ကျောက်တော်၊ ငပလီ၊ မင်းပြားနှင့် ပုဏ္ဏားကျွန်းတို့ကို စစ်တပ်က ယနေ့တစ်ရက်တည်း အဆက် မပြတ်…

Khit Thit Media, @khitthitnewsSep 28, 2026, 07:29 UTC

Sep 28, 2026 07:29 UTC#273364Text

ကျောက်တော်၊ ငပလီ၊ မင်းပြားနှင့် ပုဏ္ဏားကျွန်းတို့ကို စစ်တပ်က ယနေ့တစ်ရက်တည်း အဆက် မပြတ် လေကြောင်းတိုက်ခိုက်သဖြင့် ပြည်သူများ သေဆုံးထိခိုက်မှုများရှိနေ ရန်ကုန်၊ စက်တင်ဘာ ၂၈ ရခိုင်ပြည်နယ်ရှိ ကျောက်တော်၊ ငပလီ၊ မင်းပြားနှင့် ပုဏ္ဏားကျွန်းမြို့နယ်များကို စက်တင်ဘာ ၂၈ ရက် ယနေ့တစ်ရက်တည်းတွင် စစ်တပ်က လေကြောင်းတိုက်ခိုက်မှုများ ပြုလုပ်နေပြီး အရပ်သားပြည်သူများ သေဆုံးထိခိုက်မှုများရှိနေကြောင်း အာရက္ခတပ်တော် (AA) ၏ ထုတ်ပြန်ချက်နှင့် ဒေသခံများ၏ ပြောဆိုချက်များအရ သိရသည်။ ယနေ့ နေ့လယ် ၁၂ နာရီ ၁၀ မိနစ်နှင့် ၁၂ နာရီ ၁၄ မိနစ်ခန့်တွင် စစ်တပ်၏ ဂျက်တိုက်လေယာဉ် ၁ စီးက ကျောက်တော်မြို့၊ ကစ္ဆပနဒီတံတားအနီးဝန်းကျင်နှင့် အိန္ဒိယဈေးဝန်းကျင်တို့ကို လေကြောင်းမှ ဗုံးကြဲတိုက်ခိုက်ခဲ့ကြောင်း AA က ထုတ်ပြန်ထားသည်။ အဆိုပါ လေကြောင်းတိုက်ခိုက်မှုကြောင့် အဆိုပါနေရာများအနီးရှိ အရပ်သားပြည်သူများ၊ လမ်းသွားလမ်းလာများနှင့် ဈေးရောင်းဈေးဝယ်ပြည်သူအချို့ ထိခိုက်ဒဏ်ရာရရှိသူများနှင့် သေဆုံးသူများ ရှိခဲ့ကြောင်း AA ၏ ထုတ်ပြန်ချက်တွင် ဖော်ပြထားသည်။ ဒေသခံများ၏ ပြောဆိုချက်အရလည်း ကျောက်တော်မြို့ရှိ ပိုက်သည်ရပ်ကွက်နှင့် အိန္ဒိယဈေးအနီးဝန်းကျင်သို့ ဗုံးများ ကျရောက်ခဲ့ပြီး မီးခိုးများ ထွက်ပေါ်နေသည်ကို တွေ့ရကြောင်း သိရသည်။ လေကြောင်းတိုက်ခိုက်မှုများ ဆက်လက်ဖြစ်ပွားနေသဖြင့် ကျောက်တော်မြို့ပေါ်နှင့် မြို့အနီးဝန်းကျင်ရှိ ဒေသခံများမှာ နေအိမ်များမှ အပြင်မထွက်ရဲဘဲ ဘေးလွတ်ရာများတွင် ပုန်းခိုနေကြရကြောင်းလည်း သိရသည်။ ထို့အပြင် ကျောက်တော်မြို့အပေါ်တွင် စစ်တပ်၏ လေယာဉ်များ ဆက်လက်ပျံဝဲနေကြောင်း ဒေသခံများက ပြောသည်။ အလားတူ ယနေ့ မွန်းလွဲ ၁၂ နာရီ ၃၅ မိနစ်ခန့်တွင် သံတွဲမြို့နယ်၊ ငပလီကမ်းခြေနှင့် အနီးဝန်းကျင်ကို စစ်တပ်၏ ဂျက်တိုက်လေယာဉ် ၁ စီးက ဗုံး ၂ လုံး ကျဲချတိုက်ခိုက်ခဲ့ကြောင်း၊ ငပလီကမ်းခြေရှိ လူနေရပ်ကွက်များကို ယနေ့ နေ့လယ် ၁၂ နာရီကျော်မှ မွန်းလွဲ ၁ နာရီနီးပါးအထိ ဂျက်တိုက်လေယာဉ်တစ်စီးက လှည့်ပတ်ပျံသန်း၍ ဗုံးကျဲတိုက်ခိုက်ခဲ့ကြောင်း ဒေသခံများက ပြောသည်။ ငပလီလေကြောင်းတိုက်ခိုက်မှုကြောင့် လူထိခိုက်သေဆုံးမှုနှင့် ပျက်စီးဆုံးရှုံးမှု အခြေအနေ အသေးစိတ်ကို လတ်တလော အတည်ပြုနိုင်ခြင်းမရှိသေးဘဲ ဆက်လက်စုံစမ်းနေဆဲဖြစ်ကြောင်း သိရသည်။ ထို့ပြင် ယနေ့ နံနက်ပိုင်းတွင် မင်းပြားမြို့နယ်၊ စွန်ရဲကျေးရွာအပါအဝင် ကျေးရွာများနှင့် နေရာအချို့ကိုလည်း စစ်တပ်က လေကြောင်းမှ ဗုံးကျဲတိုက်ခိုက်ခဲ့ပြီး အရပ်သားပြည်သူများ ထိခိုက်ဒဏ်ရာရရှိခဲ့ကြောင်း ဒေသခံများထံမှ သိရသည်။ မင်းပြားမြို့နယ်၊ စွန်ရဲကျေးရွာ လေကြောင်းတိုက်ခိုက်ခံရမှုကြောင့် အရပ်သားပြည်သူ ၇ ဦးထက်မနည်း ထိခိုက်ဒဏ်ရာရရှိထားကြောင်း ဒေသခံများက ပြောဆိုသည်။ ပုဏ္ဏားကျွန်းမြို့နယ်အတွင်းရှိ နေရာအချို့ကိုလည်း ယနေ့ နံနက်ပိုင်းတွင် လေကြောင်းတိုက်ခိုက်မှုများ ပြုလုပ်ခဲ့ကြောင်း သိရပြီး ထိခိုက်သေဆုံးမှုနှင့် ဒဏ်ရာရရှိမှု အခြေအနေများကို ဆက်လက်စုံစမ်းနေဆဲဖြစ်သည်။ AA ၏ ထုတ်ပြန်ချက်အရ စက်တင်ဘာ ၁၇ ရက်မှ ၂၇ ရက်အထိ ၁၁ ရက်အတွင်း ရခိုင်ပြည်နယ်တစ်ဝန်းရှိ မြို့ရွာများကို စစ်တပ်က လေကြောင်းနှင့် လက်နက်ကြီးတိုက်ခိုက်မှုများ ပြုလုပ်ခဲ့ပြီး အရပ်သားပြည်သူ ၆ သေဆုံး ကာ လူနေအိမ် ၅၅ လုံး ပျက်စီးခဲ့ကြောင်း သိရသည်။ ယနေ့ စက်တင်ဘာ ၂၈ ရက် လေကြောင်းတိုက်ခိုက်မှုများနှင့် ပတ်သက်သည့် သေဆုံး၊ ဒဏ်ရာရရှိမှုနှင့် ပျက်စီးဆုံးရှုံးမှု အသေးစိတ်အခြေအနေများမှာ အချို့နေရာများတွင် ဆက်လက်စုံစမ်းနေဆဲဖြစ်ကြောင်း သိရသည်။

Open in Telegram

Views10,925+11%vs avg

Forwards0

Reactions26

Comments—

Views growth

Hours after publication

Show as table

Hours after publication	Views
0 h	1,210
1 h	2,117
10 h	9,413
20 h	10,078
31 h	10,925

After 1 hour2,11719% of total
After 24 hours10,07892% of total
Total to date10,925in 3 days

Reactions

🤬22
👎3
😢1

More from Khit Thit Media

All posts of Khit Thit Media