Посты канала O'zbekiston 24 | Live

Prezident: “Migratsiyada katta imkoniyatni boy beryapmiz” 👉 O’zbekiston 24 | Live

10 yilgacha qamoq: kimlarga? O‘zbekistonda 2026-yil 2-noyabrdagi O‘RQ–1185-sonli qonun bilan ekstremistik, separatistik, fundamentalistik va boshqa taqiqlangan tashkilotlarda ishtirok etganlik uchun jazo kuchaytirilib, 5 yildan 10 yilgacha ozodlikdan mahrum qilish jazosi belgilandi. Zo‘ravonlikka da’vat etuvchi materiallarni tarqatish maqsadida saqlash, taqiqlangan tashkilotlar ramzlarini tayyorlash yoki tarqatish esa ma’muriy javobgarlikka sabab bo‘ladi. Bunda fuqarolarga 50–100 BHM, mansabdor shaxslarga 100–150 BHM miqdorida jarima yoki 15 sutkagacha ma’muriy qamoq belgilangan. Qonun rasmiy e’lon qilingan kundan kuchga kiradi. 👉 O’zbekiston 24 | Live

Buxoroda 28 milliard dollarlik loyihalar amalga oshirilishi mumkin Prezident Shavkat Mirziyoyev viloyatning xomashyo va energiya resurslari hamda tadbirkorlik salohiyatidan samarali foydalanish orqali uch yil ichida 28 milliard dollarlik loyihalarni amalga oshirish imkoniyati mavjudligini ta’kidladi. 📌 Ularning 17 milliard dollari neft-gaz va kimyo sanoati hissasiga to‘g‘ri keladi. Davlatimiz rahbari Buxoro neftni qayta ishlash zavodi quvvatlarini oshirish uchun yetakchi texnologik kompaniyalarni jalb etish hamda Kogon tumanida neft-kimyo ilmiy-sanoat klasterini tashkil etish vazifalarini belgiladi. Mazkur tashabbuslar xomashyoni chuqur qayta ishlash va yuqori qo‘shilgan qiymatli mahsulotlar ishlab chiqarishni kengaytirishga qaratilgan.i. 👉 O’zbekiston 24 | Live

Prezidentdan hamshiralarga muhim chaqiriq 👉 O’zbekiston 24 | Live

Buxorodagi neft-kimyo klasterini kengaytirishga 292 mln dollar kiritiladi Loyihaga ko‘ra, 2028-yil oxiriga qadar korxonaning yillik qayta ishlash quvvati 400 ming tonnaga yetkaziladi hamda hududda 700 ta yangi ish o‘rni yaratiladi. 👉 O’zbekiston 24 | Live

Hamshiralar Milanga yo‘l olmoqda 👉 O’zbekiston 24 | Live

Buxoro NQIZ modernizatsiyasi: Yevro-5 benzini ishlab chiqarish kengaytiriladi Umumiy qiymati 328 million dollar bo‘lgan loyiha zavodning yillik quvvatini 5 million tonnaga yetkazish bilan birga, yuqori sifatli Ai-92 va Ai-95 benzin mahsulotlarini ishlab chiqarish hajmini oshirishni ko‘zda tutadi. 👉 O’zbekiston 24 | Live

Migratsiyada son emas, sifat muhim 👉 O’zbekiston 24 | Live

Ayrim ta’lim tashkilotlari akkreditatsiya uchun 4 barobar kam to‘lov qiladi O‘zbekistonda ta’lim tashkilotlarini davlat akkreditatsiyasidan o‘tkazish uchun belgilangan bazaviy yig‘imni 75 foizga kamaytirish imkoniyati yaratildi. Adliya vazirligi tomonidan 2026-yil 31-oktabrda ro‘yxatdan o‘tkazilgan hujjatga ko‘ra, muayyan shartlar asosida akkreditatsiya yig‘imining faqat 25 foizi to‘lanishi mumkin. Yengillik quyidagi holatlarda qo‘llaniladi: 🔹 Davlat rahbariyati yoki Hukumat topshiriqlarini bajarish uchun akkreditatsiya zarur bo‘lganda; 🔹 Ta’lim dasturlarining kamida 50 foizi tan olingan tashkilotlar tomonidan akkreditatsiyadan o‘tkazilgan bo‘lsa; 🔹 Akkreditatsiyani masofadan o‘tkazish imkoniyati mavjud bo‘lganda; 🔹 Bir vaqtning o‘zida 10 ta yoki undan ortiq ta’lim dasturi akkreditatsiyaga taqdim etilganda; 🔹 Turdosh dasturlar bo‘yicha baholash ishlari hajmi qisqarganda. Muhim: Yengillik avtomatik berilmaydi. Undan foydalanish uchun ta’lim tashkiloti belgilangan shartlardan kamida biriga javob berishi va tegishli murojaat yuborishi lozim. 👉 O’zbekiston 24 | Live

