Posts of Spot.uz – biznes va texnologiyalar

O‘zbekiston iqtisodiyoti 2029-yilgacha qanday rivojlanadi? Markaziy bank 2027-yil va 2028–2029-yillarga mo‘ljallangan pul-kredit siyosatining asosiy yo‘nalishlari konseptual loyihasini tasdiqladi. Unga ko‘ra, regulyator inflyatsiyani 2027-yilning ikkinchi yarmida 5% gacha tushirish va keyingi yillarda shu darajada saqlashni maqsad qilgan. 2026–2027-yillarda qat’iy pul-kredit sharoitlari davom ettiriladi. Asosiy ssenariy bo‘yicha iqtisodiy o‘sish 2027-yilda 7–7,5%, 2028–2029-yillarda esa 6,5–7,5% bo‘lishi kutilmoqda: https://www.spot.uz/oz/2026/11/04/monetary-policy/ Telegram | Instagram | YouTube

Dollar kursi ko‘tarildi — 11 935,37 so‘m O‘zbekiston Markaziy banki 5-noyabr kuni uchun valyutalarning yangilangan qiymatini e’lon qildi. Valyutalar kursining o‘zgarish dinamikasini saytimiz orqali kuzatib borishingiz mumkin. Telegram | Instagram | YouTube

Toshkent aeroportida 310 mln so‘mlik 20 ta iPhone’ni noqonuniy olib kirishga urinish fosh etildi Bojxona qo‘mitasi ayrim yo‘lovchilar deklaratsiyada telefonlarning haqiqiy IMEI-kodlari o‘rniga boshqa qurilmalarga tegishli kodlarni ko‘rsatganini aniqladi. Buning uchun smartfonlarning dasturiy ta’minoti qayta yuklangan. Holat yuzasidan bojxona tekshiruvlari davom etmoqda: https://www.spot.uz/oz/2026/11/04/illegal-iphones/ Telegram | Instagram | YouTube

Samarqand va Buxoro o‘rtasida safar vaqtini 1,5 soatgacha qisqartiradigan pulli yo‘l quriladi Pulli avtomobil yo‘lini sement-beton qoplamali qilib qurish rejalashtirilmoqda. U ikki shahar o‘rtasidagi qatnov vaqtini hozirgi 5 soatdan 1,5 soatgacha qisqartirishi kutilmoqda. Shuningdek, shu yo‘nalishda tezyurar poyezdlar uchun yangi temir yo‘l liniyasi qurish ham rejalashtirilgan. Prezident mas’ullarga avtomobil va temir yo‘l loyihalarining master-rejalarini yakunlash va hamkorlar bilan muzokaralarni boshlashni topshirdi. Shuningdek, Buxoroda $300 mlnlik yangi aeroport qurilmoqda. U bir vaqtning o‘zida 20 ta samolyot va 1200 nafar yo‘lovchiga xizmat ko‘rsatadi. Kelasi yil M-37 yo‘lining viloyat hududidagi 69 km qismini yangilash ishlari boshlanadi. Qiymati $200 mln bo‘lgan bu loyiha doirasida Buxoro atrofida aylanma yo‘l ham quriladi: https://www.spot.uz/oz/2026/11/04/samarkand-bukhara/ Telegram | Instagram | YouTube

“Zapravka”larda maishiy gaz ballonlarini to‘ldirganlik uchun jarima joriy etildi Ma’muriy javobgarlik to‘g‘risidagi kodeksga yong‘in xavfsizligi talablarini buzganlik uchun yangi jarimalar kiritildi. Endi avtomobilga gaz quyish shoxobchalarida suyultirilgan gazni maishiy gaz ballonlariga quyib bergan shaxs BHMning 3 baravaridan 5 baravarigacha (1,32–2,2 mln so‘m) jarimaga tortiladi. Mansabdor shaxs qurilishga ruxsat berish jarayonida vakolatli organlar ishiga noqonuniy aralashsa, unga 44–66 mln so‘m jarima yoki 15 sutkagacha ma’muriy qamoq jazosi qo‘llanadi. Shuningdek, bozor va savdo markazlari yong‘indan majburiy sug‘urta qilinmagan bo‘lsa, ularning mansabdor shaxslariga 22–33 mln so‘m jarima solinadi: https://www.spot.uz/oz/2026/11/04/gas-penalty/ Telegram | Instagram | YouTube

