥብ ብልጫ ነው። የኤንቢሲ ኒዉስ የሕዝብ አስተያየት ጥናት መሪነቱን በ 7 ነጥብ ልዩነት ያስቀመጠው ሲሆን፤የኤመርሰን ኮሌጅ ጥናት ደግሞ ልዩነቱን 10 ነጥብ አድርጎታል። እስከዳር ግርማ @Ethionews433 @Ethionews433

በፈረንሳይ 320ሺ የሚጠጉ ተቃዋሚዎች በሰላማዊ መንገድ በተካሄደው ሰልፍ ላይ ተሳተፉ ​የፈረንሳይ የሀገር ውስጥ ጉዳዮች ሚኒስቴር እንደገለፀው፣ በኑሮ ውድነት ምክኒያት ቅዳሜ ዕለት በመላው ፈረንሳይ በተካሄደው ሶስተኛው ግዙፍ ተቃውሞ ላይ  320ሺ የሚጠጉ ተሳታፊዎች የወጡ ሲሆን፣ አስተባባሪዎች ደግሞ ቁጥሩ ወደ ግማሽ ሚሊዮን እንደሚጠጋ ገልጸዋል። በሰልፎቹ ማብቂያ ላይ ውጥረቶች ያጋጠሙ ቢሆንም፣ አብዛኛዎቹ ተቃውሞዎች በሰላማዊ መንገድ መጠናቀቃቸውን ባለስልጣናት አስታውቀዋል። ​የኑሮ ውድነት እና የህዝብ አገልግሎቶች መዳከምን በመቃወም ቅዳሜ ምሽት በመላው ፈረንሳይ በተካሄዱ ሀገር አቀፍ ተቃውሞዎች  በፓሪስ እና በሌሎች ከተሞች በፖሊስ እና በሰልፈኞች መካከል ግጭቶች ተቀስቅሰዋል። የሃሎዊን አከባበር እየተካሄደ በመሆኑ ሌሊቱን ተጨማሪ ሁከት ሊነሳ እንደሚችል ባለስልጣናት አስጠንቅቀዋል። ​ በሰላማዊ መንገድ ሲካሄድ የቆየው ይህ ተቃውሞ፣ ጥቅምት 17 ባጋጠመው ብጥብጥ እና ዘረፋ በመላ ሀገሪቱ በሚገኙ ሱቆች፣  ህንጻዎች እና የንግድ ተቋማት ላይ ከፍተኛ ጉዳት ከደረሰ በኋላ ለሶስተኛ ሳምንት የቀጠለ ነው። ​በፓሪሱ ሰልፍ  ፖሊሶች ጥቂት የሁከት ፈጣሪ ቡድኖችን ለመበታተን እርምጃ የወሰዱ ሲሆን፣ በፈረንሳይ ሶስተኛዋ ትልቅ ከተማ በሆነችው ሊዮን እና በደቡብ ምዕራብ በሚገኘው ቱሊዝ ደግሞ አስለቃሽ ጭስ ተኩሰዋል። በማርሴይ ፈቃድ ባልተሰጣቸው ተቃውሞዎችም ውጥረቶች እንደነበሩ የተገለፀ ሲሆን ምሽት ላይ ግን ረጋ ያለ ሁኔታ ተስተውሏል። ሚኒስቴሩ አሁንም በሃሎዊን ምሽት የዐመፅ ጥሪዎች መደረጋቸውን ጠቅሶ ባለስልጣናት በቀጣይ ሊከሰት ለሚችል ሁከት ዝግጁ መሆናቸውን ተናግሯል። ​ሰላማዊ ነጋሲ @Ethionews433 @Ethionews433