Migrantlar taqdiriga kim mas’ul? 👉 O’zbekiston 24 | Live

“Ikki yil oldin cho‘l edi bu yerlar” Prezidentimiz Buxoro tumanidagi neft-kimyo korxonasining texnik tafsilotlarigacha qiziqdi. 👉 O’zbekiston 24 | Live

Prezident turkiy davlatlar oldiga muhim vazifani qo‘ydi 👉 O’zbekiston 24 | Live

Qozog‘istonga kirish uchun elektron ruxsatnoma joriy etiladi Vizasiz tartibda boradigan xorijliklar safardan kamida 72 soat oldin QazETA ilovasi orqali bepul elektron ruxsatnoma olishi kerak. Hujjat 180 kun amal qiladi. Yangi talab 2027-yil 1-iyuldan majburiy kuchga kiradi. Ruxsatnomasi bo‘lmagan fuqarolarga mamlakatga kirish rad etiladi. 16 yoshgacha bo‘lgan bolalar, 65 yoshdan oshganlar hamda amaldagi vizasi yoki yashash guvohnomasi bor shaxslar bu tartibdan mustasno. 👉 O’zbekiston 24 | Live

Xorijdagi o‘zbekistonliklar muammosi “Onlayn mahalla” orqali hal etiladi Fuqarolar ushbu platformada yordam so‘rab xabar qoldiradi. Zarur hollarda elchining o‘zi fuqaro oldiga borib, uning huquqini himoya qiladi va muammosiga yechim topish bilan shug‘ullanadi. 👉 O’zbekiston 24 | Live

“Ikkinchi imkon” qanday loyiha? Davlatimiz rahbarining tashabbusi bilan joriy qilingan “Ikkinchi imkon” loyihasi oʻzining ilk natijalarini bera boshladi. Loyihaga jalb etilgan mahkumlarning ingliz tilini oʻzlashtirish darajasi oʻrtacha 89 foizni tashkil etadi. Bundan tashqari, tinglovchilarning 80 foizi “Kompyuter savodxonligi” kursini muvaffaqiyatli oʻzlashtirgani loyihaning amaliy samaradorligi yuqori ekanidan dalolat. 👉 O’zbekiston 24 | Live

Apple, Google va boshqa xorijiy kompaniyalar O‘zbekistonda 232,8 mlrd so‘m soliq to‘ladi 2026-yilning yanvar–sentyabr oylarida elektron xizmatlar ko‘rsatuvchi 109 ta xorijiy kompaniya tomonidan to‘langan soliqlar hajmi o‘tgan yilga nisbatan 85 foizga oshdi. Eng yirik soliq to‘lovchilar Apple, Google va Meta bo‘ldi. 👉 O’zbekiston 24 | Live

Prezident Shavkat Mirziyoyevning Buxoroga tashrifi Kogon tumanidagi Bahouddin Naqshband maqbarasi ziyoratidan boshlandi. Bu yerda Qur’on tilovat qilinib, xalqimizga tinchlik va farovonlik tilab, duo qilindi. 👉 O’zbekiston 24 | Live

“Yoshlarimizni chet elga oddiy ishchi emas, malakali mutaxassis sifatida yubormoqchiman” — Shavkat Mirziyoyev Prezident Toshkentdagi “Intil” xalqaro til va kasbga o‘qitish markazi faoliyati bilan tanishdi. Davlat rahbari xorijda ishlash istagidagi fuqarolarni kasbga o‘rgatish va yangi muhitga moslashtirish muhimligini ta’kidladi. 👉 O’zbekiston 24 | Live

