التحديات الإيمانية- أحمد الجابري

تحديث جديد في ركب المختصر 🌙 بناءً على طلباتكم وملاحظاتكم، هتلاقوا في التحديث الجديد: 🔹الوضع الداكن: 📌لو بتقرا وردك بالليل أو النور بيتعب عينك، التطبيق بقى بيغمق لوحده. 📌لو موبايلك أو تيليجرام على الوضع الداكن، التطبيق هيغمق معاه على طول. 📌ولو عايز تختار بنفسك: افتح «إعداداتي» ← «المظهر» واختار: تلقائي / فاتح / داكن. 📌 صفحات المطبوع كمان نورها بيهدى بالليل عشان ما تزغللش عينك. 🔹 وكمان على الكمبيوتر: لو بتقرأ صفحات المطبوع وظاهرين صفحتين جنب بعض، اضغط على أي صفحة فيهم وهي هتكبر لوحدها بعرض الشاشة. ضغطة تانية ترجّعك للصفحتين. شكرًا للي نبّهنا على المشكلة دي🌹 ⬅️ لو ظهرت لك رسالة «نسخة جديدة» تحت، اضغط «حدّث». ولو ما ظهرتش، اقفل التطبيق وافتحه تاني. #ركب_المختصر

أجلُّ العلوم وأعظمها: يقول الشيخ السعدي -رحمه الله-: «‏علم التفسير أجلُّ العلوم على الإطلاق، وأفضلها، وأوجبها، وأحبها إلى الله. والسبب؟ - لأن الله أمر بتدبر كتابه، والتفكر في معانيه، والاهتداء بآياته. - وأثنى على القائمين بذلك، وجعلهم في أعلى المراتب، ووعدهم أسنى المواهب. ‏ فلو أنفق العبد جواهر عمره في هذا الفن، لم يكن ذلك كثيرًا». واصل رحلتك اليومية مع كتاب الله. #ركب_المختصر.

استمتاعك بالقرآن لا يكتمل إلا بفهم معانيه: قال شيخ المفسرين الطبري -رحمه الله-: «إني لأعجب ممن قرأ القرآن و لم يعلم تأويله (أي: يفهم معانيه)؛ كيف يتلذَّذ بقراءته؟!». واصل رحلتك اليومية مع كتاب الله. #ركب_المختصر.

تحديث جديد في ركب المختصر 🌙 بناءً على ملاحظاتكم، هتلاقوا في التحديث الجديد: 🔹 «من فوائد الآيات» في كل صفحة في وضع «نص»، هتلاقي تحت آخر آية في الصفحة فوائد الآيات من كتاب «المختصر» نفسه، زي ما هي مطبوعة في الكتاب. 🔹 الشاشة بتفضل منوّرة وأنت بتقرأ طول ما صفحة الورد مفتوحة، الشاشة مش هتطفي لوحدها. ولما تقفل الورد، الموبايل يرجع لطبيعته. (على الآيفون محتاج iOS 18.4 أو أحدث جوه تيليجرام) 🔹 القراءة من الكمبيوتر كان فيه مشكلة في وضع «نص» على الكمبيوتر: أول آيتين في الصفحة ما كانوش بيظهروا. اتصلّحت. 🔹 تقدر توقّف التذكير لو عايز تقرا وردك على راحتك من غير رسالة التذكير، فيه طريقتين: 1️⃣ من التطبيق: افتح «إعداداتي» واقفل «التذكير اليومي». 2️⃣ من رسالة التذكير نفسها: اضغط زر «🔕 وقّف التذكير» اللي تحتها. 📌 تقدّمك ووردك محفوظين، والتطبيق شغال عادي، وتقدر تسأل زي ما أنت. ⬅️ ولو حبيت ترجّعه، من نفس المكان في «إعداداتي»، أو من زر «🔔 رجّع التذكير». ❗️لو التحديث لسه ما ظهرش عندك، اقفل الركب وافتحه تاني. وأي ملاحظة، ابعتهالنا هنا أو في البوت، وهنقرأها إن شاء الله 🤍 #ركب_المختصر

