Посты канала Alisher Qodirov

Turkiy davlatlar taşkiloti davr sinovidan ötişi kerak. Bu davr Özbekiston raisligiga töğri kelayotgani alohida mas’uliyat. Taşkilotning poydevori faqat iqtisodiy yoki siyosiy manfaat va maqsadlardan iborat emasligiga avvalambor a’zo qondoş davlatlarning qarindoş xalqlari özi işonişi kerak. Yaqin ön yillar içida siyosiy manfaatlar, yoki iqtisodiy manfaat uçun birlaşganlarni tarqalişini kuzatamiz. Bunday boğlar vazifasini bajarib bölganidan keyin uziladi, lekin qondoşlik boği vaqtinçalik emas, u manfaatlarga qarab bor-yöq bölib qolmaydi. Albatta bu taşkilot ham iqtisodiy va siyosiy manfaatlarni maqsad qiladi, lekin insoniyatni kutayotgan oğir transformatsiya 100 yilligida bu davlatlar bir-biriga qondoş bölgani uçun ham yonma-yon turişi, bir-birini qöllaşi kerak, faqat manfaatiga mos bölgani uçun emas. Yaqin yuz yilda zaiflar yöq bölib ketadi, biz yöq bölib ketmaslik uçun birlaşişga majburmiz. Faqat öz manfaatlarimiz haqida öylaş bizni turli kuç markazlarining çarxpalagiga tortib, yöqlikka otib yuborişi aniq. Bundan yuz yil avval xalqlar bir-biriga qança intilmasin, turkiy davlatlar zaifligidan bir-biriga yordam berolmadi, bu faktlar arxivlarda kömilib yotibdi. Bekorga emas, yangi avlodlar bu boğlarni unutib yuborişidan manfaatdor kuçlar hali ham kuçli. Karimov davridagi Turkiya-Özbekiston, bugungi Ozarbayjon-Turkiya kelişmovçiliklarining mualliflari bitta. Qondoş davlatlar manfaat uçun qiymatini ölçab bölmaydigan boğlarni zörlamasliklari kerak, mutlaqo özaro bezarar yöllar topilişi lozim. Tarixdan töğri xulosalar çiqaraylik. Faqat iqtisodiy manfaatlarga tayangan aloqalarning umri manfaatlarning tugagan kunigaça ekanligi - isbotlaş zarur bölmagan töğriga aylandi. Oçiq savdoga aylanib ketgan ukrainaliklarning taqdiri bunga yaqqol misoldir. TDTning Anqara sammitida ilgari surilgan Prezident Mirziyoyev taşabbuslari aynan şu mezonlarda çuqur tadqiq qilinişi va röyobga çiqarilişi zarur. 📹 Instagram 💬 Telegram 🔴 Facebook 🔥 Youtube @alisherQodir

🇹🇷29-oktyabr - Turkiya Respublikasi taşkil topgan kun. Qondoşlarimiz qiyomatgaça ozod va farovon bölsinlar. 🇰🇬31-avgust Qirğiziston, 🇺🇿1-sentyabr Özbekiston, 🇹🇲27-sentyabr Turkmaniston, 🇦🇿18-oktyabr Ozarbayjon, 🇰🇿16-dekabr Qozoğiston Respublikalarining ozodligi ham abadiyatgaça davom etsin. Turkiylarni yiqitiş mumkin, lekin mağlub etib bölmaydi, çunki turkiylar yiqilişni ösiş uçun çaqiruv deb biladigan millatdir. Bu millatning davlatçilik madaniyati kuçni atom bombasida emas, adolatda ekanligiga tayanadi. Qondoşlarni bir-biriga duşman qilib maqsadiga intilayotganlarga qarşi “Tilda, fikrda, işda birlik” bilan tobora birlaşayotgan turkiylar barça tinçlikparvar xalqlar orzu qilayotgan adolatli dunyo uçun birdam va bardam bölişlari kerak. * * * * 🇹🇷29 Ekim, Türkiye Cumhuriyeti’nin kuruluş yıl dönümü. Türk kardeşlerimiz kıyamete kadar özgür ve müreffeh olsunlar. 🇰🇬31 Ağustos Kırgızistan’ın, 🇺🇿1 Eylül Özbekistan’ın, 🇹🇲27 Eylül Türkmenistan’ın, 🇦🇿18 Ekim Azerbaycan’ın ve 🇰🇿16 Aralık Kazakistan’ın bağımsızlık günleridir. Bu özgürlükler de sonsuza dek sürsün. Türkileri yıkmak mümkündür, ancak onları mağlup etmek mümkün değildir, çünkü türkiler, her düşüşü yeniden yükselmek ve daha da güçlenmek için bir çağrı olarak kabul eden bir millettir. Bu milletin devlet geleneği ve kültürü, gücün atom bombasında değil, adalette olduğuna dayanır. Kardeş halkları birbirine düşman ederek amaçlarına ulaşmaya çalışanlara karşı, “Dilde, fikirde, işte birlik” ülküsü etrafında giderek daha fazla kenetlenen türki halklar bütün barışsever milletlerin özlemini duyduğu adil bir dünya için birlik ve dirlik içinde olmalıdır. 📹 Instagram 💬 Telegram 🔴 Facebook 🔥 Youtube @alisherQodir

