Posts of Nodırxöja Yöldoşev

Таркиб, таркиб, таркиб!

Симеоне, Конте, Моуриньо, Клопп ва Гаттузо. Бу мураббийларни кўрганимизда, «Мана, мураббий қандай бўлиши керак!» деймиз. Уларнинг эмоциялари ТВ кадрларни безайди. Саркисяндан кейин анча йил бўлди зерикиб қолганимизга. 90-йиллардаги мураббийлар футболчининг бошига бутси билан урган пайтлар ҳам бўлган. Ўзбекистонда ҳам. Кеча футболчи ҳам, мураббий ҳам пульсини 200 га чиқариб бўлганди. U-17ни бу ерга қўшмаймиз. Унинг кечаги воқеага алоқаси йўқ. Шунчаки, Суперлигамиз одоб-ахлоқ дарсига айланиб қолгани учун, мураббийларнинг ҳиссиётларини фақат хориж чемпионатларида кўрамиз. Кападзе бир марта ҳис-туйғуларини намоён қилганди, учта ўйин трибунада ўтирди. Чунки бизда кимгадир нимадир демоқчи бўлсангиз, биринчи синф ўқувчисидек қўл кўтаришингиз керак. Абрамовни ҳам гапирмайдиган қилиб қўйдик. Футболимизда ҳис-туйғулар аллақачон йўқолиб бўлди. Шунинг учун юқоридаги каби бир-иккита вазиятни кўрсак, «Эмоциясини жиловлай олмаяпти», деган гап-сўзларни қиламиз. Бу футбол. Унинг жозибаси фақат пас ва голдан иборат эмас. Мураббий ўша лаҳзада телевизор ёки мухлислар олдида публикага ўйнади, деб айта олмайман. Бетараф мухлис учун бу оддий ҳолат бўлиши мумкин. Аммо ОЧЛдаги уч очконинг қиймати жуда баланд. Битта ўйин ортида қанча меҳнат, ташкилий ишлар, машғулотлар ва бошқа жараёнлар бор. Қуръа ташланган кундан то ўйингача жуда катта иш қилинади. Одиловга келадиган бўлсак, бу вазиятда у ўзини мураббийни Сайфиев, Искандеров ёки Алибоев каби катта ўйинчиларга тенгдош деб ўйлаб юборган кўринади. Футболчи ҳар қандай ҳолатда ҳам жамоа бош мураббийига бундай «жест» қилмаслиги керак эди. Фэйр-плей масаласига келсак, бу ерда ўйиннинг сўнгги дақиқалари, бир киши кам бўлиб қолган жамоа ва контактсиз ҳолатда судралиб, оёғини кўтариб олган футболчи бор. Унинг олдида ҳеч ким тўхтамайди. Ҳеч ким! Балки қанот ҳаками байроқни кўтарар, рақиблар тўхтар, деган хаёлга борилгандир. Агар 2027 йилда Суперлигамизда ҳакамлик даражаси ОЧЛдагидек бўлса, бўлар-бўлмасга хуштак чалинавермаса, ортиқча вақт чўзишларга йўл қўйилмаса, ВАРни хаёлан четга суриб, ўйин табиий тарзда бошқарилса, клубларимиз ОЧЛда ҳам бирдек ўйнай олади. Масалан, «Пахтакор»нинг голларидан бирида Бобур Каримов йиқитилди. У тўхтаб қолди, чунки бундай оддий контакт бизда жарима зарбаси билан якунланади. ОЧЛ ва халқаро майдонда эса футбол ўйналади. Футболнинг жозибаси ҳам шунда. Унда кураш, эмоция, характер ва ҳиссиёт бўлиши керак. Ҳамма нарсани ҳуштак билан тўхтатавериш орқали футболни футболлигича қолдирмаймиз. Бу йилги ОЧЛ футболимизга кўзгу тутди. Яхши ҳам Осиё Кубоги қолдирилди. @Nadirkhuja

Ўзбекистонда мураббий қалашиб ётмаяпти. Фалсафаси бор, IQ баланд. Левченкони “Нефтчи”си билан ҳозиргини ўртасидаги ўйин савияси ер билан осмон. Сал кам Ўзбекистон чемпиони. Яна нима керак? Шу салоҳият билан ОЧЛни ютсинми? Санъат тўғри ёзди, ҳакамлар устун бўлаётган чемпионатдан ОЧЛ да нима кутиш мумкин? “Пахтакор”, “Нефтчи”, “Насаф” бу чемпионат вакили сифатида, ҳеч бир одам олдида, ҳеч нима қарз эмас ОЧЛ бўйича.