📣📣 تنبيه مهم عن أسئلة المختصر، وطريقة قراءته: قبل أي حاجة: أحب أشكر كل المشاركين معانا اللي عندهم همة وحماس ورغبة صادقة في التعلم والاستعداد لرمضان، وبشكر اللي بيبعتوا لنا اقتراحاتهم وملاحظاتهم اللي ممكن تحسن التطبيق والتجربة عامة. ومن خلال الرسائل والأسئلة عاوز أنبه على نقطتين مهمتين: ⬅️ الأولى: إن من أهم مزايا كتاب المختصر في التفسير -زي ما قلنا قبل كدة-: سهولة العبارة، وعدم الدخول في اختلافات المفسرين وأقوالهم، وإنما الاقتصار على ما اشتُهر وانتشر. وعشان كدة مناسب للي ما قرأش أي تفسير قبل كدة، وفي نفس الوقت مراجعة سريعة للي قرأ قبل كدة. أحيانًا بعض المشتركين في القناة، بيكون عندهم أسئلة في معاني تتعلق بالآيات نفسها، وتعمق أكتر من الوجود في المختصر، وده شيء جميل. لكن! مش ده المقصود حاليا، لأن التوسع هييجي على حساب إنهاء الكم المطلوب في الوقت المحدد، فمش بننصح بيه الفترة دي، خاصة إننا كمان أسبوعين أو تلاتة إن شاء الله هنبدأ سلسلة تحديات أسبوعية خاصة بالاستعداد لرمضان 🌙 فالأصل في الأسئلة اللي نبعتها تكون عن الكلام المكتوب، لو فيه حاجة مش واضحة، مش التوسع في أقوال المفسرين والسؤال عن اللي ما اتقالش في الكتاب، دي مرحلة تانية، وإن شاء الله ييجي وقتها، ما تستعجلوش. ⬅️ النقطة الثانية: سرعة القراءة واستيعاب الكلام وحفظه دي حاجة بيتفاوت فيها الناس، تبعا لمواهبهم وقدراتهم وخبراتهم في التعلم والقراءة، لكن الحد الأدنى المطلوب واللي الركب ماشي بيه: إننا نقرأ الورد اليومي ونفهمه بس. بدون مذاكرة، أو حفظ، أو تقييد فوائد. مش معنى كلامنا إن اللي هيعمل كدة يكون غلط، نستغفر الله، دي حاجة كويسة وممكن نفعها يكون أكبر، لكن الهدف اللي قدامنا إننا نمر على كامل التفسير قبل رمضان. طبيعي في حاجات هنفتكرها، وحاجات هننساها، خاصة لو دي أول مرة، لكن إن شاء الله مع تكرر التجربة المعاني هتثبت معانا، وهيكون الموضوع أسهل. بلاش يا جماعة: نمط تفكير: الكل أو لا شيء (All-or-Nothing). يا أفهم كله وأحفظه يا مش هكمل! ده مش كويس، لا شرعا ولا عقلا. وربنا قال: {فاتقوا الله ما استطعتم}. فلو وقتك ومجهودك يسمح بالتلخيص والمذاكرة: توكل على الله. يسمح بالتكرار والحفظ، أو كتابة الفوائد: جميل. يسمح بالقراءة بس: زي الفل -ده المطلوب حاليًا-. لما يكون عندك شمعة بتنور في وسط يومك كله، ما تجيش تقول: يا تبقى لمبة كبيرة (مصباح كهربائي) يا بلاش، سيبها تنور جزء في يومك، وإن شاء الله تكون بداية لانتشار النور في حياتك كلها. «والنور الذي فيه ظُلمة: خير من ظلمة لا نور فيها» -كما يقول ابن تيمية-. وأسيبكم تكملوا ورد اليوم الثاني، واللي فاته أول يوم يلحق يستدركه. #ركب_المختصر.

