iBooK.uz

Без текста

Без текста

Без текста

Без текста

Dostoyevskiydan so‘radik. Arkadiydan so‘radik. Endi "ota"sidan ham so‘rab ko‘raylik Versilov, kitobxonlar sizga besh daqiqalik vaqt ajratishdi. Siz ham o‘g‘lingizga hech bo'lmasa shuncha vaqt ajrata olasizmi? O'smir kitobi sotuvda! Narxi: 99.000 soʻm Muqovasi: qattiq Sahifalar soni: 727 🛍 Buyurtma uchun: @iBook_Uzbekistan 😎 Telegram | 😎 Instagram | 🍇 Uzum @iBooK_uz

#Kun_Iqtibosi Yevrosiyo - dunyoda ustunlik uchun kurash davom etayotgan shaxmat taxtasi… ©️Z.Bjezinskiy - “Buyuk shaxmat taxtasi” @iBooK_uz

Birgina harakat va “Oʻsmir” kitobi qoʻlingizda 😎 150 yil avval yozilgan, lekin bugungi kunda ham dolzarb boʻlgan asar. Arkadiyning fikrlarini oʻqir ekansiz, shubhasiz “shoshma, buni men ham oʻylagan edim” deb qolasiz. 😉 Kitobni oʻqidingizmi? Yoki endi oʻqimoqchimisiz? Izohlarda yozib qoldiring. Narxi: 99.000 soʻm Muqovasi: qattiq Sahifalar soni: 727 🛍 Buyurtma uchun: @iBook_Uzbekistan 😎 Telegram | 😎 Instagram | 🍇 Uzum @iBooK_uz

#finished Fyodor Dostoyevskiy – “Oʻsmir” Odamlar orasida oʻzingizni ortiqchadek, goʻyo hech kim siz bilan hisoblashmayotgandek his qilgan paytlaringiz boʻlganmi? Hali katta hayotga qadam qoʻymagansiz, ammo ichingizda gʻurur va isyon qaynaydi. Hammadan ustun boʻlishni, sizni mensimaganlarni tiz choʻktirishni xohlaysiz. Biroq yolgʻiz qolganda shu daʼvoga undayotgan narsalar ortida nihoyatda oddiy ehtiyojlar turganini sezasiz. Kimdir sizga mehr berishini, e’tibor qaratishini va borligingizcha qabul qilib sevishini istaysiz. Shu qondirilmagan istak va ehtiyojlardan hammasi oʻsib chiqayotganini tan olgingiz kelmaydi xolos. Dostoyevskiyning “Oʻsmir” romani ayni shu toʻfon ichida yashayotgan 19 yoshli Arkadiy Dolgorukiy haqida soʻzlaydi. Ammo voqealarni hikoya qilayotgan Arkadiy allaqachon bu yoshdan oʻtib ketgan. Ortga qaytib oʻsha his qilganlarini aytib bermoqda. Agar asarga qisqa taʼrif berish kerak boʻlsa men uni oʻz oʻrnini topolmayotgan qalb ogʻrigʻi, ota mehriga tashnalik va ichki menini katta dunyoga yedirib qoʻymaslik uchun kurashayotgan inson haqidagi psixologik roman degan boʻlardim. Arkadiy nikohsiz tugʻilgan farzand. Familiyasining “Dolgorukiy” boʻlishi-yu, aslida knyazlar naslidan emasligi bolaligini zaharlaydi. “Qaysi Dolgorukiylardansan?” degan savol yuziga tarsakidek tushadi har safar berilganida. Shu kamsitilishdan qochish uchun u oʻziga “ideal” topadi. Maqsad kamida Rotshilddek boy boʻlish. Ammo unga pul aysh-ishrat uchun kerakmas. U boylikni jamiyatdan yashirinadigan qalqon deb biladi. Yaʼni uning “Rotshild gʻoyasi” boylikka emas, yaralangan gʻururini davolashga chanqoqlikdan kelib chiqqandi. Romandagi eng kuchli chiziqlardan biri haqiqiy otasi Versilov va qonuniy otasi Makar Ivanovich oʻrtasidagi maʼnaviy qiyosning Arkadiy ongida hech qachon toʻxtamasligi deb oʻylayman. Arkadiy Versilovni goh telbalarcha yaxshi koʻradi, goh undan nafratlanadi. Muallif bu ikki ota obrazi orqali insonni qutqaradigan narsa Versilovdagi kabi telbavor va jilovlanmagan aqlmi yoki Makar Ivanovichdagi kabi qalb xotirjamligi va imonmi? Ana shu joyda Dostoyevskiy hayotni qanchalik tabiiy va bezaklardan xoli, yalangʻoch koʻra bilgani seziladi-da. Masalan, Olya fojiasida xoʻrlanishlar qizning ishonchini shu qadar sindiradiki, uzatilgan har qanday qoʻldan yomon niyat qidiradi. Kitobni oʻqir ekansiz, “oʻsmirlik” faqat yosh bilan bogʻliq emasligini tushunasiz. Asar oʻzimizga koʻzgu tutib, koʻpincha qoʻpolligimizni “qatʼiyat”, xudbinligimizni esa “katta maqsad” deb oqlashimizni koʻrsatib berasiz. Eng muhimi, roman insonning tikanli soʻzlari ortida “mening borligimni payqang, men bilan hisoblashing, meni seving!” deya yordam kutayotgan bechora qalbi borligini his qildiradi. Zero, odamni boylik yoki qudrat emas, boshqalarni tushunish va kechirish ulgʻaytirishiga shu kitobdagi shaxslar juda jonli, juda tabiiy misol boʻloladi. ➡️@qora_yigit 🌐 Bir-burchak.uz

Без текста

#Bir_Iqtibos_Sharhi "Hamma narsani bilaman, ammo foydali hech narsa bilmayman" - "O‘smir" kitobidan Bu gapni o‘qib, bir zum to‘xtab qolasiz. Qanday qilib odam hamma narsani bilishi-yu, foydali hech narsa bilmasligi mumkin? Telefonimizda saqlangan foydali postlar ko‘p. O‘qishimiz kerak bo‘lgan kitoblar ro‘yxati ham uzun. Biror mavzu ochilsa, aytadigan gapimiz bor. Ammo bilganlarimizdan qanchasi kundalik hayotimizga kirib kelgan? Sabr haqida o‘qiymiz-u, yaqinimizni eshitishga sabrimiz yetmaydi. Vaqtning qadrini bilamiz-u, boshlamoqchi bo‘lgan ishimizni yana ertaga qoldiramiz. Bu jumlani o‘qiganda odam o‘zidan so‘ragisi keladi: shuncha bilganim menga qayerda yordam beryapti? Menimcha, bu iqtibosning og‘riqli joyi shu: odam o‘z bilimiga qarab mamnun bo‘lishi mumkin, ammo o‘z hayotiga qaraganda o‘sha mamnunlikni topolmaydi. Kitobni yopganimizdan keyin uning biror jumlasi biz bilan qolsa, yaxshi. Keyingi safar kimnidir ranjitishdan oldin o‘sha jumla yodimizga tushsa, balki uning foydasi aynan shu yerda boshlanar. O‘qigan kitobingizdan hayotingizga olib kirgan bitta odatingiz bormi? 😎 Telegram | 😎 Instagram | 🍇 Uzum @iBooK_uz