ከጥቂት ጊዜያት በፊት ፡ አትላንታ ጆርጂያ ውስጥ የሆነ ነገር ነው ። ... ከ cc tv ላይ ተወስዶ ኢንስታግራም ላይ ፖስት የተደረገው ቪዲዮ ላይ ፡ አንዲት የ29 አመት ሴት ፡ ከአንድ ሬስቶራንት ከወጣች በኋላ ፡ ሰው መኖር አለመኖሩን ዞር ዞር ብላ አይታ ፡ በፎቶው ላይ እንደሚታየው እጆቿን እና እግሮቿን እያወናጨፈች የሌለ አይነት ዳንስ መደነስ ጀመረች ። ሀይለኛ ዳንስ ። ከውስጥ የወጣ የሚመስል አይነት ዳንስ ። ደነሰች ደነሰችና በዛው የደስታ ስሜት ውስጥ ሆና ጉዞዋን ቀጠለች ። ..... የሬስቶራንቱ ማናጀር ፡ ከደቂቃዎች በፊት ያናገረቻት ሴት ከወጣች በኋላ እንዴት እንዴት ሆና እንደደነሰች ስታይ ገረማት ። ..... ደናሿ ሴት ካይላ ጆንስ ትባላለች ። በዚሁ ከተማ ውስጥ ነዋሪ ናት ፡ እና ከሁለት አመታት በፊት ከስራዋ ከተቀነሰች በኋላ ኑሮን መቋቋም አቃታት ፡ ብዙ ቦታዎች እየሄደች ስራ ብትፈልግም ማግኘት ባለመቻሏ የቤት ኪራይ መክፈል አልቻለችም ። ስለዚህ ቤቷን ለቀቀች ። ቤቷ ጎዳና ሆነ ። ላለፉት ሁለት አመታትም በጆርጂያ ጎዳናዎች እና በድልድይ ስር እየኖረች ቆየች ። ....... በዚህ ሁኔታ ካሳለፈች በኋላ አንድ ሬስቶራንት በአስተናጋጅነት የሚሰሩ ሰወችን እንደሚፈልግ ስትሰማ ሄዳ ተመዘገበችና ለኢንተርቪው ቀጠሯት ። .... ስራውን በጣም ፈልጋዋለች ። የጎዳና ህይወት አንገሽግሿታል ። እና ይህ ኢንተርቪው ከተሳካ ጎዳናን ተሰናብታ ቤት ትከራያለች ፡ ህይወት እንደድሮው ይቀጥላል ። ይህንን እያሰበች ነበር ወደ ሬስቶራንቱ የገባችው ። ከዛስ. ...... ቃለመጠይቁን በጥሩ ሁኔታ አለፈች ። ..... ይህንን ሰምታ ስትወጣ ነበር ፡ ከcc tv በስተቀር ማንም ሳያያት ደስታዋን በዳንስ የገለጸችው ። ..... ማናጀሯ ይህንን የካይላን ደስታ ካየች በኋላ ደወለችላት ፡ ነገ ስራ መጀመር እንደምትችል ነግራት ቪዲዮውን አሳየቻትና በማናጀሯ ኢንስታግራም ላይ ፖስት ሆነ ። እና በወቅቱ ይህ የካይላ dancing with joy የሚለው ቪዲዮ በጣም ቫይራል ሆኖ ነበር ። .... ካይላ ጆንስ እውነት አላት ስራ ማግኘት ያላስደሰተ ምን ሊያስደስት ይችላል ? ለዛውም ለሁለት አመታት ጎዳና ለወደቀች ሴት ። በነገራችን ላይ ፡ የአለማችን ግዙፉ ካምፓኒ አማዞን የተጀመረ ጊዜ አንድ መፅሀፍ ሲሸጡ ይደንሱ ነበር ፡ በርግጥ የአማዞን ሰራተኞች የሚደንሱት እንደካይላ በሰውነታቸው ባይሆንም ፡ መጽሀፍ ሲሸጥ ደወል እየደወሉ ይፈነድቁ ነበር ። .... በኔና በናንተ መሀከል ብቻ ይቅር እንጂ ፡ እኔ ራሱ ከቅርብ ጊዜ ወዲህ በኢንቦክስ ቦርሳ እንድሰራ ስታዘዝ ፡ እንደካይላ ጆንስ ደንስ ደንስ ነው የሚለኝ ። @Ethionews433 @Ethionews433

