Посты канала Pressball | Abdulaziz Iskandarov

Озгина эмоция кўрсатилса тамом, дисквалификация, жарима ва ҳоказо. Футболни балет қилиб юбордик. Бунда ҳамманинг айби бор клублар, ЎФА, ПФЛ, ҳакамлар.

Менимча, муаммо ғалабага бўлган иштиёқ йўқлигида эмас. Муаммо сал бошқа жойда. Эсингизда бўлса, ЖЧ вақтида ҳам мутахассислар ўзбекистонлик футболчилар ҳақида «рақибга ўта даражада ҳурмат кўрсатиб ўйнашяпти», деган фикрларни билдиришган эди. ЛЧда ҳам футболчиларимиз шунақа ўйнашяпти. Русларда «спортивная злость» деган яхши тушунча бор. Яъни жаҳл билан, қаттиқлик билан, агрессия билан ўйнаш. Менимча, айнан шу нарса етишмаяпти. Олдинлари бизнинг футболчилар шу даражада агрессив ўйнашардики, техникаси бор рақиб ҳам ўз техникасини кўрсатишга иккиланарди. «Ҳозир оёғимни узиб олади», деган ҳис бўларди. Ҳозир эса аксинча. Рақибни ҳурмат қиламиз, лекин баъзида ҳаддан ташқари ҳурмат қиламиз. Бунақа «нозиклашиб» кетишимизда ҳакамларимизнинг ҳам ҳиссаси бормикан, деб ўйлайман. Бир футболчимиз бор эди. Ўз чемпионатимизда жуда қўпол ва агрессив ўйнарди. Деярли ҳар мавсумда жуда кўп қизил карточка оларди. Кейин шу футболчининг Эрон чемпионатига ўтишига ёрдам бергандик. Биринчи машғулотдан кейин оёқлари кўкариб, шилиниб қайтиб келди. Бизда эса машғулотларда "хой эҳтиёт бўл, хой тегиб кетма" бўлади. Расмий ўйиндан кейин эса: «Ака, бу ерда зўр экан. Мазза қилиб ўйнаса бўлар экан. Ҳакамлар бўлар-бўлмасга ҳуштак чалавермас экан», — деганди. Энг қизиғи, ўша футболчи Эрон чемпионатида бир неча йил ўйнади ва бир марта ҳам қизил карточка олмади. Балки бизда ҳам ҳакамларга: «Футбол — контактли ўйин. Ҳар бир қаттиқ тўқнашувда ҳуштак чалаверманглар», деб айтиш пайти келгандир. Ички чемпионатимизда ҳакамлар ўйин темпини ушлаб туришдан кўра, хар қандай кичик контактда ҳуштак чалиб, вазиятни «юмшатишга» ўрганиб қолишган. Натижада, футболчиларимизда курашувчанлик иммунитети пасайиб кетди. Улар ҳар бир тўқнашувда ҳакамдан нажот кутишга, сал қаттиқроқ ўйналса, йиқилиб фол ишлашга одатланишади. Ўйинни ҳакам тўхтатишини кутиб ўтиришади. ОЧЛ Элита каби юқори даражадаги мусобақаларда ёки жисмоний курашларга асосланган жамоаларга қарши ўйинларда эса, хорижлик ҳакамлар бундай майда контактларга эътибор ҳам бермайди. Шу нарса баъзан натижага таъсир қиляпти. Футболчи қаттиқ ўйнашдан қўрқса, рақиб ҳам бундан фойдаланади. Баъзида ғалаба учун фақат маҳорат ва тактика эмас, «спортивная злость» ҳам керак. @Salimov_futbol

Лутфулла Тўраев ўйнаган 1988 йилларни терма жамоадаги устози Ислом Аҳмедов бўлган. Ўша терма жамоа U-19 Осиё чемпионатида хатто саралашдан ўта олмаган.

Битта гап, кеча ҳаммадан ҳам "Пахтакор" намойиш қилган ўйин, танланган услуб ёқди. Ўша ҳимояга ётиб олганида ҳам, минг ёпиқ ўйин таклиф қилганида ҳам ютқазарди. Рақиб кучли эканлиги маълум эди. Лекин "шерлар" стадионга келганларга лоақал чиройли ўйин кўрсатишга ҳаракат қилишди. Олдинда вазиятлар яратишга, рақиб жарима майдончасига қарата кескин юришлар қилишга уринди. Ҳа, хатолар бор, жамоа ютқазди, 6 та гол ўтказди. Лекин футбол ўйнаб ютқазди. Ҳужумларга нуқта қўйишда Феликс даражасини кўрсатди, холос. Борини айтиш керак, тамом.

⚡️ Эксклюзив! Лутфулла Тўраевнинг ёши "урилган"ми? МТЖ собиқ ярим ҳимоячиси иштирокидаги таҳлилий эфирни тўлиқ ҳолда YouTube саҳифамизда томоша қилинг: https://youtu.be/grS4vsFAcVY @fm90minutuz

Менимча, яқин йилларда халқаро майдонда клубларимиздан ҳеч нарса кутмаслик керак. Ўзи кутмаётгандик ҳам...

