Muslimbek Abdurahimov

Без текста

Без текста

Без текста

“Bolalik kutib turmaydi”: Saida Mirziyoyeva Qashqadaryodagi muammolarga e’tibor qaratdi Saida Mirziyoyeva Qarshidagi 43-maktab va 1-bog‘cha sharoiti bilan tanishdi. Bog‘cha avariya holatida, maktab sinfxonalari esa sovuq, partalar eskirgan. Endi eski bog‘cha o‘rnida 360 o‘rinli yangi bog‘cha quriladi, maktab esa zamonaviy sharoitlar bilan ta’minlanadi. Shuningdek, Qarshidagi “Chap tarmoq” kanali betonlashtirilib, 1,4 ming gektar tomorqa suv bilan ta’minlanadi. Kanal bo‘yida 25 ming aholi uchun dam olish maskanlari yaratiladi. Saida Mirziyoyeva viloyat narkologiya muassasasiga ham tashrif buyurib, davolash va reabilitatsiya tizimini tubdan yangilash bo‘yicha maxsus dastur ishlab chiqilishini ma’lum qildi. “Eng muhimi, odamlar bu o‘zgarishlarni kundalik hayotida his qilishi kerak”, — deya ta’kidladi u. 👉 @Muslimbek_Abdurahimov

🔊 O‘FA Kannavaroning iste’foga chiqishi mumkinligi haqidagi xabarlarni asossiz deb atadi O‘zbekiston futbol assotsiatsiyasi terma jamoa bosh murabbiyi Fabio Kannavaroning lavozimini tark etishi mumkinligi haqidagi ma’lumotlarga munosabat bildirdi. ⚪️ Avvalroq xorijiy OAVda Osiyo kubogi–2027 musobaqasi muddatining o‘zgarishi ortidan italiyalik mutaxassis iste’foga chiqishi mumkinligi haqida xabarlar tarqalgan edi. ⚪️ Assotsiatsiya muxlislar va jurnalistlarni bunday xabarlarga emas, faqat rasmiy manbalarda e’lon qilingan ma’lumotlarga tayanishga chaqirdi. 👉 @Muslimbek_Abdurahimov

Alisher Usmonov Germaniya sudida Yevropa Ittifoqiga qarshi muhim g‘alabaga erishdi Germaniyaning nufuzli Die Welt nashri tadbirkor Alisher Usmonovning suddagi g‘alabasiga bag‘ishlangan maqola e’lon qildi. Nashr ushbu voqeani Yevropa Ittifoqining sanksiya siyosatiga ta’sir ko‘rsatishi mumkin bo‘lgan muhim huquqiy jarayon sifatida baholamoqda. Maqolada ta’kidlanishicha, Yevropa Ittifoqi Usmonovga qarshi tasdiqlanmagan ayblovlardan foydalangan, Germaniya rasmiylari esa qariyb uch yil davomida uning o‘z huquqlarini himoya qilishiga to‘sqinlik qilgan. Uzoq davom etgan huquqiy kurashdan so‘ng Usmonov Germaniya sudida o‘z manfaatlarini himoya qilish yo‘lida muhim natijaga erishdi. Die Welt talqiniga ko‘ra, ushbu sud qarori nafaqat Usmonov uchun, balki kelgusida Yevropa Ittifoqi sanksiyalariga qarshi sud orqali e’tiroz bildirish amaliyoti uchun ham muhim ahamiyat kasb etishi mumkin. 👉 @Muslimbek_Abdurahimov

Prezident: “Chet elda mehnat qilayotgan yurtdoshlarimiz — haqiqiy mard insonlar!” Bugun Prezident Shavkat Mirziyoyev poytaxtimizning Uchtepa tumanidagi “Intil” xalqaro til va kasbga o‘qitish markazida mehnat migratsiyasi sohasidagi ustuvor vazifalar yuzasidan yig‘ilish o‘tkazdi. Davlatimiz rahbari xorijda mehnat qilayotgan yurtdoshlarimiz haqida alohida to‘xtaldi: “Chet elda ishlayotgan har bir yurtdoshimiz oilasining rizqi, farzandlari kelajagi uchun tinimsiz mehnat qilayotgan haqiqiy mard insonlardir. Ular ham bizning fuqarolarimiz, bizning farzandlarimiz. Qayerda ishlashidan qat’i nazar, fuqarolarimiz huquqini himoya qilish — davlatning doimiy burchi va vazifasi”. Prezident xorijda mehnat qilayotgan birorta ham yurtdoshimiz o‘z muammosi bilan yolg‘iz qolmasligi kerakligini qat’iy ta’kidladi. Endilikda chet elda muammoga duch kelgan fuqaro elchi yoki konsulni izlab yurmaydi. “Onlayn mahalla” platformasi orqali yordam so‘rab murojaat qoldiradi. Zarur vaziyatda elchining o‘zi uning oldiga borib, huquqlarini himoya qiladi, muammosiga yechim topadi. Davlatimiz rahbari mutasaddilarga ushbu tizimni 10 kun ichida yo‘lga qo‘yish va samarali ishlashini ta’minlash bo‘yicha takliflar kiritishni topshirdi. Muhim jihati — mehnat migrantlariga munosabat o‘zgarmoqda. Xorijda ishlayotgan inson shunchaki pul jo‘natuvchi emas, balki davlat himoyasiga haqli, qadri baland fuqaro sifatida e’tirof etilmoqda. 👉 @Muslimbek_Abdurahimov

Tasavvur qiling, shu haydovchi avvalgidek pulga prava sotib olib, gavjum ko‘chaga chiqqanida nima bo‘lardi? Bu hali imtihon topshirishga kelgan nomzodlar. 👉 @Muslimbek_Abdurahimov

Без текста

Без текста