Посты канала Банкир/Маҳалла банкири

Михаил Данилин Ипотека банк бошқарув раиси ўринбосари этиб тайинланди Михаил Данилин уч йил муддатга Ипотека банк бошқарув раисининг ўринбосари этиб тайинланди. У янги лавозимда банкнинг IT бўлимига раҳбарлик қилади. Тегишли қарор 28 октябрь куни банк акциядорларининг йиғилишида қабул қилинган. Тайинлов Марказий банк розилиги олингач расман кучга киради. Маълумот учун, Данилин Михаил Алексеевич 1984 йилда Россиянинг Москва вилоятида туғилган. 2006 йилда Москва давлат инструментология ва информатика университети, 2009 йилда эса Халқ хўжалиги академиясини тамомлаган. Меҳнат фаолиятини 2005 йилнинг август ойида Standard Bank тизимида лойиҳа менежери сифатида бошлаган. Кейинги 20 йил давомида мамлакатдаги бир қатор банкларда, асосан, маҳсулотлар ва транзаксион хизматларни ривожлантиришда раҳбарлик лавозимларида ишлаган. 2025 йилнинг сентябрь ойига келиб Ипотека банк OTP гуруҳида ишлай бошлаган. Тайинловгача мазкур банкнинг Рақамли технологиялар дирекцияси директори эди. @bankir

Қандай бонуслар ва имтиёзлар кундалик ҳаётингизда алоҳида муҳим? Қисқача сўровномада ўз фикрингизни билдиринг. Ўтказмалар учун чегирмалар, ҳар кунлик кешбек ёки обуна ва хизматлардан фойдаланиш имконими? Қандай таклифлар кўзингизга илиниб қолади, нимадан мамнуният билан фойдаланишингиз ва одатда нималар эътибордан четда қолишини айтиб беринг. Сизнинг жавобларингиз кундалик ҳаётда қандай бонуслар, чегирмалар ва имтиёзлар ҳақиқатан ҳам зарурлигини яхшироқ тушунишга ҳамда уларни сиз учун янада фойдалироқ қилишга ёрдам беради. Сўровнома аноним бўлиб, тахминан 5 дақиқа вақт олади. Жавоблардан фақат умумлаштирилган шаклда фойдаланилади. Ўз тажрибангиз билан бўлишаётганингиз учун раҳмат! 👉Сўровномадан ўтиш - https://forms.gle/tFf1QsLMRxReLNhF8 Реклама

Марказий банк йил якуни бўйича инфляция прогнозини оширди Марказий банк асосий ставка бўйича матбуот хабарида умумий инфляция прогнозини қайта кўриб чиққанини маълум қилди. Янгиланган прогнозларга кўра, 2026 йил якунида умумий инфляция даражаси 7 фоиз атрофида шаклланиши кутилмоқда. Аввалги прогнозда бу кўрсаткич 6,5 фоиз эди. Регулятор прогнознинг оширилишини юқори ички талаб, энергия ресурслари нархлари билан боғлиқ ташқи хатарлар ҳамда тартибга солинадиган айрим нархларнинг режалаштирилган оширилиши билан изоҳлади. @bankir

Мартон Ратки Ипотека банк бошқарув раиси ўринбосари этиб тайинланди Ипотека банк акциядорларининг тегишли қарори билан Мартон Ратки уч йил муддатга банк бошқарув раиси ўринбосари этиб тайинланди. У янги лавозимда Стратегия ва молия блокига раҳбарлик қилади. Тайинлов Марказий банк розилиги олингач, расман кучга киради. Мартон Ратки бунгача 2024 йилнинг апрель ойидан буён ушбу банкнинг Молиявий ҳисобот дирекциясини бошқариб келаётган эди. У 1996 йилда Венгрия пойтахти Будапешт шаҳрида туғилган. Венгриянинг Корвинус давлат иқтисодиёт фанлари университетининг бакалавриат (2019) ва магистратура (2022) босқичларини тамомлаган. Меҳнат фаолиятини 2018 йилнинг сентябрь ойида OTP Bank (Венгрия) гуруҳида Стратегик режалаштириш бўйича маслаҳатчи сифатида бошлаган. Кейинчалик гуруҳнинг Албаниядаги банкида молиявий таҳлилчи бўлиб ишлаган. Ундан кейинги меҳнат фаолиятини эса Ипотека банк OTP гуруҳида давом эттирмоқда. @bankir