🔵🔵 "Насаф"да сўнгги имконият | Лутфулла Тўраев билан ОЧЛ 2 таҳлили 📺 Эфирни томоша қилинг: https://youtu.be/grS4vsFAcVY @fm90minutuz

Рауф Инилеевни гапини эслашга мажбурмиз.

Маълумот учун, "Пахтакор"нинг ОЧЛ (олдин Осиё клублар чемпионати) энг йирик ҳисобдаги мағлубияти 1999 йил қайд этилган. Ўшанда "шерлар" Қозоғистоннинг "Иртиш" клубига 0-7 ҳисобида енгилган.

ГООООЛ. "Пахтакор" ўйинга қайтди. Фламарион 1-3

"Пахтакор" — Феликс 0-3

Биз тайёрмиз🔥

Ички ҳиссиёт. Эртага "Пахтакор" ютқазмайди. Ватан учун 🔥

Тарқаламиз! Мен қарор қилдим, Роналду Тошкентга келмаса, мен Роналдуни олдига бораман. Фақат билет қилиб беришса бўлди😂

Садио Манени мухлислари бора, мен учун ҳурматга лойиқ футболчи! 😂 Роналду братан балки шахсий вертолётида учиб келар?

— Мен келаси йил "Машъал" бўладими-йўқми билмайман. 7-8 ойдан бери маош бермаётган клуб балки 90 фоизга ёпилиб кетишиям мумкин. Пулимиз йўқ, ҳомийимиз йўқ. Нима бўлишини билмайман. Билишимча, ҳукумат ёрдами Пролига жамоаларига тааллуқли эмас, шу боис бир нарса дейиш қийин. (с) Сергей Лушчан

Ваня Илич 🤦‍♂🤦‍♂🤦‍♂ Артём Потапов 🧤🧤🧤

Маълумот учун, Суперлигамиз тарихида энг кам очко жамғарган ва қуйи лигага тушиб кетган жамоа "Хоразм" ҳисобланади. "Хоразм" 2006 йилги мавсумни 3 очко билан якунлаган.

Торнике Дзебниаури "Насаф"нинг "қотили" Футболчи биринчи даврада термизликлар сафида "аждарлар"га ғалаба голини урган эди. Ҳозирча "Сурхон" - "Насаф" учрашуви давом этмоқда.

🎤 "Яна бир йил ўйнашга кучим ҳам, хоҳишим ҳам етади" — Драган Черан 🏟 "Андижон"дан кетиши сабаби ⚡️ Ёш ҳужумчилар муаммоси: иқтидорлар кўп, аммо... 🦅 "Бургутлар"га совринли ўринлар учун нима керак? 🥾Черан бутсаларини ҳали михга илмоқчи эмас БАТАФСИЛ: https://championat.asia/t/PS8L2hOOMCWS @championatasia

Менга қолса, Роналду келмагани яхши. Одамга ўхшаб кутиб олмаймиз. Бензема ёдингиздами? Атрофида 50 та блогерлар, оавга ишлагани қўймайди. Уларни на аккредитацияси бор, на микст зонада тартиб бор, на аэропортда. Бу шахсий фикрим.

Ўзи клубларимизни олиш учун инвесторлар турнақатор бўлиб турганида ҳам майли эди. Борини ҳам йўқ қилиш, энди билмадим...

Водийлик катта ёшли футбол мухлислари ака-ука футболчилар Захириддин, Зайниддин, Зухриддин Акбаровларни яхши билишади. Уларнинг иккинчиси Зухриддин Акбаровнинг ўғли Азиз Кошибхонов яқинда "Нефтчи" (Қўчқор-Ота) иккинчи маротаба Қирғизистон Кубогини қўлга киритди. Бунгача у "Мурас Юнайтед" билан ҳам мазкур совринга эга чиққан.

Бундан буён "Андижон" номларни олиб келишни эмас, номларни етиштириб чиқаришни ўйлаши керак. Агар мухлислар сабр қила олишсааааа....

Черан мавсум тугамай "Андижон"ни тарк этди

Саудия Арабистони бош мураббийи Йоргос Дониснинг Ўзбекистон клубларига қарши статистикаси. Эндиликда мутахассис терма жамоа миқёсида Ўзбекистон билан тўқнаш келади. 2015. "Ал Ҳилол" - "Локомотив" 3:1 2015. "Локомотив" - "Ал Ҳилол" 1:2 2016. "Пахтакор" - "Ал Ҳилол" 2:2 2016. "Ал Ҳилол" - "Пахтакор" 4:1 2016. "Ал Ҳилол" - "Локомотив" 0:0 2016. "Локомотив" - "Ал Ҳилол" 2:1

Водий жамоаси Илёс Зейтуллаевга бўлган қизиқишини ҳали ҳам йўқотмаган. Лекин Зейтуллаев айни пайтда бор эътиборини "Каттақўрғон"га қаратган.

