Posts of Kasbiy ta’lim agentligi

Yig‘ilishda ta’lim va tibbiyot sohalaridagi vazifalar ham ko‘rib chiqildi. Tadbirkorlarga yer ajratib, xususiy bog‘cha va maktablarni ko‘paytirish, maktab bitiruvchilarining 50 foizini texnikumlarga jalb qilish vazifasi qo‘yildi. Texnikumlarni yirik tadbirkorlar va investorlar bilan bog‘lash, xalqaro ta’lim dasturlarini joriy etish zarurligi ta’kidlandi. Viloyatdagi o‘nta davlat va xususiy oliy ta’lim muassasasida dual ta’lim qamrovini ikki baravar oshirish rejalashtirilgan. Joriy yilda 29 ta shifoxona va poliklinikani yangilash ishlari amalga oshirildi. Shu bilan birga, tibbiy xizmat sifati, ayniqsa, birlamchi bo‘g‘in faoliyati bo‘yicha hali yechimini kutayotgan masalalar borligi qayd etildi. Mutasaddilarga birlamchi tibbiy xizmatni yaxshilash, sohaga investitsiya jalb etish va xorijda tajriba orttirgan vatandoshlar imkoniyatidan foydalanish topshirildi. Prezidentimiz o‘z hududini kompleks rivojlantirishda Olot tumani hokimi Nargiza Nematova alohida jonbozlik ko‘rsatayotganini e’tirof etib, davlat va boshqaruv idoralaridagi ko‘p yillik samarali mehnati, yangi ish o‘rinlarini yaratish orqali aholi farovonligini ta’minlash yo‘lidagi xizmatlari uchun uni "Fidokorona xizmatlari uchun" ordeni bilan mukofotlashga qaror qilganini e’lon qildi. Yig‘ilishda muhokama qilingan vazifalar yuzasidan tarmoq va hududlar rahbarlarining hisobotlari hamda kelgusi yilga rejalari tinglandi. Bizni kuzating Website | Telegram | Instagram | Facebook | Youtube | X

Prezident Shavkat Mirziyoyev Buxoro viloyatiga tashrifi doirasida hudud iqtisodiyotini rivojlantirish va aholi turmush darajasini oshirish masalalari yuzasidan yig‘ilish o‘tkazdi. Yig’ilishda Buxoro viloyatidan 99 ming nafar fuqaro mehnat migratsiyadaligi ta’kidlandi. Xorijdan qaytgan 24 ming kishi hali ish topmagan. Viloyat bo‘yicha ishsizlar soni 40 mingga yaqin, yana 270 ming nafar aholining daromadi o‘rtacha ko‘rsatkichdan past. – Bundan buyon “kambag‘al oila qolmadi” degan hisobot o‘tmaydi, – dedi Prezidentimiz. Mas’ullarga xorijda kam ish haqiga ishlayotgan yurtdoshlarimizni kasbga o‘qitib, yuqori daromadli ishga joylashtirish, 270 ming nafar aholining daromadini o‘rtacha va undan yuqori darajaga olib chiqish bo‘yicha tumanlar kesimida reja ishlab chiqish topshirildi. Bizni kuzating Website | Telegram | Instagram | Facebook | Youtube | X

💼 KasbPro platformasi orqali kasblarni bepul o‘rganing Kasbiy ta’lim agentligi tomonidan ishlab chiqilgan Kasbiy rivojlanish platformasi texnikum o‘quvchilari, ish izlayotgan fuqarolar hamda yangi kasb egallashni istaganlar uchun bepul ta’lim imkoniyatlarini taklif etadi. Unda kasb tanlash, nazariy va amaliy bilimlarni o‘zlashtirish hamda egallangan ko‘nikmalarni sertifikat bilan tasdiqlash imkoniyatlari jamlangan. 💻 Platforma 14 yo‘nalishdagi 104 ta kasbni qamrab oladi. Kurslar orasida 3D modellashtirish, 1C buxgalteriya, tikuvchilik va zardo‘zlik kabi ko‘plab yo‘nalishlar mavjud. 📌 O‘zingizga mos kasbni tanlang va o‘rganishni hozirdan boshlang: mooc.kasbedu.uz. Bizni kuzating Website | Telegram | Instagram | Facebook | Youtube | X