Доллар кўтарилди 5 ноябрь учун долларнинг расмий курси 11 935,37 сўмдан🔼(+23.66 сўм) ҳисобланади. @bankir

Бугун тўловлар соат 18:00 гача қабул қилинади 4 ноябрь куни банклараро тўловларни қабул қилиш вақти 18:00 гача узайтирилди. Тўловларни ўтказишга улгуриб қолинг. @bankir

Paynet акциядорларига 238 млрд сўмдан ортиқ дивиденд тўлайди Paynet биринчи ярим йилликда олган соф фойдасининг 238 млрд сўмини дивиденд тўлашга йўналтиради. Тегишли қарор 3 ноябрь куни компания акциядорларининг навбатдан ташқари умумий йиғилишида қабул қилинган. Маълумот учун, Paynet ҳозирда тўлов ташкилотлари ичида тушум ва соф фойда жиҳатидан етакчи ҳисобланади. Paynet жорий йилнинг дастлабки тўққиз ойида 780 млрд сўм соф фойда кўриб, бу борада мавжуд 34 та банкдан 27 тасидан юқори натижа қайд этганди. III чорак якуни бўйича компаниянинг тақсимланмаган фойдаси 556 млрд сўмни ташкил этмоқда. @bankir

Асосий ставкани пасайтириш масаласи ҳам муҳокама қилинган Марказий банк бошқаруви йиғилишида асосий ставкани 14 фоиздан 13,5 фоизга тушириш масаласи ҳам кўриб чиқилди. Бу ҳақда Марказий банк раисининг ўринбосари Нодирбек Очилов матбуот анжуманида маълум қилди. Унинг таъкидлашича, инфляцион кутилмалар, базавий инфляция ва валюта бозорида ижобий тенденциялар шакллана бошлагани ставкани пасайтириш учун айрим асосларни юзага келтирмоқда. Бироқ ушбу тенденциялар бўйича ишонч янада кучайса, масала кейинги йиғилишлар кун тартибига киритилиши мумкин. Ҳозирча 14 фоизлик асосий ставка мавжуд инфляцион хатарларни ҳисобга олган ҳолда етарли деб баҳоланган. @bankir

💡Қўшним шу ишни қилиб пул топяпти. Мен ҳам бошлайми? Қўшнингиз иссиқхонадан ёки пишириқ тайёрлаб яхши даромад топяпти. Сиз ҳам бошламоқчисиз. Аввал у билан гаплашиб кўринг: харидорни қаердан топган, қандай харажатлари бор, ишни қандай ўрганган? 🧾Оддий шартли мисол: қўшнингиз ўз уйида ишлайди, сиз эса ойига 2 млн сўм ижара тўлайсиз. Ҳар бир буюртмадан уни тайёрлаш харажатлари айирилгач 20 минг сўм қолса, фақат ижарани қоплаш учун ойига 100 та буюртма керак бўлади. Бошқа харажатлар ҳам бор. 📌Шунинг учун олдиндан уч нарсани аниқланг: кимга сотасиз, қанча харажат қиласиз ва ўзингизга қанча қолади? Бу ҳисоб-китобларни маҳалла банкири билан ҳам муҳокама қилинг. Ишни бошлашга маблағ етишмаса, молиялаштириш имкониятларини билиб оласиз. 📗 Масалан, Агробанкнинг «Маҳалла лойиҳаси» микроқарзи — 50 млн сўмгача, 5 йилгача муддатга, йиллик 21 фоиз ставкада ажратилади. У банкка бириктирилган маҳаллаларда яшовчи, сўнгги икки ойда расмий даромади бўлмаган ўзини ўзи банд қилган фуқароларга мўлжалланган. Мурожаат қилиш учун маҳалла банкирининг тавсияси керак. ❗️Маҳаллангиз Агробанкка бириктирилмаган бўлса ҳам, тадбиркорлик учун кредит имкониятлари бор. Ўз маҳаллангизга бириктирилган банкнинг маҳалла банкирига мурожаат қилинг. 💼Қайси банк масъул эканини маҳалла идорасидан ёки ҳоким ёрдамчисидан аниқлаштиринг. Бошқа банкларда ҳам «Маҳалла лойиҳаси» доирасида шунга ўхшаш кредитлар мавжуд. Режангизни банкир билан муҳокама қилиб, сизга мос имкониятларни билиб олишингиз мумкин. Кредит миқдори, фоиз ставкаси, муддати ва талаблари банкка қараб фарқ қилади. @bankir

