لو تحب تناقشني في حاجة عن التسجيل بتاع امبارح "الألفاظ التي كنى الله بها عن الجماع"…

{يرغبُ الرجل في الجنس؛ فإذا قَذَف رغِب عنه}😮 الحكيم أسيم. الرغبة عند الرجل بتقل مباشرة بعد القذف مش لأنه "زهق" أو "ما عادش بيحب" لكن لأن جسمه بيدخل في مرحلة بيولوجية طبيعية بتهدف في المقام الأول للراحة وإعادة التوازن. ربنا سبحانه وتعالى جعل ده نظام عجيب .. تخيل معايا لو احنا مبنفصلش وبنفضل بنفس القوة والرغبة والاندماج! .. بفكرك بمرَّات كتير انت كنت مستمتع جدا لدرجة إنك وعدت نفسك إنك هتكمل بعد القذف من فرط متعتك.. لكن جسمك بشكل إجباري بعد ما بيقذف بيقول لك بطل هبل.. تم إلغاء التفعيل😏.. وانت بتبقى هادي ومش بتعاند معاه، وفعلا بتفقد الرغبة ولو أن جميلة الجميلات عرضَتْ نفسها عليك لأعرضَّت عنها "على الأقل لمدة بسيطة" السبب ببساطة إن شرارة الشهوة الأولى أصلها هرموني، يعني انت تدخل في المود بأي مُحفز "بصري - سمعي - شمي - لمسي - تخيُّلي" يقوم جسمك يديك دفقة هرمونات تزود رغبتك في الاستكمال.. أما بعد القذف فـ الجهاز العصبي السمبثاوي -اللي أعطى أوردر بالقذف- بيعطي أوردر من خلال الجهاز الباراسيمبثاوي إن العدادات كلها لازم تفصل علشان الجسم يريح "shutdown” يقوم الجسم يفرز برولاكتين كتير ومستواه يعلى في الدم يقوم يكبح جماح الشهوة ويعمل حالة فتور أو خمول جنسي (Refractory Period) وقدام قوة البرولاكتين وسيطرته وعنفوانه بيتراجع الدوبامين والتستوستيرون اللي هم الشرارة العظيمة بتاعت أي شهوة، تحس إن البرولاكتين ده غول بيقدر لما ينتشر يخوِّف باقي الهرمونات المحفزة فتتكنّ وتختفي.. وانت تشعر بالنُعاس والرغبة في الاستكنياص😴.. نظام فائق عجيب متكامل؛ فسبحان الذي يمنح ويمنع، وسبحان الذي خلق الناس يتقلبون بين رغبتهم الجارفة في الشيء فإذا نالوه رغِبوا عنه. والفتور الجنسي ده بيختلف من شخص للتاني، ممكن يقعد دقيقتين وبعدين تشتعِل جذوة الشهوة مرة أخرى.. وممكن يقعد ساعات، وأيام عند بعض الناس.. لذلك دائما ما أنصح بعدم إجبار الجسد ليعيد الكَرَّة، سيبه على فطرته.. {صبَّح ولا تتني، تعيش متهني}.

بيقول لك الفيدرالي رفع الفايدة..😀

كان أجدرَ* أن يُذكر

بالمناسبة تقدر تسمع سلسلة التجليات الليلية كاملة على ساوند كلاود هنا بس متشغلهاش جنب حد😀 أديني نبهتك🤦🏻‍♂️

No text