Посты канала Жамолиддин Муҳаммаджон

Internet kitobning örnini bosa oladimi? Ilgari insonlar yangi bilim va ma’lumot oliş uçun köproq kitoblarga murojaat qilgan. Bugun esa internet, ijtimoiy tarmoqlar va qisqa videolar orqali ham kerakli ma’lumotni tez topiş mumkin. Natijada köpçilikning vaqti mutolaadan köra kontent tomoşa qilişga sarflanmoqda. Biroq ma’lumotga tez ega böliş uni çuqur özlaştiriş bilan bir xil emas. Kitob öqiş insonning bir mavzuga diqqatini jamlaşi, fikrlaşi va bilimni izçil özlaştirişiga yordam beradi. 💬 Qisqa kontent davrida kitobga qiziqişni qanday oşiriş mumkin? @jamoliddin_blog

Kitobni sevgan inson yaxşi kitob dökoni qura oladimi? Kitobga bölgan muhabbat – kitob dökonini oçiş uçun yaxşi boşlaniş. Biroq yaxşi kitobxon böliş va muvaffaqiyatli kitob dökonini boşqariş bir xil könikma emas. Buning uçun kitob tanlaşdan taşqari, savdo, marketing, tadbirkorlik va moliyaviy savodxonlik kabi bilimlar ham zarur. Muhimi, sohaga bölgan qiziqiş bilan birga, biznesni yuritiş könikmalarini ham rivojlantiriş kerak. 💬 Kitob dökoni egasi böliş uçun yana qanday könikmalar zarur deb hisoblaysiz? @jamoliddin_blog

Kitob öqiş inson ruhiyatiga xotirjamlik beradimi? Kitob mutolaasi kundalik taşvişlardan biroz uzoqlaşiş, fikrlarni jamlaş va özimiz bilan yolğiz qoliş imkonini beradi. Biroq bu jarayonning insonga ta’siri qanday kitob tanlaşiga ham boğliq. Muhimi, mutolaa nafaqat bilim oliş, balki özimizga vaqt ajratiş va ruhiy holatimizga ijobiy ta’sir körsatiş vositasi ham. 💬 Siz qanday kitoblarni öqiganingizda özingizni xotirjam his qilasiz? @jamoliddin_blog

Alifbo özgarişi avlod savodxonligiga ta’sir qiladi. Yozuv tizimining özgarişi faqat harflarni almaştiriş emas. Bu avlodning öqiş, yoziş va bilim oliş jarayoniga ham ta’sir körsatadi. Ayniqsa, yangi alifboga ötiş davrida eski va yangi yozuv örtasidagi farqlar ta’limda qiyinçiliklar keltirib çiqarişi mumkin. Muhimi, alifbodagi har qanday özgariş puxta öylangan, izçil va kelajak avlod manfaatlarini hisobga olgan holda amalga oşirilişi kerak. 💬 Siz qaysi alifboda yoziş va öqişga köproq odatlangansiz? @jamoliddin_blog

Marketing ham, muqova dizayni ham kitob savdosida muhim. "Marketing şart emas" yoki "Muqova dizayni muhim emas" degan fikrlar har doim ham töğri emas. Çunki yaxşi kitob ham öz auditoriyasiga yetib borişi, e'tibor tortişi va xaridorga tanilişi kerak. Marketing har qanday mahsulotni sotişga yordam berişi mumkin, ammo mahsulot sifati xaridorning qayta murojaat qilişiga ta'sir qiladi. Muqova esa kitob haqidagi ilk taassurotni şakllantiradi. 💬 Yaxşi kitob öz-özidan xaridor topa oladimi? Fikrlaringiz bilan bölişing. @jamoliddin_blog

Kitobning yaxşi sotilişi faqat nomiga boğliq emas. Kitob nomi e'tiborni tortişi mumkin, ammo bu uning köp sotilişini kafolatlamaydi. Mavzuning dolzarbligi, muqovaning jozibadorligi va nomning töğri tanlanişi ham xaridor qaroriga ta'sir qiladi. Kontent marketing kitobni tanitişga yordam beradi, lekin uzoq muddatli natija baribir kitobning öziga boğliq. Yaxşi marketing e'tiborni jalb qiladi, yaxşi kitob esa öquvçining işonçini qozonadi. Siz kitobni qanday tanlaysiz? @jamoliddin_blog