Сўмдаги энг даромадли омонатлар қайси банкда? Бугунги кунда банкларда юздан ортиқ омонат маҳсулотлари мавжуд. Биз улар орасидан сўмдаги ҳамда йиллик ставкаси 18 фоиздан юқори бўлганларини бир жойга жамладик. ❇️ Таянчбанк — Таянчим 2.0 Йиллик ставкаси — 21% Омонат муддати — 24 ой Минимал сумма — 100 минг сўм Тўлдириш — мумкин Қисман ечиб олиш — мумкин Фоизларни тўлаш — ҳар куни Батафсил 🏦 ANORBANK — Фурсат Йиллик ставкаси — 21% Омонат муддати — 3 ой Минимал сумма — 1 млн сўм Тўлдириш — мумкин эмас Қисман ечиб олиш — мумкин эмас Фоизларни тўлаш — ҳар ой Батафсил 🏦 Hayot Bank — Истиқбол Йиллик ставкаси — 20% Омонат муддати — 370 кун Минимал сумма — 500 минг сўм Тўлдириш — мумкин Қисман ечиб олиш — мумкин Фоизларни тўлаш — ҳар ой Батафсил 🏦 ANORBANK — Миллий ҳар кунлик Йиллик ставкаси — 20% Омонат муддати — 24 ой Минимал сумма — 1 млн сўм Тўлдириш — мумкин Қисман ечиб олиш — мумкин Фоизларни тўлаш — ҳар куни Батафсил 🏦 Hayot Bank — Чемпион Йиллик ставкаси — 20% Омонат муддати — 13 ой Минимал сумма — 1 млн сўм Тўлдириш — мумкин Қисман ечиб олиш — мумкин Фоизларни тўлаш — ҳар ой Батафсил 🏦 Hayot Bank — Чилла Йиллик ставкаси — 20% Омонат муддати — 13 ой Минимал сумма — 1 млн сўм Тўлдириш — мумкин Қисман ечиб олиш — мумкин эмас Фоизларни тўлаш — ҳар ой Батафсил 🏦 Пойтахт Банк — Ойма-ой Йиллик ставкаси — 20% Омонат муддати — 24 ойгача Минимал сумма — 1 млн сўм Тўлдириш — мумкин эмас Қисман ечиб олиш — мумкин эмас Фоизларни тўлаш — ҳар ой Батафсил ❇️ Таянчбанк — Бугунoқ фойда 2.0 Йиллик ставкаси — 19% Омонат муддати — 24 ой Минимал сумма — 1 млн сўм Тўлдириш — мумкин эмас Қисман ечиб олиш — мумкин эмас Фоизларни тўлаш — олдиндан Батафсил 🏦 Tenge Bank — Муддатли Йиллик ставкаси — 19% Омонат муддати — 12 ой Минимал сумма — 10 млн сўм Тўлдириш — мумкин эмас Қисман ечиб олиш — мумкин эмас Фоизларни тўлаш — ҳар ой Батафсил Ариза топширишдан аввал келтирилган омонат шартлари билан батафсил танишиб чиқиш тавсия этилади. Сабаби, айрим омонат турларида муддатидан олдин пул ечиб олиш, омонатни тўлдириш ёки фоизларни тўлаш бўйича чекловлар мавжуд. @bankir

