Language EN

ODUU AMMEE: Magaalaa Maqaleetti Buufanni Tamsaasa 'Tigray TV' Dirooniin Rukutamuu…

ABDII SABAA, @abdii_sabaa

Open in Telegram
#20648Photo

ODUU AMMEE: Magaalaa Maqaleetti Buufanni Tamsaasa 'Tigray TV' Dirooniin Rukutamuu Gabaafame; Magaalaa Allaamaaxaatti Tajaajilli Neetwoorkii Cite Walitti bu'iinsa fi waraana kaaba biyyattii keessatti haareffame hordofuun, ganama har'aa magaalaa Maqalee keessatti giddu-galli tamsaasa miidiyaa 'Tigray TV'—kan dhiheenya kana Abbaa Taayitaa Miidiyaalee Itoophiyaatiin tamsaasni isaa dhorkamee ture—haleellaa dirooniitiin rukutamuu isaa maddeen gabaasaniiru. Haleellaan kun dhiphinaa fi sodaa nageenyaa naannicha keessa jiru daran kan hammeesse yoo ta'u, miidhaa qaqqabe ilaalchisee odeeffannoon dabalataa qulqullaa'aa jiraachuu beekameera. Gama biraatiin, magaalaa Allaamaaxaa keessatti tajaajilli neetwoorkii fi bilbilaa guutummaatti addaan cituu isaatiin, qunnamtiin bilbilaa bakkeewwan muraasa filataman qofatti hojjetaa akka jiru jiraattonni ibsaniiru. Haaluma kanaan wal qabatee, miseensonni humnoota nageenyaa mootummaa magaalattii keessatti socho'aa jiru. Waraanni fi walitti bu'iinsi uumame kun hatattamaan akka dhaabbatuuf qaamoleen garaa garaa fi hawaasni waamicha dhiyeessaa jiru. Waraanni obbolummaa kun du'aa fi miidhaa lammiilee nagaa kan baay'isu, mancaatiin qabeenyaa akka hammaatu kan taasisuu fi guddina biyyaa boodatti kan harkisu waan ta'eef, waldiddaan jiru hundi karaa nagaa fi araaraatiin akka furamu hawwii uummata bal'aati. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Open in Telegram
Views51,160+10%vs avg
Forwards8
Reactions102
Comments—

Views growth

Hours after publication

Show as table
Hours after publicationViews
0 h0
1 h7,188
10 h40,221
28 h51,160
  1. After 1 hour7,188
  2. After 24 hours51,160
  3. Total to date51,160

Mentions@abdii_sabaa

Reactions

  • ❤86
  • 🎉4
  • 👏4
  • 😭3
  • 🤯3
  • 🕊2

More from ABDII SABAA

  1. 01

    Ministeerri Barnootaa Ramaddii Barattoota Sagantaa Deeggarsaa (Remedial) fi Barattoota Yuunivarsiitiiwwan Tigraay Ifoomse Ministeerri Barnootaa Itoophiyaa barattoota qormaata biyyaalessaa kutaa 12ffaa bara 2018 fudhatanii qabxii seensa dhaabbilee barnoota olaanoo sagantaa deeggarsaatiin ykn 'Remedial' galmeessisan, akkasumas barattoota haaraa bara 2019tti yuunivarsiitiiwwan mootummaa naannoo Tigraay keessatti argamanitti ramadaman hundaaf ramaddii isaanii ifoomsuu beeksiseera. Haaluma kanaan, barattoonni ulaagaa kana guutan hundi marsariitii 'https://student.ethernet.edu.et/view-placement' jedhamutti fayyadamuun yuunivarsiitii itti ramadaman salphaatti ilaallachuu akka danda'an ibsameera. Gama biraatiin, barattoonni ramaddii taasifame kana irratti komii ykn gaaffii qaban yoo jiraate, marsariitii komii ittiin dhiyeessan 'https://student.ethernet.edu.et/complaints' jedhamutti fayyadamuun iyyannoo isaanii karaa toora interneetii dhiyeessuu akka danda'an ergaan dabarfameera. Dabalataanis, haala yeroo ammaa naannoo Tigraay keessa jiruun wal qabatee, barattoota haaraa ramaddii isaanii yeroof gara yuunivarsiitiiwwan mootummaa naannoo sanaan ala jiranitti jijjiirrataniifis ramaddiin kan ifa ta'e yoo ta'u, isaanis marsariituma 'https://student.ethernet.edu.et/view-placement' jedhamu kanaan seenanii ilaallachuu akka danda'an ministeerichi eereera. Akkasumas, barattoota idilee turan kanaan dura yuunivarsiitiiwwan naannoo Tigraay keessatti barachaa turanii fi yeroof gara dhaabbilee birootti akka ramadaman iyyannoo dhiyeessanii turaniifis ramaddiin isaanii xumurameera. Barattoonni kunniin ramaddii isaanii haaraa marsariitii 'https://student.ethernet.edu.et/university-transfer/' jedhamu irratti lakkoofsa eenyummaa dijitaalaa ykn 'Faayidaa' isaanii sirriitti galchuun mirkaneeffachuu akka danda'an ifoomeera. Barattoonni hundi of eeggannoodhaan ramaddii isaanii akka ilaallatanii fi qophii barbaachisu akka taasisan dhaamameera. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

    Photoalbum
    Views77.8K
    Forwards257
    Reactions506
    Comments—
  2. 02

    No text

    Photoalbum
    Views77.5K
    Forwards261
    Reactions—
    Comments—
  3. 03

    No text

    Photoalbum
    Views69.7K
    Forwards4
    Reactions—
    Comments—
  4. 04

    No text

    Photoalbum
    Views68.6K
    Forwards4
    Reactions—
    Comments—
  5. 05

    No text

    Photoalbum
    Views66.5K
    Forwards12
    Reactions—
    Comments—

All posts of ABDII SABAA