Замонамизнинг буюк интернет-донишмандларига, яъни «поп-психолог»ларга каттакон раҳмат! Улар бўлмаганида, биз аслида қандай «қурбон» эканимизни ва бутун дунё биздан қарздорлигини билмай ўтиб кетар эдик. Тармоқларда мусиқий фон билан тарқатаётган бу «теран ҳикматлари»га жавоб бериб кўрамиз: 1. «Сиз – Коинотнинг марказисиз!» Албатта, дунё фақат сиз учун яратилган. Бошқа одамлар – эрингиз, фарзандларингиз, ота-онангиз – буларнинг барчаси сизнинг ҳаётий сериалингизда шунчаки массовка бўлиб, уларнинг ягона вазифаси сизга ноқулайлик туғдирмасликдир. Сизга озгина оғирлик тушяптими? Дарҳол ҳаммасини ташлаб, «ўзимни танлайман» деган муқаддас сўзларни қайтариб, диванга ёнбошланг. Бошқаларнинг туйғулари-чи? Бу энди уларнинг «токсик муаммоси»! 2. «Шахсий чегаралар» мўъжизаси Болангиз кечаси йиғлаяптими? «Кечирасан, болам, менинг ҳозир ресурсим йўқ, шахсий чегараларимни бузма, мен ўзимни танлайман!» денг. Ота-онангизга ёрдам керакми? «Мени ўзимдан бошқа ҳеч ким асрамайди, мен чарчашга ҳақлиман», деб жавоб беринг. Оиладаги масъулият ва бурчдан қочишни шунчаки «мен эгоистман» деб эмас, балки «мен ўзимни севаман» деган гўзал ибора билан хаспўшлаш ҳам бир санъат-да! 3. Ёлғизлик – бу дунёнинг энг олий нуқтаси Ушбу Инстаграм-файласуфларининг мантиғига кўра, энг идеал одам – ҳеч кимга ёрдам бермайдиган, ҳеч кимдан ҳеч нима кутмайдиган ва бир ўзи фақатгина ўзининг буюклигидан завқланиб ётадиган зотдир. Агар бутун дунё мана шу олтин қоида бўйича яшашни бошласа, мукаммал жамият қурилади: миллионлаб ёлғиз, бир-бирига ёрдам қўлини чўзмайдиган, лекин жуда «онгли» одамлар ўз телефонларига термулиб ўтирадилар. Барбод бўлган оилалар, қаровсиз болалар, ёлғиз қариялар... Лекин энг муҳими – уларнинг ҳеч бирининг ички гармонияси (хотиржамлиги) бузилмаган! 4. Марафон сотиш санъати Энг қизиғи шуки, сизга «ҳаммасини ташла, фақат ўзингни сев, ҳеч кимга мослашма» деб ўргатаётган бу «мутахассислар»нинг ўзлари аслида сизга жуда қаттиқ мослашадилар. Улар маҳзун куйлар, хазонрезги манзаралар қўйиб, майин шивирлаган овоз билан айнан сизнинг руҳий яраларингизни тирнайдилар. Нега дейсизми? Чунки сиз ўзингизни бечора қурбондек ҳис қилганингиз сари, уларнинг «Ўзингни топ» ёки «Шахсий чегаралар қўямиз» номли 500 минг сўмлик курсларини сотиб олиш эҳтимолингиз ортиб бораверади-да. Сизнинг эгоизмингиз – бу уларнинг бизнесидир. Шундай экан, олға, ҳурматли поп-психологлар! Сизнинг шарофатингиз билан яқинда одамлар фақат кўзгудаги акслари билангина гаплаша бошлайдилар. Унинг устига, кўзгудаги одам улардан ҳеч қачон ёрдам сўрамайди, уларни чарчатмайди ва улар мутлақ «комфорт»да яшайдилар. Худди қабрдагидек жим-жит ва япа-ёлғиз комфортда.

Kompaniya faqat rahbari köra olgan ufqqaça bora oladi. ​Biznes heç qaçon asosçisining saviyasidan ötib keta olmaydi. Agar kompaniya bir joyda depsinib qolgan bölsa, ayb bozorda yoki xodimlarda emas — demak, rahbarning özi ösişdan töxtagan. ​Siz ösişni boşlang, jamoa ham sizga ergaşadi. Rahbar töxtadimi — biznes ham töxtaydi. ​@jamoliddin_blog

Бир марталик савдодан келган фойда ўқувчининг ишончи олдида ҳеч нарса эмас. ​QAMAR’да ҳамма китобни ҳам тавсия қилавермаслигимизнинг сабаби шу. Биз учун дўконга келган инсон қидираётган жавобларини, ўзига фойда берадиган китобни топиб кетиши муҳим. Мижоз кўнгли тўлмаган китоб учун сарфлаган пулига эмас, йўқотган вақтига кўпроқ ачинади. Китоб танлашда сотувчи билан маслаҳатлашасизми ёки ўзингиз танлайсизми? ​ ​@jamoliddin_blog