Асосий ставка йиллик 14 фоиз даражасида ўзгаришсиз қолдирилди Марказий банк 4 ноябрь куни бўлиб ўтган йиғилишда асосий ставкани йиллик 14 фоиз даражасида сақлаб қолишга қарор қилди. Регуляторга кўра, ички талаб, энергия нархлари ва ташқи инфляцион хатарлар сақланиб қолаётгани сабабли шундай қарорга келинган. Эслатиб ўтамиз, асосий ставка 2025 йилнинг 20 март санасида 0,5 фоиз бандга кўтарилиб, 14 фоиз даражасига етказилганди. Ундан кейинги даврда бу кўрсаткич ўзгаришсиз қолмоқда. Асосий ставкани кўриб чиқиш бўйича навбатдаги йиғилиш жорий йилнинг 16 декабрига белгиланган. @bankir

Fido Biznes компаниясининг Бизнес учун РБП платформаси: амалдаги АБТни алмаштирмасдан юридик шахсларни онлайн тарзда банк хизматларига улаш Банк комплаенс текширувлари ва мавжуд IT-инфратузилмасини сақлаб қолган ҳолда корпоратив мижозларни банк хизматларига улаш жараёнини қандай қилиб рақамли форматга ўтказиши мумкин? Бизнес учун РБП — Fido Biznes компаниясининг корпоратив мижозларга рақамли банк хизматларини кўрсатиш платформаси. У юридик шахсларни масофадан туриб банк хизматларига улаш ва уларга ягона рақамли муҳитда банк хизматларидан фойдаланиш имкониятини тақдим этади. 📆19 ноябрь куни соат 14:00 да Fido Biznes компанияси Бизнес учун РБП платформаси имкониятларига бағишланган бепул онлайн вебинарга таклиф этади. Вебинарда қуйидаги масалаларни кўриб чиқамиз: — Платформа мижознинг онлайн ариза топшириш ва идентификациядан ўтишдан бошлаб ҳисобварақ очиш ҳамда масофавий банк хизматларига уланишгача бўлган жараёнини қандай таъминлайди. — Маълумотларни текшириш, ҳужжатларни электрон имзолаш ва комплаенс жараёнлари қандай автоматлаштирилади. — Бизнес учун РБП платформаси амалдаги автоматлаштирилган банк тизимини (АБТ) алмаштирмасдан банкнинг мавжуд IT-инфратузилмаси билан қандай интеграциялашади. Иштирокчилар ўз банклари учун онлайн тарзда банк хизматларига улаш тизимини жорий этиш бўйича индивидуал ROI (инвестициялар рентабеллиги) ҳисоб-китобини сўрашлари мумкин. Вебинар тили: ўзбек тили Иштирок этиш бепул Рўйхатдан ўтиш: ҳавола Реклама

4 ноябрь. Банклардаги энг яхши доллар курслари Кун давомида банклардаги курслар ўзгариши мумкин. Аниқ курс учун банкларнинг расмий сайтига ташриф буюринг. @bankir

Доллар тушди 4 ноябрь учун долларнинг расмий курси 11 911,71 сўмдан 🔽(-29,94 сўм) ҳисобланади. @bankir

Ўзбекистонга халқаро пул ўтказмалари бир йилда қарийб 10 фоизга ошди 2026 йилнинг дастлабки тўққиз ойида Ўзбекистонга халқаро пул ўтказмалари орқали 15,2 млрд доллар келиб тушди. Бу ўтган йилнинг мос давридаги ўтказмалардан 1,3 млрд долларга ёки 9,4 фоизга кўп. Мазкур маблағнинг 3,8 млрд доллари биринчи, 5,5 млрд доллари иккинчи, 5,9 млрд доллари эса учинчи чоракда келиб тушган. Бундан кўринадики, пул ўтказмалари ҳажми йилнинг иккинчи ва учинчи чоракларида биринчи чоракка нисбатан юқори бўлган. Шу даврда Ўзбекистондан хорижга 2 млрд доллар маблағ ўтказилган. Ўтган йилнинг дастлабки тўққиз ойида бу кўрсаткич 1,9 млрд доллар бўлганди. @bankir