Asosiy stavkani 13,5% gacha tushirish masalasi ham ko‘rib chiqilgan — Markaziy bank Markaziy bank boshqaruvi 4-noyabrdagi yig‘ilishida asosiy stavkani 14% darajasida saqlab qoldi, biroq uni 13,5% gacha pasaytirish imkoniyatini ham ko‘rib chiqdi. Regulyator tariflar oshishining inflyatsiyaga ta’sirini qisqa muddatli va nisbatan past deb baholamoqda. Shu sababli asosiy stavkani oshirish muhokama qilinmagan. Markaziy bank raisi o‘rinbosari Nodirbek Achilovning aytishicha, inflyatsion kutilmalar, bazaviy inflyatsiya va valyuta bozoridagi ijobiy tendensiyalar kuchaysa, keyingi yig‘ilishlarda asosiy stavkani pasaytirish masalasi ko‘rib chiqilishi mumkin: https://www.spot.uz/oz/2026/11/04/base-rate-reduction/ Telegram | Instagram | YouTube

Buxoroda 270 ming aholining daromadi o‘rtachadan past — Mirziyoyev Viloyat iqtisodiyoti bu yil ilk bor 100 trln so‘mdan oshishi, o‘sish esa 10,1% ni tashkil etishi kutilmoqda. Biroq hudud iqtisodiyotining 43% i tabiiy resurslar sanoati va qishloq xo‘jaligiga to‘g‘ri kelmoqda. Prezident iqtisodiyotni diversifikatsiya qilish va sanoatda chuqur qayta ishlashni rivojlantirishni topshirdi. Viloyatda 99 ming kishi xorijda vaqtincha ishlaydo, 24 ming nafar qaytgan migrant esa hali ish topmagan. Yana 270 ming aholining daromadi o‘rtacha ko‘rsatkichdan past. Shavkat Mirziyoyev “kambag‘al oila qolmadi” degan hisobot endi o‘tmasligini aytib, ushbu aholi daromadlarini oshirish bo‘yicha rejalar ishlab chiqishni topshirdi: https://www.spot.uz/oz/2026/11/04/bukhara-employment/ Telegram | Instagram | YouTube

Buxoro NQIZ AI-92 va AI-95 benzini ishlab chiqarishni oshirish uchun $328 mlnga modernizatsiya qilinadi Modernizatsiya qilish loyihasi naftani gidrotozalash va izomerizatsiya qilish uskunalarini o‘rnatishni nazarda tutadi. Bu AI-92 va AI-95 markali, Yevro-5 ekologik standartiga mos benzin ishlab chiqarishni oshirish imkonini beradi. Shuningdek, xomashyoni fraksiyalarga ajratish va og‘ir qoldiqlarni chuqur qayta ishlash jarayonlarini takomillashtirish rejalashtirilgan. Natijada zavodning xomashyoni qayta ishlash quvvati yiliga 2,5 mln tonnaga oshib, 5 mln tonnaga yetadi: https://www.spot.uz/oz/2026/11/04/oil-refinery/ Telegram | Instagram | YouTube

Markaziy bank asosiy stavkani 14% darajasida saqlab qoldi. Inflyatsiya prognozi 7% gacha oshirildi Regulyator ichki talabning yuqoriligi va tashqi iqtisodiy xatarlar sabab qat’iy pul-kredit siyosatini davom ettirishga qaror qildi. Markaziy bank 2026-yil yakunida inflyatsiya 7% atrofida, iqtisodiy o‘sish esa 8% darajasida bo‘lishini kutmoqda. 2027-yil oxirigacha inflyatsiyani 5% lik maqsadli ko‘rsatkichgacha tushirish prognoz qilinmoqda: https://www.spot.uz/oz/2026/11/04/base-rate/ Telegram | Instagram | YouTube

❗️ Asosiy stavka yillik 14% darajasida o‘zgarishsiz qoldirildi Tegishli qaror Markaziy bank boshqaruvining 4-noyabrdagi yig‘ilishida qabul qilindi. U 2025-yil mart oyidan beri o‘zgarishsiz qolmoqda. Telegram | Instagram | YouTube

Tekhnochem yiliga 180 ming tonna neft mahsulotlarini eksport qilishni rejalashtirmoqda Prezident Buxorodagi Tekhnochem korxonasiga tashrif buyurib, qiymati $292 mln bo‘lgan kengaytirish rejalari bilan tanishdi. Loyiha doirasida erituvchilar ishlab chiqarish, gaz kondensati va naftani qayta ishlash yo‘lga qo‘yiladi. Uni 2028-yil oxirigacha amalga oshirish rejalashtirilgan. Natijada xomashyoni qayta ishlash quvvatlari yiliga 400 ming tonnaga kengayadi. Klaster neft-kimyo mahsulotlari, benzin va dizel yoqilg‘isini qo‘shni mamlakatlar hamda Yevropa Ittifoqiga eksport qilishni yo‘lga qo‘yadi. Shuningdek, 150 ming tonna suyultirilgan gazni qayta ishlash loyihasi bo‘yicha xorijiy hamkorlar bilan muzokaralar olib borilmoqda. https://www.spot.uz/oz/2026/11/04/tekhnochem/ Telegram | Instagram | YouTube