Nizolarni yoqayotganlar va unda yonayotganlarga diqqat bilan qarang: arablar va eronliklardan qalangan gulxanni islom dunyosiga, rus va ukrainlardan qalangan gulxanni yevropaga kengaytiriş uçun uçqunlar saçratilmoqda. Nozik mavzularni ijtimoiy tarmoqlarda xalqlararo nizolarga aylantiriş ustida işlanmoqda. Fitnalarga aldanmasdan, loyqa daryoda baliq ovlayotganlarni kuzatiş kerak. Internet - kuçli hujum quroliga aylandi. Undan himoya juda arzon va oddiy - sabr va tafakkur. Kuçli xalqlar bunday fitnalarga immuniteti bölgani uçun qudratli millatga aylana oladilar. 📹 Instagram 💬 Telegram 🔴 Facebook 🔥 Youtube @alisherQodir

Qaşqadaryoda 6 mlrd. dollarlik işlab çiqariş loyihalariga Davlat rahbari tomonidan start berildi. AQŞ, Xitoy, Ispaniya, Malayziya, Turkiya kabi davlatlardan kelgan sarmoyadorlar Qaşqadaryoda yirik loyihalarni amalga oşirişdan manfaatdor. Önga yaqin rossiyalik sarmoyadorlarining 300 mln. dollarga yaqin raqobatbardoş qiymat yaratadigan loyihalarni yuqori iştiyoq bilan amalga oşirayotgani diqqatimni tortdi. Ular Davlat rahbariga Özbekistonda yaratib berilgan jozibali investitsiya muhiti va qulay soliq siyosati uçun minnatdor ekanliklarini aytişdi. Keça Samarqandda AQŞ tadbirkorlari bilan 12 mlrd. dollarlik yuqori texnologik loyihalarni amalga oşirişga kelişilgan edi. Özbekiston yöli eng töğri yöl ekanligini vaqtning özi isbotlamoqda. Bu yöl barça davlatlar bilan öz’aro manfaatli hamkorliklar yöli bölib mamlakatni barqaror ösişiga olib boradi! Fitna-fasod, zöravonlik va tahdidlar bilan manfaatga, kuç bilan maqsadga erişib bölmasligi davrning eng töğri hulosasidir. 📹 Instagram 💬 Telegram 🔴 Facebook 🔥 Youtube @alisherQodir

Alifboga doir qonun qabul qilindi. Muhokamalarni töxtatib, qonunni kuçga kirişini kutib ötirmasdan özgargan 4 ta harfni bugundanoq işlatiş kerak. Barça vatandoşlarga Özbek tili bayrami muborak bölsin. 📹 Instagram 💬 Telegram 🔴 Facebook 🔥 Youtube @alisherQodir

Endi, nima, qança kerak bölsa sotib oliş imkoniyatiga ega, döst-hamkorlari bilan manfaatlarini muvozanatlaydigan vaznli Özbekiston bor… Milliy ğururli, intellekt va boşlanğiç darajada texnologik bilimi bor, eng muhimi - vatanga hujumni onasiga hujumdek qabul qiladigan yigitlarni tarbiyalay olmasak bu vaznni boy beriş mumkin. Ta’lim-tarbiya va mudofaa vazirlarini bir vaqtda iş boşlaşi ramziy ma’noga ega. Oila, boğça va maktabda töğri tarbiya körgan, soğliği talab darajasida bölib, maktabdan keyingi ta’limni davom ettirmagan yigitlarni tölövlarsiz, bir yillik majburiy harbiy xizmatga jalb qilinişi bir qança yönalişdagi muammoli masalalarga yeçim böladi. 📹 Instagram 💬 Telegram 🔴 Facebook 🔥 Youtube @alisherQodir