No text

✅ ISH BERUVCHILAR UCHUN SO‘ROVNOMA! 🇺🇿 Kasbiy ta’lim agentligi tomonidan davlat va xususiy sektordagi ish beruvchilarning o‘rta bo‘g‘in kadrlariga bo‘lgan joriy va istiqboldagi ehtiyojini aniqlash maqsadida elektron anonim so‘rovnoma o‘tkazilmoqda. 📊 So‘rovnoma natijalari mehnat bozori talablariga mos malakali o‘rta bo‘g‘in kadrlarini tayyorlashni rejalashtirishda muhim ahamiyat kasb etadi. 📝 Hurmatli ish beruvchilar, so‘rovnomada faol ishtirok eting! 🌍 So‘rovnomada ishtirok etish: https://forms.gle/DQAb3Hs3YggySuhT8 ➡️ Taklif va hamkorlik uchun: [email protected] Bizni kuzating Website | Telegram | Instagram | Facebook | Youtube | X

#Ogohlik ❗️Befarq bo‘lmang! Is gazidan zaharlanishning oldini olaylik! Havo harorati pasayishi bilan xonadonlarda isitish moslamalaridan foydalanish boshlanadi. Biroq yoz mavsumi davomida ishlatilmagan, texnik ko‘rikdan o‘tkazilmagan isitish qurilmalari, ayniqsa, qo‘lbola va nostandart moslamalardan foydalanish, dudburon va mo‘rkonlarning tozaligi hamda sozligiga e’tiborsizlik ayanchli oqibatlarga olib kelishi mumkin. So‘nggi kunlarda is gazidan zaharlanish oqibatida insonlar hayotdan ko‘z yumayotgani barchamizni yanada hushyor va mas’uliyatli bo‘lishga undashi kerak. Zero, is gazi rangsiz va hidsiz bo‘lib, uni sezish qiyin. Shu bois xavfsizlik qoidalariga beparvolik qilish inson hayoti va salomatligiga jiddiy tahdid tug‘diradi. Hurmatli fuqarolar! O‘zingiz va yaqinlaringiz hayotini xavf ostiga qo‘ymang! Isitish mavsumida quyidagi xavfsizlik talablariga qat’iy amal qilishingizni so‘raymiz: ◎ Faqat muvofiqlik sertifikatiga ega, belgilangan xavfsizlik talablariga javob beradigan isitish moslamalaridan foydalaning. Qo‘lbola va nostandart qurilmalarni ishlatmang. ◎ Mavjud isitish moslamalarini mavsum boshlanishidan oldin malakali mutaxassislarga ko‘rsating, ularning texnik holati va xavfsiz ishlashini tekshirtiring. ◎ Dudburon va mo‘rkonlarning holatini diqqat bilan ko‘zdan kechiring, ularni qurum va boshqa to‘siqlardan muntazam tozalab turing. ◎ Xonani isitish maqsadida ochiq olovdan, jumladan, gaz plitadan foydalanmang. Isitish moslamalarini belgilangan maqsaddan tashqari ishlatish xavfli. ◎ Xonalarda havo almashinuvi va shamollatish imkoniyati mavjudligini ta’minlang. Ventilyatsiya kanallarini berkitmang, ularning ishlash holatini nazorat qilib boring. ◎ Isitish moslamalarini nazoratsiz qoldirmang, ulardan foydalanishda ishlab chiqaruvchi ko‘rsatmalari va xavfsizlik talablariga amal qiling. Is gazidan zaharlanishning dastlabki belgilari bosh og‘rig‘i, bosh aylanishi, ko‘ngil aynishi va holsizlik kabi alomatlar bilan namoyon bo‘lishi mumkin. Bunday holat kuzatilsa, darhol toza havoga chiqing, xonani shamollating, boshqa odamlarni ham xavfli hududdan olib chiqing va tez tibbiy yordam hamda tegishli favqulodda xizmatlarga murojaat qiling. Unutmang: is gazi xavfini ko‘z bilan ko‘rib yoki hididan bilib bo‘lmaydi. Shuning uchun xavfsizlik choralarini oldindan ko‘rish, isitish moslamalarini tekshirish va dudburonlarni tozalash juda muhim. Bu shunchaki tavsiya emas, hayotni asrashning muhim shartidir. Aziz yurtdoshlar! Isitish mavsumini xavf-xatarsiz o‘tkazish uchun befarq bo‘lmang. O‘zingizni, oilangizni va yaqinlaringizni asrang. Xavfsizlikka bugun e’tibor qaratish ertaga insonlar hayotini saqlab qolishi mumkin. Facebook | Instagram | YouTube | Telegram