🌐🌐🌐 “Uzluksiz o‘rganish — bu har qanday sohada muvaffaqiyat qozonishning minimal talabidir” Denis Ueytli, notiq, yozuvchi va maslahatchi. Telegram | Instagram | YouTube

🌐 BlackRock’dan IFC’gacha: Sevara Kamolova xalqaro moliya sohasida karyerasini qanday qurdi? U AQShning Rochester universiteti Simon biznes maktabida MBA dasturida tahsil olgan. Bungacha Vengriyadagi Markaziy Yevropa universitetida moliya yo‘nalishi bo‘yicha magistrlik darajasini qo‘lga kiritgan. Sevara Budapesht va Londondagi BlackRock ofislarida qariyb uch yil ishlagan, keyinchalik Jahon banki guruhiga kiruvchi Xalqaro moliya korporatsiyasining Vashingtondagi bosh qarorgohida amaliyot o‘tagan. Hozirda Nyu-Yorkdagi Orange Cyan Consulting kompaniyasida biznes tahlili mutaxassisi sifatida faoliyat yuritmoqda. U Spot’ga xorijda ta’lim olish yo‘lidagi tajribalari, xalqaro moliya tashkilotlari va yirik kompaniyalardagi faoliyati hamda AQShda MBA olish imkoniyatlari borasida so‘zlab berdi: https://www.spot.uz/oz/2026/11/02/sevara-kamolova/ Telegram | Instagram | YouTube

O‘zbekistonda $5 mln mukofot jamg‘armasiga ega xalqaro startaplar tanlovi o‘tkaziladi 2027-yil aprelidan boshlab har yili beshta yo‘nalishda Startaplar makoni” tanlovi tashkil etiladi. Umumiy 25 ta jamoa g‘olib deb topilib, ularning har biriga $200 minggacha investitsiya ajratiladi. Tanlov SI, ijtimoiy va moliyaviy texnologiyalar, kreativ industriya hamda B2B va sanoat yechimlarini qamrab oladi: https://www.spot.uz/oz/2026/11/03/startups/ Telegram | Instagram | YouTube

Mirziyoyev Buxoroda umumiy qiymati $7,8 mlrd lik 145 ta loyihaga start berdi Ulardan $654 mlnlik 55 ta loyiha ishga tushirilmoqda, $7,1 mlrdlik 90 tasining esa qurilishi boshlanmoqda. Loyihalar sanoat, energetika, to‘qimachilik, qurilish, logistika va turizm sohalarini qamrab oladi. Ular natijasida 14 mingdan ortiq ish o‘rni yaratish, yiliga 22 trln so‘mlik mahsulot ishlab chiqarish va $510 mlnlik eksport imkoniyatini shakllantirish kutilmoqda. Shuningdek, viloyatda $3 mlrdlik 19 ta yirik turizm loyihasi, ichimlik suvi ta’minotini yaxshilash va tranzit salohiyatini oshirishga qaratilgan loyihalar amalga oshiriladi: https://www.spot.uz/oz/2026/11/03/bukhara-construction/ Telegram | Instagram | YouTube

💸 Dollar kursi yana pasaydi — 11 911,71 so‘m O‘zbekiston Markaziy banki 4-noyabr kuni uchun valyutalarning yangilangan qiymatini e’lon qildi. Valyutalar kursining o‘zgarish dinamikasini saytimiz orqali kuzatib borishingiz mumkin. Telegram | Instagram | YouTube

ROX Group Toshkent, Buxoro va Samarqandda 115 ming kishilik turar joy massivlarini quradi Shavkat Mirziyoyev Buxoro viloyatiga tashrifi davomida Vyetnamning ROX Group kompaniyasi O‘zbekistonda amalga oshirishni rejalashtirgan loyihalar taqdimoti bilan tanishdi. Kompaniya Buxoroda ikkita, Toshkentning Uchtepa tumani va Samarqandda bittadan, jami to‘rtta shaharsozlik loyihasini amalga oshirishni rejalashtirmoqda. Loyihalar jami 115 ming nafar aholiga mo‘ljallangan bo‘lib, umumiy maydoni 285 gektarni, investitsiya hajmi esa $4,5 mlrd ni tashkil etadi. Buxoro tumanidagi 65 gektar va Buxoro shahridagi 25 gektar maydonda turar joy massivlari qurilishi boshlangan: https://www.spot.uz/oz/2026/11/03/rox-group/ Telegram | Instagram | YouTube

