ဥရောပသို့ သွားရောက်မည့် အာဆီယံကိုယ်စားလှယ်များ၏ လေ့လာရေးခရီးစဉ်တွင် မြန်မာစစ်အုပ်စုကိုယ်စားလှယ်များကို လိုက်ပါခွင့်မပြုဘဲ ဖယ်ထုတ် ရန်ကုန်၊ စက်တင်ဘာ ၂၉ ဥရောပသမဂ္ဂအဖွဲ့ဝင်နိုင်ငံတစ်ခုဖြစ်သော ဘယ်လ်ဂျီယံနိုင်ငံ၊ ဘရပ်ဆဲလ်မြို့တွင် ပြုလုပ်မည့် အာဆီယံကိုယ်စားလှယ်များ၏ ကာဗွန်ဈေးနှုန်းသတ်မှတ်ရေး လေ့လာရေးခရီးစဉ်တွင် မြန်မာစစ်အုပ်စုကိုယ်စားလှယ်များ ပါဝင်ခွင့်မရရှိရန် ဥရောပသမဂ္ဂ (EU) က ဆုံးဖြတ်ထားကြောင်း Defend Myanmar Democracy အဖွဲ့က သတင်း ထုတ်ပြန်သည်။ အရပ်ဘက်အဖွဲ့အစည်းများ၏ ကန့်ကွက်တောင်းဆိုမှုများ ပြုလုပ်ခဲ့ပြီးနောက် အာဆီယံကိုယ်စားလှယ်များအတွက် စီစဉ်ထားသည့် ကာဗွန်ဈေးနှုန်းသတ်မှတ်ရေး လေ့လာရေးခရီးစဉ်တွင် မြန်မာစစ်အုပ်စုကိုယ်စားလှယ်များကို ချန်လှပ်ထားရန် EU က ဆုံးဖြတ်ခဲ့ခြင်းဖြစ်ကြောင်း Defend Myanmar Democracy က ဆိုထားသည်။ EU အနေဖြင့် ဩဂုတ်လ ၁၂ ရက်က ကျင်းပခဲ့သည့် 8th ASEAN-EU High-Level Dialogue on Environment and Climate Change ဆွေးနွေးပွဲတွင် အာဆီယံကိုယ်စားလှယ်များအတွက် ကာဗွန်ဈေးနှုန်းသတ်မှတ်ရေးဆိုင်ရာ လေ့လာရေးခရီးစဉ်တစ်ခု စီစဉ်ပေးသွားမည်ဟု ကြေညာခဲ့ခြင်းဖြစ်သည်။ အဆိုပါ ကြေညာချက်ထွက်ပေါ်လာပြီးနောက် စစ်အုပ်စုကိုယ်စားလှယ်များ လေ့လာရေးခရီးစဉ်တွင် ပါဝင်ခွင့်မရရှိစေရန် အရပ်ဘက်အဖွဲ့အစည်း ၁၂၃ ဖွဲ့ကိုယ်စား Defend Myanmar Democracy အဖွဲ့က စက်တင်ဘာလ ၉ ရက်တွင် EU ထံ အိတ်ဖွင့်ပေးစာ ပေးပို့တောင်းဆိုခဲ့ကြောင်း သိရသည်။ အဆိုပါ တောင်းဆိုချက်ကို စက်တင်ဘာလ ၂၁ ရက်တွင် EU ၏ ရာသီဥတုပြောင်းလဲမှုဆိုင်ရာ ညွှန်ကြား ရေးမှူးချုပ်က လက်ခံခဲ့ပြီး မြန်မာပြည်သူများ၏ ငြိမ်းချမ်းရေး၊ ဒီမိုကရေစီနှင့် လူ့အခွင့်အရေးအတွက် ကြိုးပမ်းရုန်းကန်နေမှုများကို အားပေးထောက်ခံနေကြောင်း ပြန်လည်တုံ့ပြန်ခဲ့သည်ဟု Defend Myanmar Democracy က ပြောဆိုထားသည်။ အာဆီယံ၏ သဘာဝပတ်ဝန်းကျင်ဆိုင်ရာ အစည်းအဝေးများနှင့် လေ့လာရေးအစီအစဉ်များမှတစ်ဆင့် နိုင်ငံတ ကာတွင် တရားဝင်အသိအမှတ်ပြုမှု ရရှိရန် ကြိုးပမ်းနေသည့် မြန်မာစစ်အုပ်စုကို ယခုကဲ့သို့ တားဆီးနိုင်ခဲ့ခြင်းသည် ကြီးမားသည့်ရလဒ်တစ်ခု မဟုတ်သော်လည်း နှစ်လအတွင်း ဒုတိယအကြိမ်မြောက် တားဆီးနိုင်ခဲ့ခြင်းဖြစ်ကြောင်း Defend Myanmar Democracy က ဆိုသည်။ ပြီးခဲ့သည့် ဩဂုတ်လအတွင်းကလည်း မြန်မာစစ်အုပ်စုက အိမ်ရှင်အဖြစ် လက်ခံကျင်းပရန် စီစဉ်ထားသည့် ၃၇ ကြိမ်မြောက် အာဆီယံ သဘာဝပတ်ဝန်းကျင်ဆိုင်ရာ အဆင့်မြင့်အရာရှိကြီးများအစည်းအဝေး (37th ASOEN) ကို မြန်မာနိုင်ငံတွင် လက်ခံကျင်းပခွင့် မပြုရန် အရပ်ဘက်အဖွဲ့အစည်း ၁၂၃ ဖွဲ့ကိုယ်စား Defend Myanmar Democracy က အာဆီယံ၊ ဂျပန်နှင့် EU တို့ထံ တောင်းဆိုခဲ့ကြောင်း သိရသည်။ အဆိုပါတောင်းဆိုမှုများကြောင့် 37th ASOEN အစည်းအဝေးကို အာဆီယံလက်ရှိဥက္ကဋ္ဌ ဖိလစ်ပိုင်နိုင်ငံက အိမ်ရှင်အဖြစ် ပြောင်းလဲလက်ခံပြီး အွန်လိုင်းအစည်းအဝေးပုံစံဖြင့် ကျင်းပခဲ့ရသည်။
Open in Telegram
ဥရောပသို့ သွားရောက်မည့် အာဆီယံကိုယ်စားလှယ်များ၏ လေ့လာရေးခရီးစဉ်တွင်…
Views10,020−4%vs avg
Forwards2
Reactions27
Comments—
Views growth
Hours after publication
Show as table
| Hours after publication | Views |
|---|---|
| 0 h | 981 |
| 0 h | 1,282 |
| 11 h | 10,020 |
- After 1 hour1,282
- Total to date10,020
Reactions
- ❤18
- 👍8
- 👏1
More from Khit Thit Media
- 01Views15.6KForwards1Reactions21Comments—
- 02Views15.4KForwards1Reactions—Comments0
- 03Views14.7KForwards3Reactions3Comments0
- 04Views14.6KForwards7Reactions5Comments0
- 05Views14.5KForwards3Reactions—Comments—