NAVOIYDA "KARYERA KUNI": KASB, IMKONIYAT, KELAJAK! 🇺🇿 Kasbiy ta’lim agentligi tomonidan texnikum bitiruvchilari va ish beruvchilar ishtirokida “Karyera kuni” tadbiri tashkil etilmoqda! 📝 Sana: 11-noyabr, 2026-yil ⏰ Vaqti: 10:00 📍 Manzil: Navoiy viloyati, Navoiy shahar yoshlar istirohat bog'i (Yoshlik ko‘li yonida joylashgan Nuroniylar maskani hududida) Tadbirda sizni: ✔️ Yirik ish beruvchilar bilan uchrashuvlar; ✔️ Bo‘sh ish o‘rinlari taqdimoti; ✔️ Bevosita suhbatlar va maslahatlar; ✔️ Ishga joylashish imkoniyatlari kutmoqda. Karyerangiz sari ilk qadamni biz bilan tashlang! Bizni kuzating Website | Telegram | Instagram | Facebook | Youtube | X

No text

Bugun Prezident Shavkat Mirziyoyev Buxoro viloyatiga tashrif buyuradi. Davlatimiz rahbari tarixiy merosni asrash va turizm infratuzilmasini rivojlantirish borasidagi ishlar, shuningdek, sanoat va qishloq xo‘jaligida amalga oshirilayotgan loyihalar bilan tanishadi. Ikki kunlik tashrif doirasida yangi loyihalarni ishga tushirish va qurilishini boshlash marosimida ishtirok etish, hamda viloyatni kompleks rivojlantirish masalalari yuzasidan yig‘ilish o‘tkazish ham rejalashtirilgan. Bizni kuzating Website | Telegram | Instagram | Facebook | Youtube | X

Texnikum o‘quvchilari ham “Work and Travel” xalqaro dasturida ishtirok etadi Vazirlar Mahkamasining "Ilmiy va innovatsion yo‘nalishda faoliyat yurituvchi subyektlarning reyestrini shakllantirish va yuritish tartibi to‘g‘risidagi nizomni tasdiqlash haqida"gi 604-son qarori (31.10.2026-y.) tasdiqlandi. Unga muvofiq: ✔️2026/2027-o‘quv yilidan boshlab texnikumlarning o‘rta va o‘rta maxsus kasbiy ta’lim dasturlarida ta’lim olayotgan o‘quvchilarga ham “Work and Travel” xalqaro dasturlari doirasida xorijiy davlatlarda ishlash va sayohat qilish imkoniyati yaratiladi; ✔️dastur doirasida Yevropa Ittifoqi davlatlari, Janubiy Koreya, Yaponiya, Buyuk Britaniya, AQSH, Kanada, Avstraliya va Yangi Zelandiyada ishlash va sayohat qilish uchun borish-kelish hamda boshqa xarajatlarni qoplash maqsadida ssuda ajratish tartibi joriy etiladi; ✔️Kasbiy ta’lim jarayonlarini boshqarish — EMIS RT axborot tizimida texnikum nomi, manzili, kodi, kasb va mutaxassislik yo‘nalishi, bosqichi, ta’lim shakli, o‘quvchining maqomi hamda baholari to‘g‘risidagi ma’lumotlarni aks ettirish belgilanadi; ✔️Migratsiya agentligi tomonidan har yili 1-martga qadar “Work and Travel” xalqaro dasturlari doirasida xorijiy davlatlarda ishlash va sayohat qilish uchun xorijiy ish beruvchilar bilan hamkorlik shartnomalarini imzolash choralari ko‘riladi. Bizni kuzating Website | Telegram | Instagram | Facebook | Youtube | X

