Times.uz

❗️Олий суд тақиқланган интернет манбалари ва материалларнинг янгиланган рўйхатини эълон қилди. Уларни сақлаш, тарқатиш ва намойиш этиш тақиқланади. @times_officialuz

⚡️1 ноябрь. Бугундан ўзбекистонликлар ҳаётида нималар ўзгаради? 1. Ноябрдан ойига 500 кубгача газнинг ҳар куби 1 100 сўмдан ҳисобланади. Шу пайтгача бу нарх фақат 100 кубгача амал қилган. Ойига 500 куб газ ишлатсангиз, энди 910 минг сўм ўрнига 550 минг сўм тўлайсиз. Қорақалпоғистон ва Хоразмда қишки меъёр октябрдан жорий этилган. 2. Ноябрда эҳтиёжманд оилаларга 1 млн сўмдан бир марталик ёрдам берилади. 3. Чорраҳагача 50 метр, қайрилиш жойигача 20 метрда 1.1 ва 1.3 чизиқларини босганлик учун ЙПХ баённома тузмайди. Қарама-қарши оқимларни ажратувчи чизиқлар бундан мустасно. 4. Камар тақмаган ҳайдовчиларни хусусий камера ва радарлар ҳам қайд этади. 5. Тошкентда автобус йўлакларига ноқонуний кирган ва машина қўйганларга қарши назорат кучаяди. 6. Ёзма ёки электрон розилигингизсиз реклама SMS’ларини юбориш тақиқланади. 7. Соат 18:00 дан 09:00 гача реклама қўнғироқлари ва хабарларини юбориш тақиқланади. 8. Оператордан ўзи юбораётган рекламаларни тўлиқ ёки қисман блоклашни талаб қилиш мумкин. 9. Қисқартириш ёки корхона ёпилиши туфайли ишсиз деб топилган, шартларга мос фуқароларга пенсия икки йил олдин автоматик тайинланади. 10. Имтиёзли пенсия, уни қайта ҳисоблаш ёки турини ўзгартириш учун ДХМ ёки my.gov.uz орқали мурожаат қилиш мумкин. 11. Пенсионерларга банк картасини очишда Face ID орқали шахсни тасдиқлаш жорий этилади. 12. Кредит рекламасининг камида 10%ида қарзни тўлай олмаслик хавфи ҳақида огоҳлантириш бўлади. 13. Кредит шартномасининг биринчи саҳифасида камида 30% жой молиявий хавфлар ҳақидаги огоҳлантиришга ажратилади. 14. Халқаро курьерлик жўнатмаларини божхонада расмийлаштириш йиғими 20%га камаяди. 15. Автоматлаштирилган тизимга уланган, масофадан бошқарилувчи ҳисоблагичли тадбиркорлар электр ва газ учун 15% олдиндан тўлайди. 16. Мазкур тадбиркорлар электр ва газ сарфи бўйича ёзма ҳисобот топширмайди. 17. Электр ва газ таъминоти бўйича янги шартномалар электрон шаклда тузилади. 18. “Яшил” иситиш ускуналаридан фойдаланувчи иссиқхоналарнинг октябрь–мартдаги электр харажатининг 50%и қопланади. 19. “LPG-Trade” аҳолига суюлтирилган газни биржадан харид қилиб етказади. 20. ЙПХ жамоат жойида спиртли ичимлик ичиш ва белгиланмаган жойга чиқинди ташлаш учун ҳам жарима солиши мумкин. 21. ППХ ва қўриқлаш хизмати ходимлари ҳам тирбандликларни бартараф этишда қатнашади. 22. “112”га қўнғироқ қилиб, уйингиздаги жиноят ёки ҳодиса ҳақида хабар берсангиз, ППХ ёки қўриқлаш хизмати ходимлари ҳам ёрдамга келади. 23. Оммавий тадбирда тартибни бузганларнинг кейинги тадбирларга кириши вақтинча чекланади. 24. Туну кун ишлайдиган гастрономик кўчаларда тартибни ППХ ҳокимлик билан шартнома асосида сақлайди. 25. Реестрдан ўтмаган мастер-режалар асосида қурилиш ва инвестиция лойиҳаларини амалга ошириш тақиқланади. 26. Ташкилотлар ва нодавлат архивлар ҳужжатлар ҳақидаги маълумотларни давлат архивларига онлайн юборади. 27. 8 ноябрдан риелторлик бўйича янги қонун кучга киради. Риелторларга малака сертификати ва ягона реестрга кириш талаб этилади. 28. 15 ноябрдан тиббий касбий таълимни аккредитация қилувчи Узлуксиз касбий ривожланиш маркази ташкил этилади. 29. Кўчат экиш Қорақалпоғистон ва Хоразмда 1 ноябрдан, Бухоро ва Навоийда 5 ноябрдан, Тошкент ва бошқа қатор ҳудудларда 10 ноябрдан, Қашқадарё ва Сурхондарёда 20 ноябрдан бошланади. 30. Тошкентда иситиш ва иссиқ сув қимматлашиши мумкин. Лойиҳага кўра, ҳисоблагичли иссиқ сувнинг 1 куби 8 929 сўмдан 11 607 сўмга ошади. @times_officialuz

Айни пайтда Тошкентда ёмғир ёғмоқда. @times_officialuz

🇺🇿🇹🇷Бугун Шавкат Мирзиёев Анқарага боради. Президентимиз 29–30 октябрь кунлари Туркияда ўтадиган Туркий давлатлар ташкилотининг 13-саммитида иштирок этади. @times_officialuz

❗️🇺🇿🇺🇸Ўзбекистонлик мигрант Оқ уйнинг “энг ашаддий жиноятчилар” рўйхатидан жой олди. АҚШда қўлга олинган Сардор Тиркашев зўравонлик ва талончилик учун судлангани айтилмоқда. @times_officialuz