“Qiymat” klubining navbatdagi soniga marhamat! 🎙 🎤 Kitobxonlarga qiymatli ma’lumot va tavsiyalarni ulaşişni maqsad qilgan uşbu klubimizda Jahongir Nasriddinov mehmon böladi. Mehmonimiz bilan birga “Iroda tarbiyasi” kitobi haqida suhbatlaşamiz. 🕰 Tadbir Seoul Mun filialimizda, 29-oktyabr kuni, soat 10:00 da bölib ötadi. Joylar soni çeklangan, atigi 30 nafar kitobxon iştirok eta oladi. ⚡️ 🔗 Ushbu havola orqali ro‘yxatdan o‘tishingiz mumkin! @qiymat_klubi

Баъзан қўйиб юбориш ҳам керак. Агар инсон сиз кутган натижани бермаётган бўлса, уни ҳам, ўзингизни ҳам қийнашдан маъно йўқ. Ҳар кимнинг ўзи ҳаракат қилиши ва ўз имкониятларини ишга солиши керак. Қийинчилик инсонни ўсишга, мустақил қарор қабул қилишга ва ўз кучига ишонишга ўргатади. Шунинг учун керакли пайтда четга чиқиш ва инсонга ўз йўлини ўзи топиши учун имконият бериш муҳим. 💬 Сизнингча, инсонга қачон ёрдам беришни тўхтатиб, унинг ўзи ҳаракат қилишига имкон бериш керак? @jamoliddin_blog

​Нима кутганингиз — сизнинг муаммонгиз. Баъзан биз атрофимиздаги инсонлардан жуда кўп нарса кутамиз. Аммо ҳар бир кутилма ҳам амалга ошавермайди. Ва айнан шу кутувлар бажарилмаганида, норозилик ва муаммолар бошланади. Муҳими, кутувларингизни тўғри баҳолаш ва бор имкониятлардан оқилона фойдаланишни ўрганишдир. 💬 Сизнингча, инсон ўз кутувларини қандай бошқариши мумкин? @jamoliddin_blog

Кеча армияда бирга хизмат қилган дўстим қўнғироқ қилди. Салом алик, ҳол аҳвол сўради. Кейин яна... Мақсадини билиш учун "лаббай, дўстим?" дедим. У эса, шунчаки ҳол сўрай деб қилгандим, деди. Анчадан бери бунақа қўнғироқ бўлмаган экан, анча таъсирландим. Ўзимдан уялдим. Ҳаммамиз бандмиз. Ўзимизга ҳам, яқинларимизга ҳам вақтимиз йўқ.

Qamar тарихи – эзгу ниятдан бошланган йўл. Ҳар бир катта тарих ортида бир орзу ва унга бўлган мустаҳкам ишонч туради. Qamar ҳам бир пайтлар кичик бир бекатдан бошланган, бугун эса кўплаб инсонлар ҳаётидан жой олган масканга айланди. Янги манзиллар сари ташланган бу қадам кўпроқ инсонларга билим улашиш, китобхонликни тарғиб қилиш ва эзгуликка хизмат қилишга қаратилган. Qamar тарихи давом этмоқда. Олдинда эса ҳали кўплаб янги манзиллар ва амалга ошадиган орзулар бор. 🌙 Qamar дейилганда хаёлингизга нима келади? 🤔 @jamoliddin_blog

Саккиз йилдан бери яшамайдиган уйимга мелиса кепти. Соқол бўйича экан. Кейин телефон қилди. "Эртага келишингиз керак", деб, жиддий айтяпти. Қайсидир масжид номини айтди. Бориб суҳбатдан ўтиб келасиз, дейди)) Бошқа иш қолмади сизларга. Вақтим йўқ. Айниқса шунақа бекорчи ишларга. Соқолимни кеча олганман. Каааалта. Келиб кўриб кетсангиз бўлади ишонмасангиз.