Har bir viloyatdagi 2-3 ta texnikumda kasb bilan birga nemis tilini o‘rgatish zarurligini ta'kidlandi Germaniyadan joriy yilning o‘zida 45 ming mutaxassisga buyurtma kelib tushgan, ammo atigi 2 ming kishi ishga joylashgan. Asosiy sabab – nemis tilini biladigan kadrlar yetishmasligi. Shu bois, kasbga o‘qitish bilan til tayyorgarligini birga olib borish zarur. Germaniyaning “Globogate” kompaniyasi bilan hamkorlikda respublikadagi 20 ta tibbiyot texnikumida yiliga 1,5 ming hamshira tayyorlanmoqda. Qarshidagi Ilg‘or kasbiy mahorat texnikumida germaniyalik o‘qituvchilar yoshlarga nemis tili va kasb o‘rgatmoqda. Prezidentimiz xorijlik ish beruvchilarning buyurtmalarini texnikumlardagi ta’lim bilan bog‘lash, yoshlarni ishga joylashish uchun zarur til va amaliy ko‘nikmalarga maqsadli tayyorlash muhimligini ta’kidladi. Andijonda tadbirkor bo‘sh turgan texnikumni ta’mirlab, Germaniyadan o‘qituvchi jalb qilgan holda yiliga 1,5 ming mutaxassis tayyorlayapti. Prezidentimiz bunday tajribani boshqa hududlarda ham kengaytirish, har bir viloyatdagi 2-3 ta texnikumda kasb bilan birga nemis tilini o‘rgatish zarurligini ta’kidladi. Germaniyaning “Telk” kompaniyasi “Intil” xalqaro o‘quv markazida 100 nafar nemis tili o‘qituvchisini tayyorlashni boshladi. Kelasi yil boshidan ularni hududlardagi texnikumlarga jalb qilish vazifasi qo‘yildi. Bizni kuzating Website | Telegram | Instagram | Facebook | Youtube | X

Qurilish, sanoat va logistikada malakali kadrlarga talab mamlakatimizda ham, chet elda ham ortib bormoqda. Sergelidagi “Toshkent quvur zavodi” o‘z ustalarini jalb etib, yiliga 2,5 ming payvandchi, elektrik va chilangar tayyorlash tashabbusini bildirgan. Har bir viloyatdagi 2-3 tadan texnikumni yirik tadbirkorlar boshqaruviga berish, ular orqali yiliga kamida 30 ming nafar ish joyida darhol faoliyat boshlay oladigan mutaxassis tayyorlash rejalashtirilmoqda. Texnikumlar 15 yilga boshqaruvga beriladi, bitiruvchilarga davlat namunasidagi malaka sertifikati taqdim etiladi. Tadbirkorlarning kadr tayyorlash va uskuna xarid qilishga sarflagan mablag‘larini to‘langan soliqlardan chegirish, chet elda yaxshi ishga joylashgan har bir bitiruvchi uchun grant ajratish tizimi yo‘lga qo‘yiladi. Texnikumlar xorijlik ish beruvchilar bilan bog‘lanadi. – Men ishonaman: chempion tadbirkorlarimiz chet elda “o‘zbek mutaxassislari brendi”ni yaratishda ham davlatga ko‘makchi bo‘ladi, – dedi Prezidentimiz. Bizni kuzating Website | Telegram | Instagram | Facebook | Youtube | X

Maktab va texnikumlarda nemis tilidan dars berish uchun 500 nafar til egasi jalb qilinadi Viloyat hokimlarining birinchi o‘rinbosarlariga “Intil” xalqaro o‘quv markazi tajribasini o‘rganib, kelasi yili har bir hududda yagona migratsiya markazini ochish topshirildi. Bu maqsadda har bir viloyatga 8 milliard so‘mdan ajratiladi. Kelasi yil 10 ming kishini kasb va nemis tiliga o‘rgatib, Germaniyada ishga joylashtirish belgilandi. – Yoshlarga ingliz tilini qanday o‘rgatayotgan bo‘lsak, nemis tili bo‘yicha ham shunday yondashuv kerak, – dedi Prezidentimiz. Shu maqsadda kelasi yil maktab va texnikumlarda nemis tilidan dars berish uchun 500 nafar til egasi jalb qilinadi. Oliy ta’lim muassasalarida nemis tili o‘qituvchilarini tayyorlash bo‘yicha davlat buyurtmasini kelasi o‘quv yilidan ikki karra oshirish topshirildi. Germaniya, Yaponiya va Koreyaning yirik kompaniyalari o‘zlariga zarur mutaxassislarni O‘zbekiston texnikumlarida tayyorlashga qiziqish bildirmoqda. Ular o‘quv dasturlarini ishlab chiqish, ta’lim muassasalarini jihozlashga sarmoya kiritishga ham tayyor. Prezidentimiz bir oyda 20 ta texnikumni tanlab, kelgusi yildan ularni xorijlik ish beruvchilar talabi asosida kadr tayyorlashga moslashtirishni topshirdi. Bizni kuzating Website | Telegram | Instagram | Facebook | Youtube | X