ኢራን «ወሰን የለሽ» ወታደራዊ ምላሽ ለመስጠት ማዘዟ ተሰማ የኢራኑ ከፍተኛ መሪ ሞጅታባ ካሜኔይ ሀገራቸው ሊሰነዘርባት ለሚችል ለማንኛውም አዲስ ጥቃት «ያለ ምንም የጂኦግራፊያዊ ገደብ» እና በአፋጣኝ የሚሰጥ ከፍተኛ ወታደራዊ ምላሽ እንዲዘጋጅ ትዕዛዝ አስተላለፉ። መሪው በይፋዊ የቴሌግራም ገጻቸው ባወጡት መግለጫ፦ ኃይሎቻቸው ሊሰነዘሩ የሚችሉ ጥቃቶችን ለማስቆም የምላሽ መስጫ ጊዜውን እና ሁኔታውን እራሳቸው እንደሚወስኑ አስታውቀዋል። አሜሪካ እና እስራኤል በመካከለኛው ምስራቅ የሚገኙ የሚዳሰሱ እና የማይዳሰሱ ንብረቶቻቸው በኢራን የጦር ኃይሎች ኢላማ ስር እንዲገቡ፣ የወታደራዊ ጥቃት ስትራቴጂው በአስቸኳይ እንዲሻሻል አዝዘዋል። ይህ የቴህራን ጠንካራ ማ ማስጠንቀቂያ የመጣው፣ የአሜሪካው ፕሬዚዳንት ዶናልድ ትራምፕ ከመካከለኛው ምስራቅ የአሜሪካ ማዕከላዊ ዕዝ ኃላፊ አድሚራል ብራድ ኩፐር ጋር ተገናኝተው በኢራን ላይ ሊወሰዱ ስለሚችሉ ወታደራዊ አማራጮች ካደረጉት ምስጢራዊ ስብሰባ በኋላ ነው። ‘ዘ ዎል ስትሪት ጆርናል’ እንደዘገበው ከሆነ፣ የዋሺንግተን ከፍተኛ አመራሮች ስብሰባ አዲስ እና መጠነ-ሰፊ የወታደራዊ ዘመቻ ዋዜማ ሊሆን እንደሚችል ተገምቷል። @Ethionews433 @Ethionews433

አራት ኪሎ ግራም ጫት የሰረቀው ግለሰብ አራት አመት ከአስራ አንድ ወር እስራት ተፈረደበት።  በምስራቅ ኦሮሚያ ዞን ኮቦልቻ ወረዳ ውስጥ አራት ኪሎ ግራም ጫት የሰረቀው የግለሠብ አራት አመት ከአስራ አንድ ወራት እስራት እንደተፈረደበት የምስራቅ ኦሮሚያ ዞን ፖሊስ ዋና መምርያ አስታውቋል። የፖሊስ ዋና መምሪያው የኮምንኬሽን እና ሚዲያ ክፍል ኃላፊ ኢንስፔክተር ካሲዬ አበበ ለብስራት እንደተናገሩት ተከሳሽ ከድር መሐመድ ኡመር የተባለው ግለሰብ በምስራቅ ኦሮሚያ ዞን ኮቦልቻ ወረዳ ሐቢሶ ቀበሌ ውስጥ የአንዱ ዋጋ አስር ሺሕ ብር የሚያወጣ ጐሲፕ የተባለ እጅግ ውድ ጫት የሰው ግቢ በአጥር ዘሎ በመግባት አራት ኪሎ ሰርቆ ሊወጣ  ሲል በቁጥጥር ሊውል ችልዋል። ተከሳሹ ግምቱ አርባ ሺሕ ብር የሚያወጣ ጫት ቆርጦ በአጥር ዘሎ ሊወጣ ሲል በቁጥጥር ስር ውሎ የምርመራ መዝገቡ ተጣርቶ በመጠናቀቅ ለአቃቢ እንደተላከ ገልፀዋል። አቃቢ ሕግም ከፖሊስ የቀረበውን የምርመራ መዝገብ ተመልክቶ  በስርቆት ወንጀል፣ ክስ የመሠረተ ሲሆን ክሱን የተመለከተው የኮቦልቻ ወረዳ ፍርድ ቤት ጥቅምት 20ቀን 2019 ዓ.ም በዋለው ችሎት ተከሳሽ ከድር መሐመድ አራት ኪሎ ግራም ጫት በመስረቁ በአራት አመት ከአስራ አንድ ወራት እስራት እንዲቀጣ የተወሰነበት መሆኑን ኢንስፔክተር ካሲዬ አበበ ጨምረው ገልፀዋል።[ዳጉ_ጆርናል] @Ethionews433 @Ethionews433