Без текста

Tarbiya qilinmagan inson uçun ilm qadrli emas. Ta’lim va ilmda maqsadga erişiş uçun avval inson tarbiya qilib olişimiz kerak. Internetsiz tasavvur qilib bölmay qolgan dunyoda töğri tarbiya murakkab muammoga aylandi. Insonga xos bölgan yuzlab yaxşi-yomon könikmalar bor. Zamon bilan özgarib qolmaydigan bu könikmalarning qaysi tomoni ustunlik qilişi - töğri tarbiyaga böğliq. Biz kelajakda qanday jamiyat tarbiyalamoqçimiz? Maqsadimiz bilan qadriyatlarimiz bir-biriga uyğunmi? Zamonaviy inson tarbiya qilmoqçi bölib qadriyatsiz majruhlarni tarbiya qilib qöymayapmizmi? “Milliy tiklaniş” partiyasi uçun eng ustuvor bölgan mavzuni atrofliça tadqiq qiliş, ijroçilar özgarsa ham, maqsadlar özgarmaydigan, aniq strategiyani belgilaydigan milliy dastur qabul qiliş taklifini muhokama qiliş uçun mavzuga befarq bölmagan faollarni partiyaga taklif qildik. 📹 Instagram 💬 Telegram 🔴 Facebook 🔥 Youtube @alisherQodir

Bugun millatimiz ziyolilari otib öldirilgan kun. Kelajakda xor bölmaslik bugun butun millat va davlat bölişimizga boğliq. Özligini qadrlamaganlar özga uçun heç qaçon qadrli bölmaydi. 📹 Instagram 💬 Telegram 🔴 Facebook 🔥 Youtube @alisherQodir

Tarbiya, ta’lim va ilm - milliy yuksaliş davrini muvaffaqiyat poydevori böladi. Oila -boğça - maktab uçligi 18 yoşgaça bölgan davrda özligi bilan ğururlanadigan, umuminsoniy qadriyatlar va boşqa madaniyatlarni hurmat qiladigan şaxs şakllanişiga erişişi kerak. Bu oila - davlat işbirligida, jamiyat kömagida, mas’uliyat va majburiyatlarni anglaş va töğri tadqiqotlarga tayangan metodologiya asosida amalga oşadi. Aynan şu davrda jiddiy konservatizm kerak. Aynan şu davrni xayolparast kosmopolitizm, boşqa madaniyatlarni yuzyillar kelajakka yönaltirilgan mafkuraviy moyillik loyihalaridan asraş kerak. Aynan şu vaqtda mustahkam davlat va raqobatbardoş millat maqsadimiz ildiz çiqarişni boşlaşi kerak. Agar şu yerda bolaga oila, davlat, millat va qadriyat ekilmasa qanday lavozim yoki darajada bölişidan qat’iy nazar nafaqat özligi va mansub bölgani jamiyat manfaatlari va qadriyatlari, balki dunyo taqdirini ham savdo qila oladigan xudbin şaxslar boşqaradigan jamiyatga tayyor böliş kerak. Davlatlarni jiddiy boşoğriqlariga aylanadigan siyosiy va ijtimoiy inqirozlarni boşlanğiç nuqtalari aynan şu davrdadir. Yangi taşkil etilgan vazirlik tegişli davlat va nodavlat taşkilotlar, birinçi navbatda Soğliqni saqlaş vazirligi va Ijtimoiy agentlik bilan hamkorlikda soğlom özbek tuğilişini, keyingi bosqiçlarda tarbiya va ta’limni töğri taşkil etiş orqali uni raqobatbardoşligini ta’minlaşi zarur. Homiladorlikdan 18 yoşgaça bölgan davr milliy taqdirimizni belgilaydigan davr sifatida qabul qilinişi kerak. Oliy ta’limga esa davlat qança aralaşmasa şunça natija böladi. 18 yoşdan keyin qobiliyat va imkoniyati bölganlarni keskin raqobat qilişiga qöyib beriş kerak. Imkoniyati bölmagan qobiliyatlilarni davlat yoki tadbirkorlarni sarmoyalari bilan qöllab-quvvatlaydigan tizim haqida öylaş mumkin. Şunda davlat qimmatli ğoyalar, yuqori qiymatli mahsulotlar va albatta sifatli mutaxassislar raqobatini muvozanatlaş haqida öylaydi, ularni xorijdan olib keliş haqida emas. Rivojlangan dunyo boylik topdi, lekin insonni yöqotdi, biz bu xatoni takrorlamasligimiz kerak. 📹 Instagram 💬 Telegram 🔴 Facebook 🔥 Youtube @alisherQodir