Claude тўққиз ойда Ўзбекистонда 116 млрд сўмлик хизмат кўрсатди Ўзбекистонда электрон шаклда хизмат кўрсатувчи хорижий компаниялар жорий йилнинг дастлабки тўққиз ойида 1,94 трлн сўмлик хизмат кўрсатди. Бу ўтган йилнинг мос даврига нисбатан 894 млрд сўмга ёки 85 фоизга кўп. Ушбу даврда компаниялар 233 млрд сўм солиқ тўлаган. Энг кўп солиқ тўлаган компаниялар орасида Apple 54 млрд сўм билан биринчи, Google 53 млрд сўм билан иккинчи, Meta 47 млрд сўм билан учинчи ўринни эгаллади. Claude сунъий интеллектини ишлаб чиқувчи Anthropic компанияси тўққиз ойда 116 млрд сўмлик хизмат кўрсатди ва 14 млрд сўм солиқ тўлади. ChatGPT ишлаб чиқувчиси OpenAI эса 83 млрд сўмлик хизмат кўрсатиб, 10 млрд сўм солиқ тўлаган. @bankir

Ўзбекистонда аҳоли учун суюлтирилган газ нархи 2,5 баробарга ошмоқда 15 ноябрдан аҳоли учун суюлтирилган газнинг чакана нархи бир килограмми учун 5 000 сўм бўлади. Ҳозирда унинг нархи 2 000 сўмни ташкил этмоқда. Бу бўйича 31 октябрь куни Вазирлар Маҳкамасининг тегишли қарори қабул қилинди. Қарорга кўра, эҳтиёжманд оилаларга газ хариди харажатларининг бир қисми қоплаб берилади. Компенсация харид қилинган суюлтирилган газнинг ҳар бир килограмми учун 3 000 сўм миқдорида тўланади. Бунда бир ойда кўпи билан 20 килограмм газ хариди учун компенсация олиш мумкин. @bankir

Капиталбанк 50 млн долларлик облигациялар чиқармоқчи 29 октябрь куни Капиталбанк акциядорларининг навбатдан ташқари умумий йиғилиши бўлиб ўтди. Унда 50 млн долларлик корпоратив облигациялар чиқариш тўғрисида қарор қабул қилинди. Эълон қилинган ахборотга кўра, банк номинал қиймати 100 доллар бўлган 500 минг дона облигация чиқаради. Облигациялар бўйича йиллик 7 фоиз даромадлилик таклиф этилмоқда. Купон тўловлари ҳар уч ойда амалга оширилиши белгиланган. Муомала муддати 731 кунни ташкил этади. Облигациялар очиқ обуна орқали АҚШ долларида жойлаштирилади. @bankir

3 ноябрь. Банклардаги энг яхши доллар курслари Кун давомида банклардаги курслар ўзгариши мумкин. Аниқ курс учун банкларнинг расмий сайтига ташриф буюринг. @bankir

Тижорат банкларининг молиявий оммабоплик рейтинги жорий этилмоқда Марказий банк аҳоли ва бизнеснинг банк хизматларидан фойдаланиш имкониятларини кенгайтиришда банкларнинг ўрнини баҳоловчи рейтингни ишлаб чиқмоқда. Ушбу рейтинг тижорат банкларини аҳоли ва бизнес учун молиявий хизматлардан фойдаланиш имкониятини яратиш ҳамда хизматларни қулай, хавфсиз ва сифатли етказиш бўйича таққослайди. 30 октябрь куни тижорат банклари билан рейтинг методологияси ва баҳолаш мезонлари муҳокама қилинди. Дастлабки ҳисоб-китоб натижалари ҳам кўриб чиқилган. Таъкидланишича, мазкур рейтинг банклар ўртасида соғлом рақобатни кучайтириш ва молиявий хизматлардан фойдаланиш имкониятларини кенгайтиришга хизмат қилади. @bankir