Без текста

የአለልኝ አዘነ ቤተሰቦች ‎ለባህር ዳር ደጋፊዎች ምስጋና አቀረቡ። 👉 " ሚስቱ እስካሁን እንዳልተያዘች ሕዝቡ የሚያውቅ አይመስለኝም " - የአለልኝ አዘነ ወንድም ‎ትላንት ባህር ዳር በነበረ የባህር ዳር ከተማና ፋሲል ከነማ የደርቢ ጨዋታ ወቅት የባህር ዳር ደጋፊዎች 23ኛ ደቂቃ ላይ ከሁለት አመት በፊት በሞት የተለየውን የቀድሞ 23 ቁጥር ለባሽ ተጫዋቻቸውን አለልኝ አዘነን አስበዋል ፤ ክብር ሰጥተዋል። ‎ ‎ደጋፊዎቹ 23ኛው ደቂቃ ላይ በአንድ ድምፅ ስሙን እየጠሩ፣ በስሜት ተሞልተው " አለልኝ መቼም አንረሳህም፣ በልባችን ስትታወስ ትኖራለህ " በሚል በጋራ አስበውታል። ‎ ይህን ተከትሎ ቃሉን ለ‎ቲክቫህ ኢትዮጵያ የሰጠው የአለልኝ አዘነ ታላቅ ወንድም አሸብር አዘነ በቤተሰቡ ስም ለመላው የባህር ዳር ደጋፊዎችና የኢትዮጵያ ህዝብ ምስጋና አቅርቧል። ‎" በባህር ዳር ዓለም አቀፍ ስታዲየም አለልኝ በዚህ መልኩ ሲታወስ ውስጤ ግራ በሚያጋባና በሚወር ስሜት ነው የተሞላሁት " ያለን አሸብር " እኔና እህቴ ተቃቅፈን ስናለቅስ ነበር ፤ የባህር ዳር ደጋፊና መላው የኢትዮጵያ ሕዝብ ለአለልኝ ላሳየው ክብር ከልብ እናመሰግናለን " ብሏል። ‎ ከአለልኝ ግድያ ጋር ተያያዘ ተፈርዶባቸው በእስር ላይ የነበሩት ሚስቱና የእህቷ ባል ከእስር ከተለቀቁ በኋላ ዐቃበ ሕግ ይግባኝ ጠይቆ ሁለተኛው ተከሳሽ በጊዜ ቀጠሮ ማረሚያ እንደሚገኝ አሸብር ለቲክቫህ ኢትዮጵያ ገልጿል። " ሚስቱ እስካሁን እንዳልተያዘች ሕዝቡ የሚያውቅ አይመስለኝም " ያለው አሸብር " ተለዋጭ ቀጠሮ ጠይቆ ለህዳር 2/2019 ዓ/ም ቀጠሮ ተይዟል " ሲል ተናግሯል።[ቲክቫህ ኢትዮጵያ] @Ethionews433 @Ethionews433

በአረካ ከተማ የኤቲኤም ካርዶችን በመስረቅ ገንዘብ ሲያወጣ የነበረ ግለሰብ ተያዘ በአረካ ከተማ የተለያዩ ባንኮችን የኤቲኤም ካርዶች ከሕብረተሰቡ በመስረቅ ገንዘብ ሲያወጣ የነበረ ግለሰብ እጅ ከፍንጅ ተይዞ በቁጥጥር ሥር መዋሉን የአረካ ከተማ ፖሊስ አስታወቀ። በቦሎሶ ቦምቤ ወረዳ ሞሮጫ ቀበሌ ነዋሪ የሆነው አቶ ሃብታሙ ከበደ የተባለው ግለሰብ፣ ሰዎች በኤቲኤም ገንዘብ በሚያወጡበት ወቅት ተገልጋይ በመምሰል የምስጢር ቁጥራቸውን እና ካርዳቸውን በመስረቅ ወንጀሉን ሲፈጽም መቆየቱን የከተማዋ ፖሊስ ጽሕፈት ቤት አዛዥ ኢንስፔክተር እሽቱ ፎላ ገልጸዋል። አዛዡ እንዳሉት፣ ግለሰቡ ከዚህ በፊትም የተለያዩ ባንኮችን የኤቲኤም ካርዶች በመጠቀም ገንዘብ ሲያወጣ ቆይቷል። ፖሊስ ባደረገው ክትትልና ከሕብረተሰቡ በደረሰው ጥቆማ መሠረት፣ ጥቅምት 22 ቀን 2019 ዓ.ም ከማለዳው 12 ሰዓት በአረካ ከተማ በሚገኘው የኢትዮጵያ ንግድ ባንክ ቅርንጫፍ ገንዘብ ሲያወጣ ተይዟል። የፖሊስ አዛዡ ሕብረተሰቡ መሰል ወንጀሎችን የሚፈጽሙ አካላትን በመጠቆም ለፖሊስ ትብብር እንዲያደርግ ጥሪ አቅርበዋል። በተጨማሪም ግለሰቡን ለመያዝ በክትትልና በጥቆማ ድጋፍ ያደረጉትን አካላት አመስግነዋል። @Ethionews433 @Ethionews433