Qudratli millat - fidoyi tarbiyaçidan boşlanadi. Ota-onalarimiz, boğça tarbiyaçilarimiz va qadrli ustozlarimiz boşimizda saodatli bor bölişsin. 📹 Instagram 💬 Telegram 🔴 Facebook 🔥 Youtube @alisherQodir

Boburjon Mansuroviç, fikrlaringizni hurmat qilaman, lekin öz fikrimda qolaman. Birinçidan, Konstitutsiya jamiyat tafakkuriga uyğunlaşib borişi kerak, xalq talab qilsa yana özgaradi, bu normal holat. Ikkinçidan, pedofil qilmişi uçun uni muqarrar ölim kutayotganini bilsa jinoyat qilmaydi, deb umid qilişimiz kerak, jinoyatni qisman qolişidan manfaatdor böliş emas. Uçinçidan, biz qonunlarni xalqimiz uçun qabul qilamiz, xalqaro majburiyatlarimizni bajariş uçun emas, xalqimiz manfaatlari doimo ustuvor bölişi kerak. Sudya xatosi haqida esa gapirişni ham istamayman. Şifokor hamma narsani töğri qilsa ham unga boğliq bölmagan jarayonlarni oldini ololmasligi mumkin, lekin sudya nafaqat ölim, jarima hukmini ham töğri çiqariş uçun jur’atli, erkin, vijdonli va bilimli bölişi yetarli. Tizimning muammolari bor, sudyaga işlaş uçun şaroit yaratiş, advokatlik institutini rivojlantiriş zarur ekanligi rost, lekin sudyani saviyasidan xavotir bilan adolatli jazoni rad etiş, qabul qilib bölmas yondaşuv. Törtinçidan, siz aytgan işlarni hammasi bor va bölyapti, lekin jinoyatçini töxtatadigan murosasizlik yetişmayapti. Oğir jinoyatlar profilaktikasi uçun oğir va şafqatsiz qarorlar bölişi kerak. 📹 Instagram 💬 Telegram 🔴 Facebook 🔥 Youtube @alisherQodir

Bolalarga nisbatan jinoyat uçun jazoni kuçaytiriş böyiça qonun loyihasi kiritildi. Men bu taklifga betaraf qolaman. Bir soatda 77 ta insonni öldirib, umrbod qamoqqa mahkum qilingan norvegiyalik maxluq kitob yoziş uçun şaroit yöqligidan şikoyat qilgan va unga şaroit yaratib berilgan. Xalqaro huquq bu maxluqni inson, minglab öldirilayotgan begunoh ayollar va bolalarni uruşni yon ta’siri sifatida köradi, qöşimçasiga buni qilayotganlarga eng yuksak minbarlardan turib inson qadri haqida ma’ruza qilişga imkon beradi. Biz kimlardan örnak olyapmiz!? Bizning pedofil ham şaroit sörasa yaratib berişga majbur bölamiz, çunki biz ergaşayotgan xalqaro huquq uni inson sifatida köradi, ölik sifatida emas! Qasddan odam öldirgan, ayniqsa bolaga qasd qilganlar kelgusida ehtimoliy bunday qotilliklarni oldini oliş, moyillarga ibrat bölişi uçun ölimga hukm qilinişi kerak. 📹 Instagram 💬 Telegram 🔴 Facebook 🔥 Youtube @alisherQodir