مبرووووك لمن أتم ورد اليوم 👏 ومن فاته فليلحق بالركب 🏃🏻

تحديثات جديدة في ركب المختصر 🌙 ⚠️ تنبيه مهم: التذكير اليومي بيوصلك رسالة على تيليجرام من بوت الركب @FaithChallengesTafsirBot التطبيق اللي على الموبايل أو الكمبيوتر مش بيبعت إشعارات. فعشان يوصلك التذكير: ✅ لازم تكون داخل البوت وعامل «ابدأ» ✅ ومحادثة البوت ما تكونش مكتومة ولا مأرشفة ✅ ولو بتقرأ من الموقع أو التطبيق المثبّت: اربطه بتيليجرام من «إعداداتي» ← «اربط بتيليجرام» جمعنا ملاحظاتكم من أول يوم، ونزّلنا تحديث فيه: 🔹 التذكير بقى بتوقيتك أنت في أي بلد، التذكير هيوصلك على ساعتك، مش بتوقيت القاهرة. افتح الركب مرة واحدة بعد التحديث، وهو يظبط التوقيت لوحده. 🔹 ميعاد التذكير بيتحفظ كان فيه مشكلة: تغيّر الميعاد، وترجع تلاقيه رجع ٦ الصبح. اتصلّحت. لو كنت غيّرته قبل كده، ادخل «إعداداتي» وحطه تاني. 🔹 القراءة آية آية بقت أوضح فيه آيات «المختصر» بيشرحها مع بعض في تفسير واحد، وكان التفسير بيتكرر تحت كل آية منها. دلوقتي الآيات دي بتظهر مع بعض، والتفسير تحتها مرة واحدة. 🔹 زرار «ثبّت التطبيق» على طول قدامك فوق في الصفحة الرئيسية، لو عاوز الركب أيقونة على موبايلك أو الكمبيوتر. 📌 معلومة صغيرة: التذكير مش بيوصل لو كنت خلّصت ورد اليوم قبل ميعاده. ده مقصود، عشان ما نزعجكش وأنت مخلّص 🤍 لو التحديث لسه ما ظهرش عندك، اقفل الركب وافتحه تاني. وأي ملاحظة، ابعتهالنا هنا أو في البوت، وبنقرأها كلها. https://t.me/QADrAhmedElgabrybot #ركب_المختصر

طريقة تثبيت واستخدام ركب المختصر في التفسير 👆

فكرت تختم تفسير للقرآن قبل رمضان؟ الصراحة: لا، هوه ده ممكن أصلًا؟ أيوة إن شاء الله، وهقولك إزاي: من سنتين بدأنا -الحمد لله- رحلة ختم المختصر في التفسير قبل رمضان (سبب اختيار الكتاب). السنة دي طورنا الموضوع شوية. إيه الجديد؟ عملنا تطبيق خاص لمتابعة يومية للمختصر بمزايا مساعدة وتشجيعية، وسميناه: (رَكْب المختصر). ماليش في القراءة للأسف! مش مطلوب منك كتير: 6 صفحات بس في اليوم! (ممكن تقرأ أكتر منهم في قعدة واحدة ع الفيس، صح؟) وفي خلال: 100 يوم إن شاء الله هتكون خلصت التفسير. ومش هقولك على إحساسك لما تسمع القرآن أو تقرؤه بعد ما فهمت معاني الكلمات وعرفت حاجة عن هدايات الآيات. شوف الفيديو عشان تعرف أكتر، وفي آخر المنشور رابط التحميل. البداية إن شاء الله: السبت 31/ 10 في انتظاركم. كلمة أخيرة: الإمام الأوزاعي كان بيقول: «إذا أراد الله عز وجل بقوم شرًّا: فتح عليهم الجدال، ومنعهم العمل». فأحب لنفسي وإخواني البعد عن الخناقات والحكايات اللي دايرة ع السوشيال، ونركز في الحاجة اللي تحت إيدينا، واللي هتنفعنا إن شاء الله في ديننا ودنيانا. رابط التحميل: https://rakb-mukhtasar.ahmedelgabry3.workers.dev/install

✨ أتتكم البشرى ✨ غدًا إن شاء الله ننشر 📣 التطبيق الأول وهو خاص بتحدٍّ ممتد إلى رمضان 🌙 إن شاء الله وهو من أهم التحديات وأعظمها 💪 فارتقبوا ⏳ وتابعوا 👀