በጎ ዜና   ልጁን ልዕልት ለማድረግ የፈለገ አባት አስደናቂ ተግባር በብራዚል የሚኖረው ሉቺያኖ ካርቫልሆ የተባለ አንድ አባት፣ የሁለት ዓመት ልጁ ሳሚራ በትምህርት ቤቷ በሚከበረው የሕፃናት ቀን ዝግጅት ላይ እንደ ልዕልት እንድትዋብ በጣም ፈልጎ ነበር። ሆኖም የልዕልት ልብስ ለመግዛት የሚያስችለው ገንዘብ አልነበረውም። ነገር ግን የገንዘብ እጥረት የአባትነት ፍቅሩን ሊያሸንፈው አልቻለም። ሉቺያኖ በደቡባዊ ብራዚል በምትገኘው ሳኦ ቤንቶ ዱ ሱል ከተማ ውስጥ በማሽን ኦፕሬተርነት ይሠራል። ለቤተሰቡ ግብይት ወደሚያደርግበት ሱፐርማርኬት በመሄድም ሮዝ ቀለም ያላቸውን የፕላስቲክ የግብይት ከረጢቶች ጠየቀ። ከዚያም በኢንተርኔት ላይ የልዕልት ቀሚስ እንዴት እንደሚሠራ መመሪያ ፈልጎ አገኘ። ከባለቤቱ ማሪዜቴ ጋር በመሆን እያንዳንዱን ከረጢት በጥንቃቄ እያገጣጠሙ ለልጃቸው የልዕልት ቀሚስ ሠሩ። ቀሚሱን ሲያጠናቅቅም የሠራውን ልብስ ፎቶ ለእህቱ ላከላት። እህቱ በዚያው ሱፐርማርኬት ትሠራ ስለነበር ፎቶውን ለሥራ ባልደረቦቿ አሳየቻቸው። የተመለከቱት ሰዎች በአባትየው ፍቅርና ጥረት በጣም ተነኩ። የእሱ ድርጊት እነርሱንም የሚያነሳሳ መልዕክት ነበረው። ስለዚህ በአድናቆት ብቻ ሳይቆሙ ቤተሰቡን ለመርዳት ወሰኑ። በማግስቱ የሱፐርማርኬቱ ሠራተኞች ለቤተሰቡ የሚሆን ምግብ፣ ልብስና መጫወቻዎችን ይዘው ወደ ቤታቸው መጡ። ከዚያም ለትንሿ ሳሚራ የተለየ ስጦታ አዘጋጅተው ነበር፤ እውነተኛ የልዕልት ልብስ፣ ከዘውድ ጋር! ሉቺያኖ ለልጁ የልዕልት ልብስ መግዛት ባይችልም፣ በራሱ እጅ ሠርቶ የልጁን ደስታ ለመፍጠር ሞከረ። ይህ የአንድ አባት ተራ የፈጠራ ሥራ ብቻ አልነበረም፤ ለልጁ ያለውን ወሰን የለሽ ፍቅር የገለጸበት የልብ ስጦታ ነበር። ይህ ታሪክ ሁለት ታላላቅ መልእክቶችን ይዟል። አንደኛው፣ አባትነት በገንዘብ መጠን አይለካም። አንድ አባት ለልጁ የሚሰጠው ትልቁ ሀብት ውድ ልብስ፣ ቤት ወይም ቁሳዊ ስጦታ ብቻ አይደለም። ከሁሉ በላይ የሚበልጠው በፍቅር የተሞላ ልብ፣ የማይታክት ጥረትና ልጁን ደስተኛ ለማድረግ የሚያደርገው ትጋት ነው። ሁለተኛው፣ የሰው ልጅ ለሰው ልጅ የሚያደርገው መልካም ድርጊት ሕይወትን የማስደሰት ኃይል አለው። የሱፐርማርኬቱ ሠራተኞች የአባትየውን ጥረት አይተው በቦታው ላይ አልተዉትም፤ በተቻላቸው መጠን ተባብረው የቤተሰቡን ደስታ አጠናከሩ። በመጨረሻም ሳሚራ እውነተኛ የልዕልት ልብስና ዘውድ አገኘች። ግን የዚህ ታሪክ ትልቁ ውበት በዘውዱም ሆነ በቀሚሱ ውስጥ አይደለም። የታሪኩ እውነተኛ ውበት ልጁን ልዕልት ለማድረግ በድህነት ፊት ያልተሸነፈው አባት ልብ ውስጥ ነው። አንድ አባት ለልጁ ዓለምን ሁሉ መግዛት ባይችልም፣ በልቡ ውስጥ ያለውን ዓለም ግን ሊሰጠው ይችላል።   ሐመረ ፍሬው @Ethionews433 @Ethionews433

Без текста

Без текста

Без текста

Без текста

Без текста

Без текста