Ölim jazosi zaruratdir. Biz bugun begunoh xalqlar va bolalar qirğiniga çora körolmaydigan darajada zaif va ikkiyuzlamaçi mezonlarga moslaşiş va özlariga qarşi işlatilişidan xavotir olayotgan “qörqoq qahramonlar”ni ayyuhannoslariga quloq tutib bu zaruratga köz yumyapmiz. Ajratib olişda xato qiliş mumkin bölmagan ayrim toifadagi jinoyatçilarni yaşaşini öziyoq jamiyat halovati uçun xavfdir! Bu toifadagi jinoyatçilarni yillar davomida yanada jinoyatçiroq qilib jamiyatga qaytariş orqali jinoyatni pro şakllari uçun şaroit yaratilmoqda, xolos. Amaldagi qonunlar bilan ehtimoliy vatan xoini davr özgarib milliy qahramonga aylanişi mumkindir, unga heç qaçon ölim jazosi qöllanilmasligi kerak, lekin retsidivist, bola öldira olgan yoki murğak bolani toptaş darajasidagi mahluq-pedofilni qamoqda mehribon pedagog bölib qolişiga kimdir işonsa hayratlanaman. Inson insonni öldirişi mumkinmas, bu ham dunyoviy, ham diniy qaraşlarda eng oliy jinoyat sifatida qabul qilingan, lekin bu oliy jinoyatga jazo masalasida yondaşuv bir xil emas: biri bundaylarni odamlarni puli hisobiga qamoqda saqlab, yedirib-içirib, issiq-sovuğini ta’minlab, jamiyatdan umrbod ajratib qöyiş yetarli deb hisoblasa, yana biri ehtimoliy keyingi jinoyatlarni oldini oliş, moyillarga ogohlantiriş bölişi uçun (jabrdiydaning talabi asosida!) ölimga mahkum qiladi. Beayb insonni qasddan öldirgan, ayniqsa bola qotili va pedofillarni yaşaşda davom etişi keyingi şu şakldagi jinoyatlar uçun motivatsiyadir! Qasddan odam öldirgan, ayniqsa bola qotillari özini nima kutayotganini aniq bilişi kerak! 📹 Instagram 💬 Telegram 🔴 Facebook 🔥 Youtube @alisherQodir

El-yurt umidi fondi mamlakat kelajagiga umid yaratişi kerak, xavf emas! 1950 yillarda kommunistlarni ovlaş tǒlqinida Amerikadan haydalgan xitoylik talaba-tadqiqotçi Qian Xuesen keyinçalik Xitoyni bugungi texnologik taraqqiyotining otasi böldi. AQŞ tarixida mamlakat manfaatlariga yetkazilgan eng buyuk zarar deb qabul qilingan bu qaror özini Amerika fidoiysi deb biladigan oddiygina bir FBR tergovçisiga tegişli bölgan. Kelajak loyihalarining taqdiri bugun bilan fikrlaydiganlarning qarorlariga boğliq bölmasligi kerak! 📹 Instagram 💬 Telegram 🔴 Facebook 🔥 Youtube @alisherQodir

Özbekistonda yaqin 10 yillar uçun barqaror iqtisodiy ösişning poydevori yaratilmoqda. Iştirok etganim ikki taşrif - Qoraqalpoğistonda 7 mlrd. dollarlik 47 loyihalarning 11 tasi işga tuşdi, Andijonda esa 9,4 mlrd. dollarlik 206 ta loyihalarining 98 tasi işlay boşladi. Barça viloyatlarda kamroq-köproq, şu atrofda yuqori qiymat yaratadigan loyihalar rejalaştirilgan va işga tuşmoqda. Kimlargadir bu işlar statistika uçun qilinayotgan balandparvoz işlardek tuyulayotgandir, istagança tuyulaversin, haqiqat şu, yaqin 10 yilda rostdan ham balandroq parvoz qilamiz! Ayrim davlatlar xalqini qirğinga taşlayotgan, ayrimlari fitna-fasod uruğini soçib aslida özini uruği qurib borayotgan, ayrimlari esa borini qadriga yetmay, oçofatlik bilan boşiga balo izlayotgan bir talatöp zamonda Özbekiston qudratli iqtisod yaratib, kişi boşiga daromadni oşiriş bilan şuğullanmoqda va muqarrar keladigan yangi dunyodagi örnini tayyorlamoqda. Natijalar e’tirof etilişi kerak! Yutuqlar davlatimiz va xalqimizniki. E’tirof ruhlantiradi, qanoat baraka keltiradi, lekin raqobatga zarar bermaslik şarti bilan… 📹 Instagram 💬 Telegram 🔴 Facebook 🔥 Youtube @alisherQodir