“Нефтчи” ахмоқ бўлади шу мураббийни қўйиб юборса! Бошқа гап йўқ.

Григорий Колосовский декабрда “Пахтакор” га қайтишини айтибди. Аёллар жамоаси ёпилганидан хабари йўқ шекили.

Осиё Кубоги қолдирилди! Худо хоҳласа тинчлик омонлик бўлса, 2027 йил декабрида бошланади. Жамоалар илк маротаба сўнгги йилларни қўшганда январь ойида тўлиқ таркиб билан шуғулланадилар. Каннаваро янада кўп ёшларни тайёрлаб олади. Шунга юртимизни тинчликда ушлаб турган давлатимиз раҳбари ва қўмондонларимиз соғ бўлишсин. Қўшниларимиз ҳам тинч бўлишсин. @Nadirkhuja 👏 Омин

“Нефтчи” ва Перица бўйича ўйиндан аввал адашмаган эдим. https://www.instagram.com/reel/DfOZg3JBUDd/?xtok=MmJiYzIzcmU5a2Vu @Nadirkhuja

Бугунги 8 та голдан бирини Роналду урганда ҳам менимча ҳеч кимга алам қилмаган бўларди.

Кўпчилик кутганидек одамлар чипталарни қайтармади. Демак яхши футболни соғинганлар кўп экан. Роналду эффекти билан сотилган чипта эгалари, у келмасада стадионга келишда давом этяптилар. Стадионда айни пайтда 17.000 нафар атрофида мухлис бор. Стадион 34.000 кишига мўлжалланган.

Футболчини оёғи кўтарилган треакториядан келиб чиқса тўп майдонни тарк этган кўринади. Чунки тўп оёқни ўнг томонида.

Орифни Мессига ўхшатаман. Мессининг ўсишида Роналдиньо (Х. Ҳамидов) ва Пуйолнинг (Д. Файзиев) ҳиссаси катта бўлган. Месси йилдан-йилга ўсди. — Миржалол аканинг ўзи тушиб, тепиб берармикин? ("Локомотив" - ОКМК шарҳидан) Месси майдонда ривожланган бўлса, Ориф шарҳ хонасида йилдан-йилга шундай катта шахсга айланди. @Nadirkhuja

Шу блогер акага савол. Нега ўшанда халқни огоҳлантирмадингиз?

Яна оғриқли мавзу. Авваллари ҳакамлар ўйнагани берарди, майдон эгаси ҳакам бўлиши керак эмас. 70% ҳакам буйруқ бажаради виждонга қулоқ тутмайди. Ҳожибой Тожибой бўлганида уларга қандай дори берган бўларди? @fm90minutuz

Iticket базаси маълумотларига кўра “Пахтакор” - “Ал Насср” баҳсига 65 та давлатдан чипта сотиб олинган. Бугун эрта аэрапорт ҳам тўладими дейман. Роналду келмаслиги аниқ бўлган бўлсада, қолган чипталар ҳам деярли тугаб бўлибди. Сўнгги маротаба Марказий стадион “Пахтакор” - “Ал Садд” ўйинида тўлиб тошганди. @Nadirkhuja

⚽️ Роналдунинг "Ал Насср"и Тошкентда меҳмон, "Нефтчи" "Трактор"га қарши | Даврон Ҳошимов билан Элит ОЧЛ таҳлили 📺 Эфирни томоша қилинг: https://youtu.be/cWZcNZ0nfBE @fm90minutuz

Агар Эрондан тепа бўлганимизда КАФАда бирмиз дердик. Афсус Эрон тепада бўлиб қолди. Марказий Осиё биз ўзимизни тенглаштириб PR қиладиган “зона” эмас. Қирғиз Республикаси деярли ҳеч нимасиз 52 ўрин, биз шунча кўп иш қилиб 42 ўрин. 200 дан ортиқ мамлакат қатнашганини ҳисобга олсак бу натижа билан қўшнилар фахрланса бўлади. 3-4 йилда деярли Ўзбекистонга етиб оляпти. 5-6 йилда ўтиб кетмаса ҳали.