Hokimlar, elchilar va texnikum rahbarlari odamlarni yuqori daromadli ishlarga tayyorlash bo‘yicha o‘z ishini qayta ko‘rib chiqishi zarurligi ta’kidlandi Ayni paytda hududlar o‘rtasida farq katta. Xorijda ishlayotgan bir kishiga to‘g‘ri keladigan o‘rtacha oylik pul o‘tkazmasi Farg‘onada 1 850 dollar bo‘lsa, Qoraqalpog‘iston va Toshkent viloyatida 400 dollarga, Sirdaryoda 500 dollarga, Jizzax va Navoiyda 600 dollarga, Surxondaryo va Xorazmda 700 dollarga ham yetmayapti. Hokimlar, elchilar va texnikum rahbarlari odamlarni yuqori daromadli ishlarga tayyorlash bo‘yicha o‘z ishini qayta ko‘rib chiqishi zarurligi ko‘rsatib o‘tildi. – Aslida, inson qayerda ishlashi, qancha maosh olishi, huquqini kim himoya qilishini bilib borishi kerak! – dedi Prezidentimiz. Davlatimiz rahbari xorijdagi mehnat bozorlariga chiqishda elchilar, hokimlar va texnikumlar hamjihat ishlashi zarurligini ta’kidladi. Germaniya, Turkiya, Slovakiya va Qatarda hamkorlar topib, ularni texnikumlar bilan bog‘lash va yurtdoshlarimizni ishga joylashtirish bo‘yicha ijobiy misollar bor. Lekin qolgan mamlakatlardagi elchilarimiz bu masalada sust ekani ko‘rsatib o‘tildi. Bizni kuzating Website | Telegram | Instagram | Facebook | Youtube | X

Prezident Shavkat Mirziyoyev mehnat migratsiyasi masalalariga bag‘ishlangan yig‘ilish o‘tkazmoqda. Davlatimiz rahbari jahon mehnat bozori o‘zgarayotganiga e’tibor qaratdi. Bugun dunyoda 168 million kishi xorijiy migratsiyada. Mamlakatimizda ham chet elda ishlash istagidagi fuqarolar bor, boshqa davlatlarda esa ishchi kuchiga ehtiyoj yuqori. Ushbu ikki imkoniyatni o‘zaro bog‘lash soha mutasaddilari va hududlar rahbarlari oldida turgan asosiy vazifa ekani qayd etildi. – Inson o‘z kasbini puxta egallasin, o‘z qadrini bilsin, o‘z yurtiga tayana olsin! – dedi Prezidentimiz. So‘nggi yillarda tartibli mehnat migratsiyasiga munosabat tubdan o‘zgardi. Ilgari bu yo‘nalishda 3 ta davlat bilan ish olib borilgan bo‘lsa, hozir ularning soni 27 taga yetdi. Hamkorlik qilayotgan yirik xorijlik ish beruvchilar qariyb 400 taga ko‘paydi. Chet elda ishlayotgan yurtdoshlarimiz soni o‘n yilda ikki baravar kamaygan bo‘lsa-da, ularning oilalariga yuborayotgan mablag‘lari to‘rt karra oshdi. Bu, Prezidentimiz ta’kidlaganidek, xalqaro mehnat bozorida o‘zbek mutaxassislariga munosabat o‘zgarib, odamlarimiz chetga oddiy ishchi emas, malakali kadr sifatida borayotganini ko‘rsatadi. Bizni kuzating Website | Telegram | Instagram | Facebook | Youtube | X