Sulaymon Boqirğoniy Ahmad Yassaviy hazratlarini haqiqiy şogirdlari bölib, turkiy xalqlarni ahli salim, mömin-musulmonçilikda birligini ta’minlaşda juda ta’siri kuçli bölgan mutasavvif otamizdir. Bugungi kunda qoraqalpoğistonliklar Boqirğoniy hazratlarini Hakim ota deb e’zozlaydilar va ögitlariga jiddiy e’tibor qaratadilar, turbalari mukarram ziyoratgoh sifatida asrab avaylanadi. Nukus universiteti tarixşunos talabalari uşbu maskanda 11-asrga tegişli ekanligi ta’kidlanayotgan allomaning madrasasi bölgan inşootni aniqlaşgan. Imkoniyatsizlik va obidaning hududiga yangi qabrlar joylaşib ketgani uçun işlar töxtatilgan. Bu masalaga mas’ul bölgan Madaniy meros agentligi uçun sovet davri inşootlari va mozaikalarini himoya qiliş ustuvor maqsad bölib qolayotgani tuzatilişi kerak bölgan jiddiy xatodir! Jamiyatning bir qismi istaganiça bağrikeng yoki başariy bölişi mumkin, lekin milliy yuksaliş yölidagi davlatning birorta ham idorasi bunday böla olmaydi! Har qanday aloqalarda milliy manfaatlarimiz ustuvor bölganidek, madaniy merosning ham mafkuraviy mohiyatiga qarab ustuvorlik berilişi şart. Unutmang, biz sovet davri xotiralarini emas özligimizni tiklaş uçun kuraşyapmiz! 📹 Instagram 💬 Telegram 🔴 Facebook 🔥 Youtube @alisherQodir

Qoraqalpoğiston safaridan xulosalar. Davlat rahbarini Qoraqalpoğiston taşrifiga taklif etildik. 3 kun davomida mahalliy deputatlarimiz bilan Nukus, Çimboy, Kegeyli va Möynoq tumanlarida vatandoşlar bilan samimiy muloqot qildik va tahlillar olib bordik. Qoraqalpoğiston Yangi Özbekiston havosi bilan tölgan. Uç kun davomida qoraqalpoğistonlik bölib emin-erkin tumanlar kezdik, Hakim ota Sulaymon Boqirğoniy hazratlarini ziyorat qilib, haqlariga duo qildik, Möynoqning öz baliğidan juda mazali şörva içib, Nukusning bahavo tongida Döstlik daryosining qirğoqlari böylab 10 ming qadam rejamizni töldirdik… Közböyamaçilikka keskin qarşi inson sifatida diqqat bilan uni izladim, biroz bölsa-da jarayonga foydam tegsin istagida masalalarga har tomondan diqqat bilan qaraşga harakat qildim. Oçiq aytaman, Davlat rahbarini Qoraqalpoğistonning barça tumanlariga viloyatlar biriktirilişidan natija bölişiga işonmagandim. Davlat rahbari ötkazgan majlisda butun Özbekiston ota boşçiligida, akamniki-ukamniki demasdan, borini örtada, muammolarni navbati bilan yeçayotgan ahil oiladek harakat qilayotganini körib juda faxrlandim: Surxondaryo hokimi Taxiatoşdagi tarbiyasi oğir bolalarni özini bolasidek töğri yölga olişga kirişgani, Sirdaryo hokimini Qonliköldagi muammoni Prezident oldida kötarişga tortinib turgan tuman hokimiga dastakka otilib çiqişi, Toşkent şahar hokimini Nukusning muammolariga Toşkentnikidek jon kuydirayotgani, Andijon hokimi Kegeylidan Andijonga kelin tuşayotganidan öğliga kelin qilayotgan otadek xursand bölayotgani, umuman, viloyatlar iştirokida milliardlab içki sarmoyalar, minglab iş örinlari… har bir viloyat hokimi qilayotgan işlarida fidoiy, vatanparvar va samimiy manfaatdorligini körib bu buyuk taşabbusni haqiqiy mazmunini olqişladim, bir butun oila - Özbekiston ekanligimiz bilan ğururlandim! Içimizda özlikni qadrlaş va millatçilik orasidagi baland devorni nafaqat soçsiz, balki aqlsiz tönka boşlar bilan buzmoqçi bölayotgan yolğonçi-vatanparvarlar va ularni boşqarayotgan kaltabin rahnamolarini kasodi aniq, çunki ular turkiylarni heç qaçon millatçi bölmasligi, turkiylar millatparvarlik ğoyasida buyuk insonparvar otalari Navoiy, Yassaviy va Baqirğoniylarga suyanişlarini bilmaydilar. Mingyillik turkiy qadriyatni amalda körsatayotgan Özbekiston Prezidenti nafaqat qoraqalpoq eli qaddini kötargani, balki ozar, turk, qirğiz, qozoq qondoşlarga ham kerak vaqtda qardoş yelkasini tuta olgan buyuk turkiy Xoqonlardek tarixda uluğlanişiga şubha qilmayman. Qoraqalpoğistonda nafaqat turkiy dunyoga, balki insonlarni qondoş ekanligini unutib qöyayotgan  dunyoga  ham körsatiş kerak bölgan işlar bölyapti. 📹 Instagram 💬 Telegram 🔴 Facebook 🔥 Youtube @alisherQodir