Соғ эмас булар. Абдуллаев келадими Опо Додасими…

Футбол аллақачон 20 йил давомида қилган ишинг учун Сендан воз кечган, аммо Сен яна ва яна таниш топиб тиқилаверасан ва ҳар доим кетаверасан. Ва энг ёмони Сен ўзингни доимий равишда олдинда қолган бор йўғи 3-4 киши олдида зўр деб биласан. Билмайсанки замон ўзгарди. Одамлар ўз ҳуқуқини билди. Сен зулм қилган одамлар бугун тахтга чиқди. Инсонда бет бўлиши керак, БЕТ!

Клубни беринг, жой ажратинг, замонавий, ўзини ўзи таъминлайдиган структура қиламан, деди. — Йўқ, дедингиз. Оммавий равишда рад этдингиз. Оммавий тарзда қарши чиқдингиз. Энди эса айрим вилоятлар бюджетдан миллиардлаб маблағ сарфлаётган бир пайтда, ҳокимиятнинг 5 миллиард сўм ажратишини эшитиб, яна тўполон кўтаряпсиз. Гўёки солиқ тўловчиларнинг пули фақат футболга сарфланаётгандек. Футболни бутунлай ёпиб қўядиган пайт келди, шекилли. Аслида футбол, 3637 та соҳа ичида ажратилган маблағни тўғри ишлатадиган учта соҳадан бири бўлса керак.

Асл сабаб анча ичкарида. Сиз энг сўнгги сабабни айтдингиз. 👉 https://www.instagram.com/reel/DfFDPjJtDHF/?cplk=MXdibTl0b3ljdTAybQ== @Nadirkhuja

Кейинги ўринлар учун баҳсда ютдик. Мени ҳеч қачон мағлубият ғазаблантирмайди, агар у табиий бўлса. U-15 жамоамиз айни пайтда талаш бўлаётгани, эртага албатта зиён етказмай қолдирмайди келажакка. ЎФА шуни тўғирлаши керак, тамом.

Россия ютқазса баҳонаси бор энди.

Агар Сиз мультфильм кўрмаган бўлсангиз, бунақа давлат бор эканлигини билмас эдингиз ҳам.

Барака топилар! Мадагаскар 🇲🇬 4 - 1 🇺🇿 Ўзбекистон Бокудаги U-15 FIFA мусобақаси.

Хитой шу даражада катта кучга айландики, “Реал” ва Ла Лига, ПСЖда Мессига бўйин эгмаган Мбаппегача узр сўраяпти.

Кечаги ўйинга кичик шарҳ. Бу расмни Аваз акам ташладилар. Видеога олаётганимни кўриб қолибдилар, қойил :) https://www.instagram.com/reel/DfB5vzdNXf7/?dlrf=eHFhbWMzcGJnbzly

Риёд Маҳрез — «Лестер Сити» билан футбол тарихидаги энг катта сенсациялардан бирига эришган, «Манчестер Сити» билан Европанинг энг катта совринини ютган ва Жазоир терма жамоаси билан Африка чемпиони бўлган футболчи. 🏆 5 карра АПЛ чемпиони бугунги ўйинни безамоқда. «Лестер» эртагини ёзган ярим ҳимоячилардан бири! @Nadirkhuja

Бугун Доҳанинг чеккасида, ЖЧ-2022 очилиш маросими бўлиб ўтган «Ал Байт» стадионида юлдузлар жамланади. Мартинелли, Невеш, Милинкович-Савич, Кулибали, Ал-Давсари ва Ясин Буно каби юлдузлар жамланган «Ал Ҳилол» Рияд Маҳрез тўп тепаётган «Ал Шамал» меҳмони бўлади. Меҳмонхонада ётгандан кўра, мана шундай ажойиб стадионда, ажойиб ўйинни жонли кўришга нима етсин?! Айниқса, қўлингда VVIP чипта бўлса! 😎 Бу имконият учун Алишер акага алоҳида раҳмат! 🤝⚽ @Nadirkhuja

Насиб декабрга эканда. Ўзбекистон Кубоги финалига улгурармикин?

Қойил, топибди шогирд!