Hududlarda ilg‘or mahorat texnikumlari va kasblar shaharchalari tashkil etilmoqda ➖ Ularning an’anaviy texnikumlardan asosiy farqi nimada? ➖ Maktab o‘quvchilarini kasbga yo‘naltirish va ularning qiziqishini oshirish uchun qanday imkoniyatlar yaratilmoqda? ➖ Ushbu markazlarda faoliyat yurituvchi pedagoglarni qanday mehnat sharoitlari va ish haqi kutmoqda? 📌Shu kabi savollarga batafsil javoblarni videolavha orqali bilib olishingiz mumkin! Bizni kuzating Website | Telegram | Instagram | Facebook | Youtube | X

Bugun Prezident Shavkat Mirziyoyev poytaxtimizning Uchtepa tumanidagi «Intil» xalqaro til va kasbga o‘qitish markazi faoliyati bilan tanishadi hamda mehnat migratsiyasi sohasidagi ustuvor vazifalar yuzasidan yig‘ilish o‘tkazadi. Bizni kuzating Website | Telegram | Instagram | Facebook | Youtube | X

📢YOSHLAR UCHUN STARTAP VA BIZNES LOYIHALARINI QO‘LLAB-QUVVATLASHNING YANGI IMKONIYATLARI! Yoshlar tadbirkorligini rivojlantirish va istiqbolli startap loyihalarni qo‘llab-quvvatlash maqsadida yangi moliyaviy imkoniyatlar joriy etildi. Vazirlar Mahkamasining 2026-yil 30-oktabrdagi 598-son qarori bilan Yoshlar tadbirkorligini rivojlantirish davlat maqsadli jamg‘armasi va “Yoshlar Ventures” venchur jamg‘armasi orqali yoshlarni qo‘llab-quvvatlash tizimi takomillashtirildi hamda yoshlar uchun imtiyozli kreditlar, foizsiz ssudalar, grantlar va investitsiyalar ajratish mexanizmlari kengaytirildi. 💳 IMTIYOZLI KREDITLAR • 100 mln so‘mgacha — sug‘urta polisi yoki kafillik asosida; • 100 mln so‘mdan 5 mlrd so‘mgacha — ta’minot asosida; • Qishloq xo‘jaligi kooperativlariga — 5 mlrd so‘mgacha. Kreditlar 7 yilgacha muddatga, 2 yilgacha imtiyozli davr bilan ajratiladi. 🤝 FOIZSIZ QARZ VA SSUDALAR • Startap studiyalar, inkubatsiya va akseleratsiya markazlariga — 5 mlrd so‘mgacha; • Kasb-hunar ustaxona-laboratoriyalariga — BHMning 1 200 baravarigacha; • “Yangi avlod tadbirkorlari” sertifikatiga ega yoshlarga — BHMning 500 baravarigacha; • “Book cafe” loyihalariga — 1 mlrd so‘mgacha; • Chet tili kurslari va boshqa loyihalarga ham moliyaviy ko‘mak. 📈 XARAJATLARNI QOPLASH • MVP yaratish xarajatlarining 50 foizigacha; • Xalqaro akseleratsiya dasturlarida ishtirok etish xarajatlarining 50 foizigacha; • R&D markazlarida MVP yaratish uchun 50 ming AQSH dollarigacha; • Patent va tovar belgilarini ro‘yxatdan o‘tkazish xarajatlari uchun subsidiya. 🚀 STARTAPLAR UCHUN INVESTITSIYALAR • Eksport salohiyatiga ega loyihalarga — 5 mlrd so‘mgacha; • “Yosh tadbirkorlar” chempionatining eng yaxshi 100 ta loyihasiga — 1 mlrd so‘mgacha; • Ideaton va xakaton g‘oliblariga — 20 ming AQSH dollarigacha konvertatsiya qilinadigan qarz. 🎓 “COMBINATOR” DASTURLARI Uz-Combinator, Business-Combinator va Creative-Combinator dasturlari orqali yoshlarning biznes g‘oyalari va startap tashabbuslarini rivojlantirish qo‘llab-quvvatlanadi. Ishtirokchilarga BHMning 30 baravari miqdorida bir martalik mukofot beriladi. 📌 KIMLAR ISHTIROK ETISHI MUMKIN? Startap loyiha tashabbuskori 18 yoshdan 30 yoshgacha bo‘lgan O‘zbekiston Respublikasi fuqarosi bo‘lishi lozim. 💡 Sizda biznes g‘oya yoki startap loyiha bormi? Endi uni amalga oshirish uchun yanada keng imkoniyatlar mavjud! G‘oyangizni loyihaga, loyihangizni muvaffaqiyatli biznesga aylantiring! Bizni kuzating Website | Telegram | Instagram | Facebook | Youtube | X