O‘zbekiston to‘qqiz oyda gaz, avtomobillar, benzin va g‘alla importini oshirdi To‘qqiz oyda tashqi savdo aylanmasi $65,4 mlrd ni tashkil etdi. Bu o‘tgan yilning shu davriga nisbatan 6,3% ko‘p. Eksport 5,5% ga kamayib, $25,8 mlrdni tashkil etgan bo‘lsa, import 15,7% ga oshib, $39,6 mlrd ga yetdi. Eksportda sanoat tovarlari ($3,8 mlrd), tayyor mahsulotlar ($2,62 mlrd), kimyo mahsulotlari ($2,03 mlrd) va oziq-ovqat mahsulotlari ($1,98 mlrd) yetakchilik qilmoqda. Importda esa mashinasozlik mahsulotlari ($12,85 mlrd), sanoat tovarlari ($5,75 mlrd) va kimyo sanoati mahsulotlari ($4,77 mlrd) asosiy o‘rinni egallagan. Benzin importiga sarflangan mablag‘ uchdan birga, gaz importiga 1,5 baravar, propan importiga esa qariyb to‘rt baravar oshdi: https://www.spot.uz/oz/2026/11/02/impex-sep26/ Telegram | Instagram | YouTube

No text

No text

No text

Buxoroda 50 gektar maydonda $105 mln evaziga yangi turizm markazi qurilmoqda Shavkat Mirziyoyev Buxoro shahrida qurilayotgan turizm markazidagi ishlar bilan tanishdi. 50 gektar maydonda barpo etilayotgan majmuaga jami $105 mln investitsiya yo‘naltirish rejalashtirilgan. Bu yerda qabullar uyi, ko‘rgazmalar zali, muzey, ikkita mehmonxona, 80 ta oilaviy mehmon uyi, 2000 o‘rinli amfiteatr hamda 70 dan ortiq savdo va xizmat ko‘rsatish shoxobchasi quriladi. Majmua to‘liq ishga tushgach, 2 mingta ish o‘rni yaratilishi va Buxoroga qo‘shimcha 2 mln dan ortiq sayyoh jalb etilishi kutilmoqda: https://www.spot.uz/oz/2026/11/03/bukhara-tourist-center/ Telegram | Instagram | YouTube

Toshkent aeroportining yonilg‘i quyish majmuasini sotib olishga 5 ta investor qiziqish bildirdi 23-oktabr kuni aeroportning havo kemalariga xizmat ko‘rsatish uchun mo‘ljallangan yonilg‘i quyish majmuasini xususiylashtirish jarayonining dastlabki bosqichi yakunlandi. Davlat aktivlarini boshqarish agentligi investorlarning moliyaviy imkoniyatlari, qonunchilik talablariga rioya qilishi va xalqaro sanksiyalar ro‘yxatida yo‘qligi tekshirilganini bildirdi. Talablarga javob berganlar keyingi bosqichda majburiyatga ega takliflarini taqdim etishga taklif qilinadi: https://www.spot.uz/oz/2026/11/03/plane-fuel-investors/ Telegram | Instagram | YouTube

Alisher Usmonov Yevropa Ittifoqiga qarshi Germaniya sudida g‘alabaga erishdi — Die Welt Milliarderning 2023-yilda berilgan da’vo arizasi Gamburg sudi raisi tomonidan Germaniya TIV e’tirozlari sabab yuborilmagan. Federal Oliy sud Usmonovning da’vosini YI Kengashiga yuborishga to‘sqinlik qilinganini noqonuniy deb topdi. Qaror tadbirkorning sud orqali o‘z huquqlarini himoya qilish imkoniyatini tikladi, biroq unga nisbatan sanksiyalarni noqonuniy deb topmadi: https://www.spot.uz/oz/2026/11/03/alisher-usmonov/ Telegram | Instagram | YouTube