Mobil radarlar haqida ogohlantirish talabi bekor qilindi Vazirlar Mahkamasining 2026-yil 29-oktabrdagi 596-son qaroriga muvofiq, mobil radarlar oldidan «Radar» yo‘l belgisini o‘rnatish majburiyati bekor qilindi. Endilikda ushbu talab faqat statsionar radarlar uchun amal qiladi. Ular joylashgan hududdan 250–500 metr oldin ogohlantiruvchi belgi o‘rnatilishi shart. Natijada haydovchilar mobil radarlar haqida oldindan ogohlantirilmasligi mumkin. 👉 O’zbekiston 24 | Live

O‘zbekistonda fuqarolarni xorijga ishga yuborish to‘liq xususiy bandlik agentliklariga o‘tkaziladi Yangi tartib 2027-yildan joriy etiladi. Yuqori daromadli ishga joylashtirilgan har bir fuqaro uchun agentliklarga 1,5 mln so‘mdan rag‘bat puli to‘lanadi. 👉 O’zbekiston 24 | Live

Erdo‘g‘on Shavkat Mirziyoyevni «Yangi O‘zbekiston me’mori» deb atadi 👉 O’zbekiston 24 | Live

OTM bitiruvchilari 4 mezon asosida baholanadi O‘zbekistonda “Bitiruvchi sifati indeksi”ni hisoblash tartibi tasdiqlandi. Unga ko‘ra, bitiruvchilar quyidagi ko‘rsatkichlar bo‘yicha baholanadi: - Ishga joylashish tezligi; - Bandlik barqarorligi; - O‘rtacha oylik daromad; - Mehnat faoliyati toifasi. Indeksda eng yuqori natijaga erishgan 20 ta OTMning Karyera markaziga har yili 500 million so‘mdan ajratiladi. 👉 O’zbekiston 24 | Live

Prezident: “O‘zbekiston uchun birov kelib hech narsa qilib bermaydi” Shavkat Mirziyoyev Italiyada ishlashga tayyorlanayotgan o‘zbekistonlik hamshiralar bilan uchrashdi. Ular yanvar oyidan Milan shahridagi shifoxonalarda ish boshlaydi. Davlat rahbari yoshlarni xorijiy tillar va kasb-hunar o‘rganishga, vaqtni qadrlashga chaqirdi. Shuningdek, xorijda O‘zbekiston madaniyati, urf-odatlari va tarixini munosib namoyon etish muhimligini ta’kidladi. 👉 O’zbekiston 24 | Live

Prezident xorijdagi mehnat stajini pensiya tayinlashda hisobga olish zarurligini ta’kidladi Shavkat Mirziyoyev xorijda qonuniy mehnat faoliyatini olib borayotgan O‘zbekiston fuqarolarining chet elda orttirgan ish stajini mamlakatimizda pensiya tayinlashda inobatga olish masalasini hal etish zarurligini qayd etdi. Joriy yilda Qirg‘iziston, Ozarbayjon va Turkiya bilan mehnat staji hamda pensiya huquqlarini o‘zaro tan olish bo‘yicha bitimlar imzolangan. Shuningdek, Germaniya, Rossiya, Yaponiya, Janubiy Koreya, Boltiqbo‘yi va Bolqon davlatlari bilan ham tegishli kelishuvlarga erishish vazifasi belgilandi. Mas’ul idoralarga ushbu davlatlar bilan muzokaralarni jadallashtirish va 2026-yil yakuniga qadar aniq natijalarga erishish topshirildi. 👉 O’zbekiston 24 | Live

O‘zbekistonlik taekvondochilar xalqaro turnirda ikki medalga sazovor bo‘ldi Serbiyaning Belgrad shahrida taekvondo WT bo‘yicha G-1 toifasidagi “Galeb Belgrade Trophy – Serbia Open 2026” xalqaro turniri bo‘lib o‘tdi. Musobaqada O‘zbekiston sharafini himoya qilgan Madina Mirabzalova oltin, Svetlana Saidova esa bronza medalini qo‘lga kiritdi. 👉 O’zbekiston 24 | Live