Сўкиниш ва қўрқитиш эркак кишига обрў бермайди! Баъзан одамлар қўпол гапириш, сўкиниш ёки атрофдагиларда қўрқув уйғотишни кучлилик ва обрў белгиси деб ўйлашади. Аммо инсоннинг ташқи кўриниши, баланд овози ёки бошқаларни ўзидан ҳайиқтира олиши унинг ҳақиқий қадрини белгиламайди. Кўчада қўрқинчли кўринган, ҳамма ундан ўзини олиб қочадиган одам ҳурматга сазовор бўлмайди. Чунки қўрқув билан қозонилган мавқе ва ҳурмат билан қозонилган обрўб икки хил нарса. Инсоннинг қандай гапириши, ўзини қандай тутиши ва бошқаларга қандай муносабатда бўлиши унинг кимлигини кўпроқ намоён этади. Ҳақиқий куч ўзини бошқара олишда. Эркак кишининг қадри сўкиниш билан эмас, сўзида туриши, масъулияти ва муомаласи билан ўлчанади. Зеро, одамлар сиздан қўрқиши мумкин, аммо бу улар сизга ҳурмат билан қарайди дегани эмас. 💬 Бу ҳақда сизнинг фикрингиз қандай? Изоҳда ёзиб қолдиринг. @jamoliddin_blog

Ikki kun avval, 16-oktabrda Press Qahramon bir maktabga borib, o‘z hamrohlari bilan bir boshlang‘ich sinfga kirib, xuddi sovg‘a beradigan Qorboboning ohangida o‘quvchilarga: “Kim bugun mashinaning old o‘rindig‘i – haydovchining yonida o‘tirib keldi?”, deb savol bergan videosi chiqqandi. Ko‘rgan bo‘lsangiz kerak, uch o‘quvchi xursand bo‘lib, qorataxtaning oldiga chiqqan. Keyin Press Qahramon ulardan otalarining ismini so‘rab, endi ularga jarima solinishini e’lon qilgan. Salkam 10 mln marta ko‘rilgan bu videoning oxiri — jarima solindimi-yo‘qmi — muhim emas (ahamiyatlisi, uch bolaning shaxsi butun mamlakatga oshkor qilindi, bu esa o‘zi jiddiy huquqiy muammo). Qoidalarga rioya etilishini targ‘ib va talab qilishga hech kim qarshi bo‘lmasa kerak, lekin Press Qahramon tanlagan nobop usul 9-10 yoshli bu o‘quvchilarni juda noxush va noqulay vaziyatda qoldirganini ham tushunish muhim. Zotan o‘sha sinfxonadagi vaziyat shu video tarqatilmaganida ham juda yomon — o‘quvchilar eng kamida o‘z sinfdoshlari oldida yoqimsiz vaziyatda qoldirilgan (kamiga, rost gapning to‘qmog‘ini yegan). Press Qahramon va uning hamkasblari biror “kotakon”ning hali 12 yoshga to‘lmagan nevarasi biror premium avtomobilning old o‘rindig‘ida ketayotganini ko‘rsa, uni jazolash tugul, mana shunday videoga olib chiqara olishiga ham ishonish qiyin, buyoqda esa hech narsadan shubhalanmay, xursand bo‘lib “doska”ga chiqqan uch o‘quvchini endi butun mamlakat muhokama qilyapti (qani endi Press Qahramon o‘sha videosi ostidagi kommentlarni yopib qo‘ygani bilan bu muhokamalarni to‘xtatib bo‘lsa). Afsuski, Press Qahramon qilgan ishi, tanlagan targ‘ibot usuli o‘rinsiz bo‘lganini hali ham anglamagan, nazarimda. Sog‘lom fikrli vatandoshlarimiz huquq-tartibot xodimlarining maktabdagi bu xatti-harakati o‘rinsizligini faol ta’kidlab kelayotgan bir vaqtda, u bugun, 18-oktabr kuni Instagramdagi sahifasiga IIV matbuot kotibi Shohrux G‘iyosovning eski, lekin g‘alati mashhur bir videosini qo‘yibdi. U videoning ma’nosi, taxminan, bunday: melisani kimlar yomonlaydi? Melisani faqat “shoqol”lar va g‘alamislar yomonlaydi. Qolganlar esa “melisaga ishim tushmasin!” deb duo qiladi. Xalq “shularga ishim tushmasin!” deb duo qiladigan o‘zbek melisasi vakili hisoblangan Press Qahramonning maktabdagi xatti-harakatlarini Erkinjon Turdimov boshliq Ta’lim vazirligi ham, O‘zbekiston Bolalar ombudsmani Surayyo Rahmonova ham qoraladi. Melisa jargoni bilan aytganda, “yomonladi”. Press Qahramon “NO COMMENT” degan izoh bilan Shohrux G‘iyosovning videosini go‘yoki unga qaratilgan tanqidlarga javoban chiqararkan, bu bilan nafaqat O‘zbekistonning faol jamoatchiligini, balki, hozircha, Ta’lim vazirligi va Bolalar ombudsmanini ham “shoqol va g‘alamislar”ga tenglashtirib qo‘yganini tushungan bo‘lsa bo‘ldi.