No text

No text

Yapon tilini bepul o‘rganing va xalqaro karyera imkoniyatlarini qo‘lga kiriting Buxoro va Samarqand viloyatlarida yoshlar uchun bepul yapon tili kurslariga qabul boshlandi. Ishtirokchilar 5 oy davomida, haftasiga 12 soatdan oflayn ta’lim olib, yapon tilidan JLPT N3–N1 darajalariga tayyorgarlik ko‘rish, kasbiy va muloqot ko‘nikmalarini rivojlantirish imkoniyatiga ega bo‘ladi. Shuningdek, dastur bitiruvchilarni IT va ITES kompaniyalariga ishga joylashtirishda ko‘maklashishni ham nazarda tutadi. Kimlar ishtirok etishi mumkin? ➖ 18–30 yoshdagi yoshlar; ➖ Yapon tilini kamida JLPT N5 darajasida biladigan nomzodlar. Nomzodlar onlayn ariza, motivatsion xat hamda suhbat yoki test asosida saralab olinadi. 📆 Arizalar 20-noyabrga qadar qabul qilinadi. ⚙️Qo‘shimcha ma’lumot uchun: +998 93 322 56 89 — @farrukh_2001 +998 97 037 33 88 — @abror_fanur ➡️ Ro‘yxatdan o‘tish: https://forms.gle/qzouZqGLpgWCPQqZA Bizni kuzating Website | Telegram | Instagram | Facebook | Youtube | X

No text

Kasbiy ta’limda 1 837 nomdagi ilg‘or o‘qitish materiallari to‘plami ommalashtirildi Kasbiy ta’lim agentligi tomonidan kasbiy ta’lim muassasalari pedagoglarining umumkasbiy va maxsus fanlar bo‘yicha ilg‘or tajribasi asosida yaratilgan 1 837 nomdagi o‘qitish materiallari to‘plami respublika miqyosida ommalashtirildi. 📖1 837 nomda — jami ommalashtirilgan o‘qitish materiallari to‘plamlari; 📌91 nomda — 2026-yilda ommalashtirilgan to‘plamlar. Mazkur materiallar pedagoglar uchun dars mashg‘ulotlarini mazmunli tashkil etish, zamonaviy metodik yondashuvlardan foydalanish va o‘zaro tajriba almashishda muhim manba bo‘lib xizmat qiladi. Materiallar bilan tanishing: https://edu.profedu.uz/materiallar 📧 Murojaat uchun: [email protected] 📞Telefon: 71-246-32-51 Bizni kuzating Website | Telegram | Instagram | Facebook | Youtube | X

No text

Temiryo‘l montajchilari uchun Germaniyada o‘qish va ishlash imkoniyati Migratsiya agentligi va Germaniyaning Deutsche Bahn kompaniyasi o‘zbekistonlik yoshlarni temiryo‘l montajchisi kasbi bo‘yicha 3 yillik dual kasbiy ta’lim dasturiga taklif qilmoqda. Dastur imkoniyatlari: 🎓Nazariy ta’lim, amaliy tajriba va oyiga 1 400–1 560 yevro to‘lov olish imkoniyati. 📆 Har yili 30 kunlik haq to‘lanadigan ta’til hamda Toshkentda nemis tilini B2 darajasigacha o‘rganish imkoniyati. ✅Nomzodlarga qo‘yiladigan asosiy talablar: 18–25 yoshda bo‘lish; Nemis tilini kamida B1 darajasida bilish va tegishli sertifikatga ega bo‘lish; ➡️Dastur tafsilotlari va ariza topshirish tartibi bilan tanishing. https://db.jobs/ua-ru/montjor-puti-14036046 ✉️Ma’lumot uchun: +998 90 054 02 27 (Migratsiya agentligi). Bizni kuzating Website | Telegram | Instagram | Facebook | Youtube | X

No text

No text

No text

No text

No text