Germaniyadan 45 mingta ish o‘rni bo‘yicha so‘rov kelgan, ammo atigi 2 ming kishi ishga joylashgan Prezident Shavkat Mirziyoyev xorijda yuqori daromadli ish o‘rinlarini egallash uchun yoshlarni xorijiy tillarga o‘rgatish zarurligini ta’kidladi. Ma’lum qilinishicha, O‘zbekistonda ingliz tili sertifikatiga ega 200 mingga yaqin yosh bor. Germaniya esa joriy yilda 45 ming nafar mutaxassisga ehtiyoj bildirgan, biroq ulardan atigi 2 ming nafari ishga joylashgan. Bunga asosiy sabablardan biri nemis tilini biladigan kadrlar yetishmasligidir. Yig‘ilishda maktablarda xorijiy tillarni o‘qitishni kuchaytirish, o‘quvchilarni qo‘shimcha mashg‘ulotlarga jalb qilish va 9–11-sinflardanoq xorijda talab yuqori bo‘lgan kasblarga tayyorlash vazifalari belgilandi. 👉 O’zbekiston 24 | Live

Prezident migrantlarni kam daromadli ishlarga yuborayotgan hokimlarni tanqid qildi Shavkat Mirziyoyev xorijda mehnat qilayotgan fuqarolarning daromadlari hududlar kesimida sezilarli farq qilishiga e’tibor qaratdi. Davlat rahbari hokimlardan bu borada har oy tahlil o‘tkazish, migrantlar uchun munosib ish sharoitlarini yaratish va elchilar bilan hamkorlikni kuchaytirishni talab qildi. “Nimaga bir oyda bir marta tahlil qilmaysizlar? Hamma imkoniyatlar bor-ku, migrantlarga sharoit yaratish bo‘yicha elchilarni yig‘ib gaplashmaysizlarmi?” — deya savol bilan murojaat qildi Prezident. 👉 O’zbekiston 24 | Live

Prezident: “Chet elda ishlayotgan yurtdoshlarimiz haqiqiy mard insonlardir!” 👉 O’zbekiston 24 | Live

Avtobuslar kechki soat 23:00 gacha qatnaydi! Poytaxtdagi 20 ta jamoat transporti yo‘nalishida qatnov vaqtini yarim tungacha uzaytirish masalasi ko‘rib chiqilmoqda. Ular temiryo‘l va avtovokzallar, aeroport, metro bekatlari hamda aholi zich yashaydigan hududlarni o‘zaro bog‘laydi. Xalq deputatlari Toshkent shahar Kengashining 2026-yil 30-oktabrdagi qaroriga muvofiq, mas’ul tashkilotlar ushbu yo‘nalishlarda soat 21:00 dan 23:00 gacha qatnovni tashkil etish imkoniyatini o‘rganadi. Taklif amalga oshirilsa, kechki reyslarda avtobuslar oralig‘idagi interval 15–20 daqiqadan oshmasligi kerak. Masalani ko‘rib chiqish va tegishli choralarni belgilash uchun 2026-yil 1-dekabrgacha muddat berilgan. 👉 O’zbekiston 24 | Live

Avtobuslar endi qoidabuzarliklarni fosh etadi Toshkentda jamoat transportining old qismiga yo‘l harakati qoidalari buzilishini avtomatik qayd etuvchi mobil videokameralar o‘rnatiladi. Ular harakat davomida aniqlangan qoidabuzarliklar haqidagi ma’lumotlarni YHXBning yagona bazasiga uzatadi. Mazkur tizimni 2026-yil 15-dekabrga qadar ishga tushirish rejalashtirilgan. Bu bilan birga, jamoat transporti harakati uchun ajratilgan «A» yo‘laklarida ham nazorat kuchaytiriladi. Xususan, 1-noyabrdan ushbu yo‘laklarda shaxsiy va yengil avtomobillarning noqonuniy harakatlanishi hamda to‘xtashiga qarshi reydlar o‘tkazилади. 👉 O’zbekiston 24 | Live