Sizda avtomobil va boshqa sovrinlar yutib olish imkoniyati bor! Ishtirok etish shartlari quyidagicha: ✔️ InfinBLACK kredit kartasi yoki InfinSMART muddatli to‘lov kartasini rasmiylashtirish; ✔️ xaridlar va xizmatlar uchun to‘lovlarni karta orqali amalga oshirish; ✔️ qarzdorlikni o‘z vaqtida so‘ndirish; ✔️ Instagram sahifamizga obuna bo‘lish: https://www.instagram.com/investfinancebank BYD Yuan Up avtomobili g’olibini har chorakda aniqlaymiz, shuningdek, har oy ishtirokchilar orasidan iPhone 17 Pro Max, AirPods va iPad g‘oliblarini jonli efirda e’lon qilamiz. Kartalarni ochish uchun mobil ilovadagi "Kartalar" bo‘limida buyurtma bering: https://infinbank.go.link/lmKlk

🇺🇿 Артём Филипосян: Ўзбекистонда туғилдингми, ўзбек тилини билишинг керак! Ўзбекистон миллий терма жамоаси собиқ ҳимоячиси Артём Филипосян "90minutuz" подкастида меҳмон бўлиб, она диёримиз ва давлат тилимизга бўлган самимий эҳтиромини кўрсатди. Унинг бу сўзлари барчага ибрат. Ўзи шу заминда туғилиб, нон-тузини еб, лекин исм-фамилиясини ўзбекча ёзсангиз бурнини жийириб, "менинг фамилиям ундай эмас, бундай" деб руслаштиришга уринадиган айрим "ўзимизникилар"ни ҳам кўрганман. Артём ака эса асл фуқаролик маданияти, садоқат ва ҳурмат қандай бўлишини исботлаб қўйди. Миллатидан қатъи назар ўзи униб-ўсган ватан тилини қадрига етган инсонлар ҳамиша эъзозда. Самимий муносабатингиз юксак ҳурматга лойиқ. Раҳмат сизга, Артём ака! #view @uz_eksport

Терма жамоамиз Жаҳон чемпионатига тайёргарликни бир ой олдин бошлади. Бу тайёргарликнинг «бадали»ни эса клубларимиз халқаро майдонларда тўлаб беришяпти. Фақат терма жамоани эмас, клубларни ҳам ўйлайдиган вақт келди. Раҳбарларимиз шуни тушунишлари керакки, кучли терма жамоа, аввало, кучли клубларга боғлиқ. Клублар халқаро майдонда салбий натижалар қайд этса, бу рейтингимизга таъсир қилади. Рейтинг пасайгани сари халқаро мусобақаларда иштирок этадиган клубларимиз сони ҳам қисқариб боради. Клубларимиз халқаро майдонда қанча кам иштирок этса, шунча кўп футболчиларимиз юқори даражадаги халқаро тажрибадан четда қолади. Бу эса ёш ўйинчиларнинг ўсишига, тажриба тўплашига ва келажакда терма жамоага сифатли футболчилар етказиб бериш жараёнига ўз таъсирини ўтказади. Яна бир жиҳат бор. Кўпчилик «тиғиз календарь бутун дунёда бор, бу қуруқ гап», дейиши мумкин. Бир томондан, бу тўғри. Лекин халқаро майдонда ўйнайдиган жамоалар учун нафақат ўйинлар сони, балки сафар масофаси ҳам тикланишга жиддий таъсир қилади. Европада масофалар нисбатан қисқа бўлгани учун бу ҳар доим ҳам сезилмаслиги мумкин. Лекин узоқ масофага учиш керак бўлса, улар ҳам норози бўлишни бошлайди. Масалан, ўтган мавсум Қозоғистоннинг «Қайрат» жамоаси ЕЧЛда ўйнаганида, бир қатор рақиблар узоқ сафар ва тикланиш учун вақт камлигидан норози бўлишди. Улар орасида «Реал» Мадрид, «Спортинг» ва «Селтик» каби жамоалар ҳам бор эди. Бу жамоаларнинг аксарияти чартер рейсларда тўғридан-тўғри учади. Бизнинг клублар эса баъзан транзитлар билан 10–12 соатлаб йўлда бўлишга мажбур. Шунинг учун «ҳаммада календарь тиғиз» деган гап билан масалани ёпиб қўйиш тўғри эмас. Шароитлар ҳам бир хил эмас. Албатта, бу бир кунда ёки бир мавсумда сезиладиган жараён эмас. Бу аста-секин, йиллар давомида таъсир қиладиган ҳолат. Чет эллик мураббий учун эса асосий вазифа — ўз ишлаётган даврида натижа кўрсатиш. Клуб футболининг бир неча йилдан кейинги ҳолати, рейтинг, халқаро квота ва футболчиларнинг ривожланиши эса кенгроқ тизимли масала. Шунинг учун бу жараённи, энг аввало, ўзимиздаги раҳбарият ўйлаши керак. Кучли терма жамоа — кучли клубларсиз бўлмайди. Кучли клублар эса халқаро майдонда мунтазам иштирок ва муносиб шароитсиз ривожлана олмайди. @Salimov_futbol