Xorijiy bigtex O‘zbekistonda to‘qqiz oyda qariyb $20 mln soliq to‘ladi Xorijiy elektron xizmat ko‘rsatuvchi provayderlardan jami soliq tushumlari 232,8 mlrd so‘mni tashkil etdi, bu o‘tgan yilga nisbatan 86,5% ga ko‘p. Ko‘rsatilgan xizmatlar qiymati 85,2% ga oshib, 1,94 trln so‘mni tashga yetdi. Eng yirik uchta soliq to‘lovchi qatoriga Apple, Google va Meta kirdi. Ular jami soliq to‘lovlarining qariyb uchdan ikki qismini ta’minladi. Uchinchi chorakda soliq tushumlari keskin oshgani hisobiga Anthropic OpenAI’dan o‘zib ketdi, TikTok esa reytingda bir pog‘ona yuqoriladi: https://www.spot.uz/oz/2026/11/02/big-tech-taxes/ Telegram | Instagram | YouTube

O‘zbekistonda plastik va shisha butilkalar uchun majburiy depozit olish taklif qilindi Ekologiya qo‘mitasi raisi o‘rinbosari Iskandar Qutbiddinov plastik va shisha ichimlik butilkalari, shuningdek, alyuminiy bankalar uchun majburiy depozit tizimini joriy etish zarurligini bildirdi. Uning qayd etishicha, amalda ixtiyoriy tartib mavjud emas, bu kabi chiqindilarni qayta ishlash darajasi esa 6,2% ni tashkil etmoqda. “Tizim iste’molchiga qadoqni topshirganda, depozit pulini qaytarish orqali uni chiqindilarni alohida yig‘ishga rag‘batlantiradi. Qayta ishlash uchun xomashyo to‘planishini ko‘paytiradi va atrof-muhit ifloslanishini kamaytirishga xizmat qiladi”, — dedi u. Qutbiddinov ishlab chiqaruvchilar va savdo tashkilotlariga zarur infratuzilmani yaratish uchun bosqichma-bosqich o‘tish muddati berilishi lozimligini ta’kidladi: https://www.spot.uz/oz/2026/11/03/mandatory-deposit/ Telegram | Instagram | YouTube

O‘zbekistonda kuzatilmaydigan iqtisodiyotning YIMdagi ulushi 22% dan pasaydi 2026-yilning yanvar-sentabr oylarida O‘zbekistonda kuzatilmaydigan iqtisodiyotning YIMdagi ulushi 21,8% ni tashkil etdi. Bu o‘tgan yilning mos davridagi 23,9% va joriy yilning birinchi yarimidagi 22,9% ko‘rsatkichdan kam. Kuzatilmaydigan iqtisodiyotning yalpi qo‘shilgan qiymati 382,7 trln so‘mga yetdi. Uning eng katta qismi qishloq, o‘rmon va baliqchilik xo‘jaligiga (57,6%), xizmatlar sohasiga (23,8%), qurilishga (8,3%) va sanoatga (4,9%) to‘g‘ri keldi: https://www.spot.uz/oz/2026/11/02/shadow-economy/ Telegram | Instagram | YouTube

🌐🌐🌐 “Startap — bu kengaytiriladigan, foydali biznes modelini qidiradigan vaqtinchalik tuzilma” Stiv Blank, tadbirkor, startaper. Telegram | Instagram | YouTube

O‘zbekiston yalpi ichki mahsuloti 8,3% ga o‘sib, 1,75 kvadrillion so‘mdan oshdi 2026-yilning yanvar-sentabr oylarida mamlakat yalpi ichki mahsuloti 1,75 kvadrillion so‘mni tashkil etib, real hisobda 8,3% ga o‘sdi. Bu kamida 2022-yildan buyon eng yuqori ko‘rsatkichdir. O‘tgan yilning mos davrida iqtisodiy o‘sish 8% bo‘lgan. O‘sishga sanoat, savdo va xizmatlar eng katta hissa qo‘shdi. Qurilish sohasi 12,5%, xizmatlar 8,9%, sanoat 8,1% ga o‘sdi. Shuningdek, aholi jon boshiga YIM real hisobda 6,4% ga oshib, 44,69 mln so‘mga yetdi: https://www.spot.uz/oz/2026/11/02/economic-growth/ Telegram | Instagram | YouTube

Uskuna, biznes reja va kredit bir joyda — “Agrobank” yangi markazlar ochdi Bank Jizzax va Sirdaryo viloyatlarida ishlab chiqarish uskunalari markazlarini ochdi. Bu yerda tadbirkorlar uskunalarni ko‘rib, sinab tanlashi, biznes reja tayyorlash, moliyalashtirish va uskunani ishga tushirish bo‘yicha xizmatlardan foydalanishi mumkin (reklama). https://www.spot.uz/oz/2026/11/02/agrobank/