Bolşevik bosqinçi general Şaydakov qöşinlari tarafidan yoş-u-keksa, ayol-erkak demay ommaviy qirğin qilingan ma’sum Çimboyliklarning ommaviy qabrini yaşiriş maqsadida bu yerni ikkinçi jahon uruşi qurbonlari xotira monumentiga aylantirgan sovet mafkura maşinasini tuşunaman, lekin bu yolğonni yaşaşiga matonat bilan köz yumayotgan Madaniy meros agentligini tuşunmayman. 📹 Instagram 💬 Telegram 🔴 Facebook 🔥 Youtube @alisherQodir

Без текста

Madaniy meros agentligi Oliy Majlis Qonunçilik Palatasida byudjet hisobotida xalq vakillarining örinli savollariga javob beriş örniga rasmiy munosabat beribdi. Partiya javob munosabati qilmaydi, albatta, lekin savollarimizga javob oliş uçun Parlament sörovi yoki eşituvi vakolatimizdan foydalanişga harakat qilib köramiz… Betakror madaniy meroslarimiz hisoblangan Sarmişsoy, Şohizinda, Mizdahqan qal’a böyiça tanqid va takliflarimizni e’tiborsiz qoldirgan agentlik rassomning millatidan merosning millatini yasab mavzuni millatlararo taranglikka boğlaşga intilişi juda ajablanarli. Takror e’tiboringizni qarataman: 1) Nega Sarmişsoydek noyob merosga milliardlab pul işlatilgan, lekin gektarlab oçiq muzey qarovsiz va taşlandiq? 2) Nega Şohizinda oğyapti, yonidan ötgan avtoyöl unga jiddiy zarar beryapti, ta’mirlaşga pul yöq, heç kim hokimiyatni sudga bermayapti? 3) Nega Buxoroda eng qadimiy Qur’on nusxasi arkning talabga javob bermas omboriga taşlab qöyilgan? 4) Nega Dovon davlatidek noyob merosimiz ostida joylaşgan yerlar dehqonçilikka berib yuborildi? U yerda qazilma işlari olib boriş kerak emasmidi? U yerni tagida buyuk davlatçiligimiz bilan boğliq, hatto Xitoyda rasman maktablarida öqitiladigan şonli merosimiz borku? Nega agentlik Hokimiyat bilan sudlaşmayapti? Nega agentlik sovet davridagi merosga qilayotgan mehribonçiligini ming yillik milliy madaniyatimiz va merosimizga nisbatan qilmayapti? Önlab savollar bor, ötgan yildan beri javob olişga harakat qilyapmiz. Biz örnini töldirib bölmaydigan madaniy merosimiz bir çekkada qolib ketib, bir rus rassomi, özbek adabiyotşunosi, ukrain arxitektori yoki biron boşqa qadrli ekanligiga şubxamiz bölmagan vatandoşimizni, kim bölişidan qat’iy nazar kvartirasini asraşga köproq e’tibor qaratilayotganiga e’tiroz bildiryapmiz. Yoki ayrim meroslarni asraş manfaatliroqmi? Mutaxassis emasmiz, balki xato öylayotgandirmiz? Nega Parlamentda hisobot beriş uçun Hukumat keladi-yu Agentlik jöyali javoblar berolmasdan tarmoqlardan turib munosabat bildiradi? Davlat rahbarini gapini şior qilib yozib oling, “Deputatga munosabat - xalqqa munosabatdir”. Xalqqa esa uning qadriyatlari va ming yillik merosini asraş uçun berayotgan pullarini qanday işlatilayotgani haqida hisobot kerak, provokatsion munosabatlaringiz emas. Bu deputat sifatida mening fikrim, partiya raisi sifatida Agentlik hisobotidan keyin Parlamentda söz olaman. 📹 Instagram 💬 Telegram 🔴 Facebook 🔥 Youtube @alisherQodir