Chimgan filiali o‘z eshiklarini ochdi! 📚 Kecha yangi do‘konimiz ochilishi bilan kitobxonlarga liq toʻldi. Sovrinli viktorinalar va bir finjon qahva ustidagi samimiy suhbatlar albatta, kitob xarid qilish bilan davom etdi. Kecha ochilishga ulgurolmay qoldim-da, deysizmi? Tashvishga hojat yoʻq, BUGUN ham Siz kitobxonlarimiz uchun doʻkonimiz ochiq. 🌷 Sizni intiqib kutyapmiz! 📍 Mirzo Ulug‘bek maydoni, 21-uy. Mo‘ljal: “Chimgan” savdo markazi yonida. @qamarbooks

Янги дўконимизни эсон омон очиб олдик. Имкон топиб, келолган ҳамма меҳмонларга катта раҳмат. Жуда хурсанд бўлдим. Ҳаммадан кўпроқ онам хурсанд бўлдилар. Очилишга бутун жамоамиз катта ҳаяжон билан тайёрланди. Камчиликлар кўп, ҳали устимизда ишлашимиз керак. Яқиндагина саксон нафар эдик, энди юздан ошдик. Ичимда кўп гаплар бор, лекин бугун фақат раҳмат дейман. Борингизга шукр.

Эртага, 17 октябрь, соат 11:00 да Qamar нинг учинчи дўкони расман очилади. Манзил: Ecobozor, Темур Малик кўчаси 3А, Мирзо Улуғбек тумани. Аслида дўкон 13 октябрдан бери синов режимида ишлаб турибди. Шу тўрт кунда қайси режамиз тўғри, қайси бири нотўғри чиққанини кўрдик. Баъзи жавонларни қайта тердик, ўзгартирдик. Эртага ҳам ҳамма нарса идеал бўлмайди. Лекин кўрсатса бўладиган ҳолатга келди. Чорсу ва Seoul Mun дан бир нарсани ўргандик битта формула иккинчи жойда ишламайди. Шунинг учун бу дўконни аввалгиларидан кўчириб эмас, шу жойнинг одамига қараб қурдик. Нима ўзгаргани эртага ўзингиз кўрасиз. Бу дўконда менинг ишим катта эмас. Асосий ишни жамоа қилди. Билолиддин, Дилшод, Муҳаммад Содиқ, Мирафзал, Қаҳрамонбек жавонларни, ассортиментни ўзлари йиғишди, синов кунларида ҳар куни нимадир тузатишди. Омбор: Исматилла ака ва жамоалари. Бир неча минг китобни саралаб, етказиб беришди. Маркетинг ва дизайн: Муҳаммад Темур Аъзам, Абу Бакр, Раъно, Манзура, Ҳайитмурод, Асилбек, Мирзоҳид, Азимжон. Очилиш, таклифномалар, фотозона, видео. Молия: Шаҳзод, Ҳамидуллоҳ Ҳар бир тўлов, ҳар бир шартнома улардан ўтди. Таъмирлаш ва жиҳозлашда ишлаган усталар, Иброҳим, Муҳаммаджон, Тоҳир ака, Тоҳир ака (улар иккита 🙂) Ташкилий ишларда Бахтиёр, Дилноза опа. Уларнинг кўпчилигини мижозлар кўрмайди. Шунинг учун шу ерда ёзяпман. Эртага келинг. Китоб кўринг, камчилик кўрсангиз айтинг, биз ҳали ўрганяпмиз. Иш вақти ҳар куни 08:00 дан 22:00 гача

📚 Ўзбек китобхонлари Фотиҳ Думанни қандай кутиб олди? “Мен” китоби муаллифи Фотиҳ Думаннинг Ўзбекистонга ташрифи ўзбек китобхонлари учун қувончли воқеа бўлди. Унинг асарлари кўплаб китобхонлар қалбидан жой олгани, ижодкорига бўлган меҳр ва қизиқишда ҳам намоён бўлмоқда. 💬 Сиз Фотиҳ Думаннинг қайси китобини ўқигансиз? @jamoliddin_blog

Тўйда дабдаба шартми? Тўй – бошқалардан қолишмаслик ёки атрофдагилар нима дейди, деган ўй билан ортиқча харажат қилиш учун эмас. Ҳар ким ўз имкониятидан келиб чиқиб, ихчам ва самимий тўй қилиши мумкин. Чунки тўйнинг қадри сарфланган пул ёки меҳмонлар сони билан эмас, балки унинг мазмуни билан белгиланади. Муҳими, тўйни бошқаларга қараб эмас, ўз имкониятингизга қараб ташкил қилиш. 💬 Сизнингча, тўйни ўз имкониятидан келиб чиқиб қилиш қанчалик муҳим? @jamoliddin_blog