الذهب والفضة بيتعرضوا لهبوط حاد.. لكن الغريب إن التوقعات على المدى الطويل لسه بتتحسن 🤔

الذهب والفضة بيتعرضوا لهبوط حاد.. لكن الغريب إن التوقعات على المدى الطويل لسه بتتحسن 🤔 الذهب نزل خلال اليوم بحوالي 3.5% ووصل لـ4110 دولار للأونصة، والفضة تراجعت 5% ووصلت لحوالي 60.75 دولار. السبب الرئيسي واضح.. وهو ان عوائد السندات الأمريكية لأجل 10 سنوات طلعت فوق 5.20%، وده قلل من جاذبية الذهب والفضة، خصوصًا مع استمرار مخاوف التضخم وارتفاع أسعار البترول. لكن هنا تبدأ النقطة الأهم ⭕ رغم الضغوط دي، النظرة طويلة الأجل للذهب أصبحت أعلى بشكل واضح. والتفسير إن الذهب بدأ يتأثر بعوامل جديدة غير العوامل التقليدية زي الفائدة والعوائد، ومن أهم العوامل دي مشتريات الصين. الطلب الصيني على الذهب أصبح عامل قوي قادر على دعم الأسعار حتى في أوقات تشديد السياسة النقدية، خصوصًا مع استمرار البنوك المركزية في زيادة احتياطاتها من الذهب والتنويع بعيداً عن الدولار. وده معناه إن الذهب مش لازم يستنى انخفاض الفائدة علشان يتحرك لأعلى. في المقابل، الفضة وضعها مختلف شوية 👇 الفضة بتواجه ضغط من تباطؤ الطلب الصناعي، خصوصًا مع تباطؤ نمو الطاقة الشمسية، وارتفاع أسعار الفضة دفع الشركات الصينية المصنعة لمعدات الطاقة الشمسية للبحث عن طرق لتقليل استخدام الفضة واستبدال جزء منها بالنحاس. يعني على المدى القصير، الذهب والفضة عندهم أسباب قوية للهبوط... لكن على المدى الطويل، الصورة مختلفة الذهب عنده طلب من البنوك المركزية والصين، بالإضافة لمخاوف الديون وتراجع قيمة العملات، لكن الفضة محتاجة توازن بين الطلب الاستثماري والطلب الصناعي 🔴 وعشان كده، الهبوط الحالي لوحده مش كفاية علشان نقول إن الاتجاه طويل الأجل للذهب والفضة اتغير، والأهم اننا نعرف هل الضغوط الحالية مؤقتة ولا هتستمر لفترة أطول. لو شايف المعلومة مهمة، شارك البوست عشان غيرك يستفيد 👌 🌑 قناة توقعات واخبار الذهب والفضة: ✅https://t.me/EGP_earnBO