လောင်းလုံးတွင် ပြည်သူများ ရေဘေးကြုံနေရစဉ် ကျောက်ဆင်ကျေးရွာကို စစ်တပ် စစ်ကြောင်း ဝင်ရောက်လာ၍ ပြည်သူများရွာလုံးကျွတ် ထွက်ပြေးနေရ ရန်ကုန်၊ စက်တင်ဘာ ၂၈ တနင်္သာရီတိုင်း၊ လောင်းလုံးမြို့နယ်တွင် ပြည်သူများ ရေဘေးကြုံနေရစဉ် ကျောက်ဆင်ကျေးရွာကို အကြမ်းဖက် စစ်တပ် စစ်ကြောင်း ဝင်ရောက်လာ၍ ပြည်သူများရွာလုံးကျွတ် ထွက်ပြေးနေရကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ယနေ့ စက်တင်ဘာလ ၂၈ ရက်နေ့တွင် အင်အား ၁၀၀ ခန့်ပါဝင်သော အကြမ်းဖက် စစ်တပ် စစ်ကြောင်းသည် ကျောက်ဆင်ကျေးရွာကို ဝင်ရောက်လာသောကြောင့် ပြည်သူများရွာလုံးကျွတ် ထွက်ပြေးတိမ်းရှောင်နေရကြောင်း သိရသည်။ ထိုစစ်တပ် စစ်ကြောင်းသည် လက်ရှိချိန်ထိ ကျေးရွာအတွင်း ချက်ပြုတ်စားသောက်နေပြီး ကရင်ကြီးရွာကို ဆက်လက် ထွက်ခွာမည်ဖြစ်ကြောင်း၊ ယင်းသို့ စစ်ကြောင်းများ ဝင်ရောက်လာပါက လူငယ်များကို ပေါ်တာဆွဲ ဖမ်းဆီးခြင်းများ လုပ်ဆောင်သောကြောင့် ပြည်သူများက ကြောက်လန့်ကာ ထွက်ပြေးတိမ်းရှောင်နေကြခြင်းဖြစ်ကြောင်း သိရှိရသည်။ "ခွေးစစ်ကြောင်းက ဝင်လာတာဟုတ်ပါတယ်။ ကျောက်ဆင်ရွာကို ဝင်လာတာ အင်အား ၁၀၀ လောက်ရှိတယ်။ အခုကစစ်ခွေးတွေက နေအိမ်တွေထဲမှာ တပ်စွဲထားတယ်။ ထမင်းတွေချက်စားနေတယ်။ ကရင်ကြီးရွာကို ဆက်ပြီးတော့ သွားမယ်လို့ သိရတယ်" ဟု ဒေသပြည်သူတစ်ဦးက ပြောဆိုသည်။ စက်တင်ဘာလ ၂၆ ရက်နေ့ ညပိုင်းမှစတင်၍ မိုးသည်းထန်စွာ ရွာသွန်းမှုကြောင့် လောင်းလုံးမြို့နယ်တွင် ၁၀ ဦး၊ ထားဝယ်မြို့နယ်တွင် ၂ ဦးနှင့် သရက်ချောင်းမြို့နယ်တွင် ၁ ဦး စုစုပေါင်း ၁၃ ဦး သေဆုံးခဲ့ကြောင်း၊ ထို့အပြင် ဒေသတစ်ဝန်းတွင် ပျောက်ဆုံးနေသူ ၃၀ ဦးနှင့်အထက်ရှိနေပြီး တောင်ပြိုမှုများကြောင့် နေအိမ် အနည်းဆုံး ၅၀ ကျော်နှင့် တံတား အနည်းဆုံး ၁၀ စီးဝန်းကျင် ပျက်စီးခဲ့ကြောင်း သိရသည်။ ထားဝယ်နှင့် မြိတ်မြို့များကို ဆက်သွယ်ထားသည့် အမှတ် ၈ ပြည်ထောင်စုလမ်းမကြီးပေါ်ရှိ ကညင်ချောင်းကျေးရွာတံတားလည်း ပျက်စီးခဲ့သဖြင့် ထားဝယ်နှင့် မြိတ်အကြား ကုန်းလမ်းဆက်သွယ်ရေး ပြတ်တောက်နေကြောင်း ၊အလားတူ ထားဝယ်-မြိတ် လမ်းပိုင်းရှိ အခြားနေရာအများအပြားတွင်လည်း ရေကြီးရေလျှံမှုများ ဆက်လက်ဖြစ်ပွားနေကြောင်း သိရသည်။ ယနေ့ စက်တင်ဘာ ၂၈ ရက် နံနက်ပိုင်းအထိ မိုးသည်းထန်စွာ ဆက်လက်ရွာသွန်းနေပြီး ရေကြီးမှုနှင့် တောင်ပြိုမှုများလည်း ဆက်လက်ဖြစ်ပွားနေသဖြင့် ဘေးအန္တရာယ်ကျရောက်နိုင်သည့် ဒေသများရှိ ပြည်သူများအနေဖြင့် လုံခြုံရေးကို အထူးဂရုပြုကာ အန္တရာယ်ရှိနိုင်သည့် နေရာများမှ အမြန်ဆုံး ရွှေ့ပြောင်းနေထိုင်ကြရန် ထားဝယ်အမျိုးသားအဖွဲ့ချုပ်က တိုက်တွန်းထားသည်။
Open in Telegram
လောင်းလုံးတွင် ပြည်သူများ ရေဘေးကြုံနေရစဉ် ကျောက်ဆင်ကျေးရွာကို စစ်တပ် စစ်ကြောင်း…
Views9,746−3%vs avg
Forwards1
Reactions22
Comments—
Views growth
Hours after publication
Show as table
| Hours after publication | Views |
|---|---|
| 0 h | 908 |
| 5 h | 7,970 |
| 15 h | 9,746 |
- After 6 hours7,970
- Total to date9,746
Reactions
- 👍10
- 🔥5
- 🤬4
- ❤2
- 😁1
More from Khit Thit Media
- 01Views15.6KForwards1Reactions21Comments—
- 02Views15.4KForwards1Reactions—Comments0
- 03Views14.7KForwards3Reactions3Comments0
- 04Views14.6KForwards7Reactions5Comments0
- 05Views14.5KForwards3Reactions—Comments—